Ubutukilo 24:61 - Mukanda Wa Zambi 1970

⁶¹ Hohene Rebeka, hamwe ni yikwashi jenyi a mapwo, yanyina ha tumelu, mba kavumbi ka Abrahama ni ayo eswe yaabwila mu jila.

MUKANDA USANDU WA ZAMBI 1975

⁶¹ Mba Rebeka yakatuka hamwe ni tuvumbi twenyi a mapwo, yenda ha tumelu akakaule mwe lunga. Chocho mwe ndungo yatambula Rebeka, yaya mu jila yenyi.

Ubutukilo 24:61 Iomraidhean Croise

Ubutukilo 2:24

Kashika, lunga makahichika tato ni naye akalinunge ni pwo lienyi, mba ayo aali maabwa mutu umuwika.

Ubutukilo 24:60

Yaawahisa Rebeka ni maliji wano ngwo: “Yena ndumbwetu, ukabwe semi wa tununu ni tununu. Vungu lie akakumbe akwa kole jo.”

Ubutukilo 24:62

Ha tangwa lize Isake haheta ku shima lia meya lia Zambi wa Mwono Yoze Wakungumona, te mu sude ya Kanana mwe atwama.

Ubutukilo 31:34

Kuma Rashele te hasweka mahamba ja tato mu tuku ya musau wa kamelu, mba yatwama ho. Labane yabolongoza chinji mu zuwo lia Rashele, alioze kamwene ko nichimwe.

Estere 8:10

Mordekai yasoneka mikanda mu jina lia mwanangana Ahashueru, yaayisa chinyingi cha kazeya ka mwanangana. Yaayihana kuli tunganda waze akwendela ha tuvwalu twa fuji jinji a mwanangana. No yaayitwala mu yifuchi yeswe.

Estere 8:14

Nikulita ni liji lia mwanangana, tunganda waze te akwendela ha tuvwalu yaaya fuji ku yifuchi yeswe. Yaamwanga nawa Shimbi yize mu Shushane, limbo lia wanangana.

Miaso (Masamu) 45:10

Nandungi wa mwanangana, banjika yize ngunambe: “Kanda usa mbunge kuli atu je ni kuli usoko we.

Akwa Kuyula 5:30

‘Kota kaanatete yuma yize haabuba mu jita, mwana pwo umuwika, hanji aali, kuli mweswe kajita, ni mahina abema, mumu hali Sisera, ni mahina akulomba, akusa ha kota ya mwanangana wa pwo.’

1 Samuel 25:42

Abigaile yakatuka nikawashi, yanyina ha chimbulu chenyi, yaya hamwe ni tuvumbi twenyi atano a mapwo, yakaula tuvumbi twa David. David yamumbata.

1 Samuel 30:17

Mba David yasa no jita chize ku kunjila cha tangwa ndoo ku chingoloshi cha tangwa likwo. Lunga niumwe walilamwinyine shina akweze 400 waze achinyine ha tumelu.