Ubutukilo 24:40 - Mukanda Wa Zambi 1970

⁴⁰ Iye ngwenyi: ‘Mwene Zambi yoze nakwononokena ndoo ni musono uno, makakutumina kanganda kenyi ha kukukwasa. Ha chino ukafupile mwanami pwo mu chifuchi cha tata.

MUKANDA USANDU WA ZAMBI 1975

⁴⁰ Iye yamba kuli yami ngwenyi, Yehova, yoze kumeso jenyi nakwenda, iye kumakatuma mungelo wenyi hamwe ni yena mukuwahisa wenyi we. Kumukasakila pwo mwanami wa kuli usoko wami, ku munyachi wa tata.

Ubutukilo 24:40 Iomraidhean Croise

Ubutukilo 17:1

Muze Abrama habwa ni miaka 99, Mwene Zambi yasoloka kuli iye ni kumwamba ngwenyi: “Yami nguli Zambi Mukwa Ndundo Jeswe. Chakutamba kungwononokena ni kuliendela ni yami matangwa eswe.

Ubutukilo 24:56

Alioze mwe kavumbi ngwenyi: “Nalemba mala, kanda nutukwika. Mwene Zambi hawahisa wenyi wetu. Tushikenu hanga tuye kuli mwata wetu.”

Ubutukilo 24:7

Mwene Zambi, Zambi ya mwilu, hananguchiza mu chifuchi cha tata ni cha usoko wami, yanguneha kuno. Yalishinga ngwenyi, makahana chifuchi chino kuli vungu liami. Mwenawo makatuma kanganda kenyi ka mwilu ha kufupila mwanami pwo.

Ubutukilo 48:15

Mwabwamuze Israele yawahisa Josefe ngwenyi: “Zambi yoze atata jami Abrahama ni Isake alingile, awahise ana malunga wano! Zambi yoze wangufungile ndoo ni musono, aawahise!

Ubutukilo 5:22

Enoke te kakuliendela ni Zambi. Yatwama ni mwono miaka yikwo 300, yasema nawa ana a malunga ni a mapwo,

Ubutukilo 5:24

Enoke, ha matangwa eswe a mwono wenyi te kakulivwa ni Zambi. Mba limwe tangwa Zambi yamuchiza hashi, atu hikaamumwene ko nawa.

Ubutukilo 6:9

Jino je sango ja Noa. Noa yasema ana atatu a malunga: Sheme, ni Hame, ni Jafete. Noa te keshi kapalia, yalivwa ni Zambi. Shina iye wabwile mukwa ululi ha miaka yenyi, atu akwo eswe abwile abi ku meso ja Zambi. Vunda ni kwonona yiimwangana mwamwaa hashi heswe.

1 Yitanga Ya Mianangana 2:3

Linga chize Mwene Zambi, Zambi ye, makwamba. Ufunga Shimbi jenyi jeswe ni yiyulo yenyi yeswe yize yinasonewa mu Shimbi ja Mose, hanga ukawahe mu yeswe yize muukalinga kweswako muukaya.

1 Yitanga Ya Mianangana 3:6

Mwanangana ngwenyi: “Matangwa eswe walwezele zango linji kuli kavumbi ke tata David, te kali mukwa ululi ni umwenemwene, ni mukwa mbunge ya kutuwika. Yiunyongonona ni kumulweza zango lia kumwaha mwana wa lunga yoze unamuhingi musono uno.

1 Yitanga Ya Mianangana 8:23

yalemba ngwenyi: “Mwene Zambi, Zambi ya Aisraele, kukushi Zambi mukwo niumwe ngwe yena, chibwe mwilu chibwe hashi! Wakufunga Usendo ni atu je. Wakwalweza utu we muze akukwononokena ni mbunge jo jeswe.

1 MIANANGANA 20:3

“Mwene Zambi, iwuluka kama chize hingunakulingila ni mbunge yimuwika ni kushishika; matangwa eswe hinguneseka kulinga chize wakuzanga.” Mba yabutuka kulila chikolo.

Miaso (Masamu) 1:3

Kali ngwe mutondo ku mbumbulu ya lwiji, uze wakwima mihuko yawo ha tungonde twawo, mafwo jawo keeshi kuma. Kakuyuka yeswe yize akulinga.

Miaso (Masamu) 16:8

Matangwa eswe nakunyingika ngwami, Mwene Zambi kali hamwe ni yami, kali ku chindume chami, chichi kukokoloka nichimwe.

Miaso (Masamu) 91:11

Zambi malweza tunganda twenyi a mwilu akufunge mu majila je eswe.

Kutuhuka 23:20

“Mungukatuma kanganda ka mwilu kulutwe lie, yoze makakufunga mu jila ni kukutwala kuma kuze hingunakululikila.

Kutuhuka 33:2

Mungutuma kanganda ka mwilu kulutwe lie; mungukahuma Akanana, ni Aamore, ni Ahite, ni Aperize, ni Ahive, ni Ajebuse mu chifuchi chize.

Daniel 3:28

Mba mwanangana yamba ngwenyi: “Zambi ya Shadrake, ni Meshake, ni Abednego afumane! Hatuma kanganda kenyi ka mwilu ni kulamwina malunga wano akumulingila ni kujikijila hali iye. Haakolema Shimbi yami ni kukunjika mwono wo ku kufwa. Haalituna kufulamana ni kuwayila zambi weka shina Zambi yo ene.

Hebreu 1:14

E tunganda a mwilu aya? Eswe kaali mwiku uze wakulingila Zambi, uze Zambi akutuma ha kukwasa waze maazuka ulamwino.

Usolwelo 22:16

“Yami, Yesu, hingunatumu kanganda kami ka mwilu ha kwambujola yuma yino yeswe mu Yikungulwila. Nguli wa ku Chikota cha David, nguli mutumbu yoze wakutemuka ha chichamene.”

Usolwelo 22:8

Yami Yoano, nevwile yuma yino, nayimwene. Mba muze nayivwile, ni muze nayimwene, yingufulamana ku meso ja kanganda ka mwilu yoze wangulwezele yo ni kumuwayila.