Ubutukilo 24:44 - Mukanda Wa Zambi 1970

⁴⁴ nyi mangwamba ngwenyi: Nwako, mungunwisa nawa tumelu twe, mba mungunyingika ngwami, kuma mwenawo Mwene Zambi anazange kubwa pwo lia Isake, mwana wa mwata wami.’

MUKANDA USANDU WA ZAMBI 1975

⁴⁴ neye mamba ngwenyi, Ni yena nwako mba mungutahila nawa tumelu twe, mwenawo lume akapwe yoze Yehova hanatongola hali mwana wa mwata wami.

Ubutukilo 24:44 Iomraidhean Croise

Ubutukilo 2:22

Ni mwe lupachi yoze yatanga pwo, mba yamuneha kuli lunga.

Ubutukilo 24:14

Mungwambila umwe mwana pwo ngwami: ‘Nalemba, tula mulondo we ngunwe kama meya.’ Nyi mangwamba ngwenyi: ‘Nwako, mungunwisa nawa tumelu,’ mwenawo abwe kama pwo lia kavumbi ke Isake. Nyi yino yeswe yaabwa ngwe chino, mba mungunyingika ngwami, hiwamanununa maliji waze wahanjikile ni mwata wami Abrahama.”

Ubutukilo 24:43

Kuno kuli kuma akutahila meya. Nyi umwe mwana pwo meza ni kutaha meya mungumwamba ngwami: Nalemba, ngwehe kama meya ngunwe,

Ubutukilo 24:45

Mba muze te kanda nguchimanununa kulemba mu mbunge yami, yingumona Rebeka kaneza ni mulondo ha chipaya. Yapalumuka ku shima ni kutaha meya. Yingumwamba ngwami: ‘Nalemba, ngwehe kama meya ngunwe.’

Yishima 16:33

Atu kaakuta chela anyingike chize Zambi anazange, alioze Zambi iye mwene kaakubatula chize maakumbulula.

Yishima 18:22

Kuwana pwo hiwawana Chuma chibema; kafwa chinalumbunuka ngwo, Mwene Zambi halinga kanawa kuli yena.

Yishima 19:14

Mutu mahasa kuhinga zuwo ni ubite ya yisemi jenyi, alioze shina Zambi mwe mahasa kumwaha pwo wa mana.

Izaya 32:8

Alioze mutu wa vumbi ni mbunge yakutuwika, kakujikijila ha yize yinalite.

1 Timoteu 2:10

Alioze alinge yitanga yibema, ngwe chize chaatamba kulinga mapwo waze akuwayila Zambi.

Hebreu 13:2

Kanda nuvulama kuzumbula ngeji. Mumu, ha kulinga chino amwe haanazumbula tunganda wa mwilu, alioze te kaachinyingikine ko.

1 Petulu 3:8

Hakusula, eswe bwenu ni manyonga amuwika ni kulivwa chimuwika. Lizangenu ngwe ana ja tata umuwika ni mama umuwika. Bwenu akwa utu ni akwa kulikehesa.