Ubutukilo 24:35 - Mukanda Wa Zambi 1970

³⁵ Mwene Zambi hanawahisa mwata wami kuhiana, hanamupwisa pichi munene. Hanamwehe yimuna yeka ni yeka; pembe, ni mapanga, ni ngombe, ni tumelu, ni yimbulu. Hanamwehe nawa mbongo ja prata ni oru. Mwata wami Abrahama kakwete nawa ndungo a mapwo ni a malunga.

MUKANDA USANDU WA ZAMBI 1975

³⁵ Yehova iye hanawahisa mwata wami chikolo, hapwa munene. Hanamwehe matanga a mapanga ni a ngombe, ni prata, ni oru, ni ndungo ja malunga, ni ja mapwo, ni tumelu ni yimbulu.

Ubutukilo 24:35 Iomraidhean Croise

Ubutukilo 12:16

Mwanangana yalingila Abrama yibema mumu hali Sarai. Yakwaha ndungo a malunga ni a mapwo, ni ngombe, ni tumelu, ni yimbulu ni mapanga.

Ubutukilo 12:2

Mungukakupwisa vungu linene ni kukuwahisa. Mungukafumanyisa jina lie, mba muukawahisa atu akwo.

Ubutukilo 12:3

Mungukawahisa waze maakakuwahisa, mungukashinga waze maakakushinga. Mungukawahisa mavungu eswe a hashi mumu hali yena.”

Ubutukilo 13:2

Abrama yabwa pichi munene kuhiana. Yabita yimuna, ni prata, ni oru yinji.

Ubutukilo 24:1

Abrahama te habwa kashinakaji. Mu mwono wenyi weswe Mwene Zambi yamuwahisa.

Ubutukilo 25:11

Muze Abrahama hafwa, Zambi yawahisa Isake. Isake te katwama hehi ni Shima lia Zambi wa Mwono Yoze Wakungumona.

Ubutukilo 25:5

Yuma yize yeswe te abita Abrahama, yamwaha yo Isake.

Ubutukilo 30:43

Mba Yakoba yabita chikolo. Yabwa ni yimuna yinji, ni ndungo anji a malunga ni a mapwo, ni tumelu ni yimbulu anji.

Ubutukilo 49:25

Mwe Zambi ya tatenu kakukukwasa. Zambi Mukwa Ndundo Jeswe kakukuwahisa ni yiwape ya vula kwilu, ni yiwape ya meya kushi lia mavu, ni yiwape ya ana ni yimuna,

Jobe 1:3

Yabita mapanga 7,000, ni tumelu 3,000, ni ngombe 1,000, ni yimbulu 500. Yabwa nawa ni ndungo anji. Te pichi kuhiana akwo eswe ku chivumbuko.

Miaso (Masamu) 107:38

Yaawahisa, yaapwisa anji kuhiana; yimuna yo kuyakehele ko.

Miaso (Masamu) 112:3

Akwa jiko lienyi maakabwa pichi anene, maamona yiwape ndoo ku miaka yeswe.

Miaso (Masamu) 18:35

Mwene Zambi, lukebwe we kakungulamwina; ku kufunga che hiwangupwisa mutu munene; ndundo je jinangufungu kanawa.

Yishima 10:22

Kuwahisa cha Zambi chakubichisa; kechi kuweza ho Vunda.

Yishima 22:4

Ononoka kuli Mwene Zambi, bwako mukwa kulikehesa, mba muubwa ni ubite, ni ulemu, ni mwono usuku.

Mateu 6:33

Shinoho achinyongenu hatangu Wanangana wa Zambi ni ululi uze anazange, mba makanuwezela yuma yize yeswe.

Luka 12:45

Alioze, nyi kavumbi yoze malihanjikisa ngwenyi: ‘Mwata wami kanashimbula,’ mba mabutuka kulamba tuvumbi ni akwo a malunga ni a mapwo, ni kulialia, ni kunwanwa, ni kuzengewa,

1 Timoteu 4:8

Ku kolesa cha mujimba chakukwasa ha yuma yikepe. Alioze kulikolesa ha yuma ya uzambi chinahiana yuma yeswe. Mumu kuyakutwaha chilakenyo cha mwono wa haliabwila ni cha uze muwiza ho.