Ubutukilo 24:3 - Mukanda Wa Zambi 1970

³ Ngunazange ulishinge ku meso ja Mwene Zambi ya lilu ni hashi ngwe, kuuchi kambachila mwanami pwo wa kuli Akanana wano natwama no.

MUKANDA USANDU WA ZAMBI 1975

³ Ndo mulishinga ni jina lia Yehova Zambi ya mwilu kanda Zambi ya hashi ngwami, Mwanami kuchi kumumbachisa pwo wa kuli A-Kanana wano natwama no.

Ubutukilo 24:3 Iomraidhean Croise

Ubutukilo 14:19

yamuwahisa ngwenyi: “Zambi Mwilu Mwahiana, yoze watangile lilu ni hashi, awahise Abrama.

Ubutukilo 14:22

Alioze Abrama ngwenyi: “Ni Zambi Mwilu Mwahiana, yoze watangile yuma yeswe,

Ubutukilo 21:23

Kashika haliabwila, lishinge ku meso ja Zambi ngwe, kuuchi kungwonga yami, chibwe ana jami, chibwe ajikulu jami. Nguli sepa lie, kashika lishinge ngwe, yena muubwa sepa liami ni lia waze ali mu chifuchi chino watwama.”

Ubutukilo 24:7

Mwene Zambi, Zambi ya mwilu, hananguchiza mu chifuchi cha tata ni cha usoko wami, yanguneha kuno. Yalishinga ngwenyi, makahana chifuchi chino kuli vungu liami. Mwenawo makatuma kanganda kenyi ka mwilu ha kufupila mwanami pwo.

Ubutukilo 27:46

Rebeka yambila Isake ngwenyi: “Mapwo ja Esau, Ahite, haanguhongesa kuhiana. Yakoba, nyi wambata nawa pwo wa ku vungu lino lia Ahite, chibema ngufwe lume.”

Ubutukilo 28:1

Isake yatambika Yakoba, yamuwahisa, mba yamwamba ngwenyi: “Mwanami, kanda umbata pwo wa mu chifuchi chino cha Kanana.

Ubutukilo 28:8

Mba Esau yanyingika ngwenyi, tato kuma keshi kuzanga mapwo ja mu chifuchi cha Kanana.

Ubutukilo 34:9

Tukalimbachile ni yenu. Yenu munumbata ana jetu ni yetu mutumbata ana jenu.

Ubutukilo 38:2

Yamona ko umwe mwana pwo, jina lia tato te Shua, wa ku chifuchi cha Kanana. Yuda yamumbata.

Ubutukilo 47:31

Israele ngwenyi: “Lishinge ngwe: ‘Munguchilinga.’ ” Josefe yalishinga Zambi, mba Israele yahetamina ha muhela wenyi nikuwayila Zambi.

Ubutukilo 50:25

Mba Josefe yashingisa ana ja Israele ngwenyi: “Lishingenu ngwenu, muze Zambi makanutwala mu chifuchi chize, munukambata mujimba wami nikuya nawo.”

Ubutukilo 6:2

Muze atu ja Zambi haamona ngwo, ana mapwo kaanabeme kuhiana, yaabutuka kulimbata ni waze azangile.

Ubutukilo 6:4

Ha matangwa waze, hanji chibwe kulutwe lia matangwa waze, hashi habwile atu ataluka. E atu waze yaasemuka kuli akwa mwilu ni ana mapwo ja atu. Te tushakulu a tachi kanda akwa lufuma.

1 MIANANGANA 19:15

yalemba ngwenyi: “Aa Mwene Zambi, Zambi ya Aisraele, kuwatwama ha chitwamo che helu lia akwa mwono a mwilu, yena uli mwe Zambi wika, kuwakuyula mwanangana eswe a hashi. Yena watangile hashi ni lilu.

2 Sango Ja Mianangana 2:12

Mwene Zambi, Zambi ya Aisraele, afumane, Tangi ya lilu ni hashi! Hanamwehe mwanangana David mwana wa mana, ni malinjekela, ni yinyingi, yoze habwa ni manyonga a kutunga zuwo lia Mwene Zambi ni likwo lia iye mwene.

Ezra 5:11

“Yaakumbulula ngwo: ‘Yetu tuli tuvumbi twa Zambi ya mwilu ni hashi. Tunatungulula zuwo lize umwe mwanangana wa tachi wa Israele atungile ha miaka ya kunyima.

Nehemia 13:25

Yingubajila malunga waze, yingwashinga, yingwalamba, yingwakamba kambu, yingwashingisa ni jina lia Zambi ngwami: “Kutuchi kuhangisa ana jetu a mapwo kuli ana jo, chibwe kumbachila ana jetu a malunga ana jo a mapwo.”

Nehemia 9:6

Mba Aisraele eswe yaalemba ngwe chino: “Yena, Mwene Zambi, uli Mwene Zambi wika; yena watangile lilu ni e matongonoshi. Yena watangile hashi ni kalunga lwiji ni yuma yeswe yilimo; yeswe yiuyipwisa ni mwono. Akwa ndundo a mwilu kaakufukama ni kukuwayila.

Miaso (Masamu) 115:15

Mwene Zambi yoze watangile lilu ni hashi anuwahise!

Miaso (Masamu) 136:26

Sakwililenu Mwene Zambi wa mwilu, zango lienyi kulishi kuhwa nichimwe.

Kutuhuka 20:7

“Kanda uvuluka jina lia yami Mwene Zambi, Zambi ye, ni kaleleso, mumu chichi kasambisa yoze malelesa jina liami.

Kutuhuka 22:11

yoze ahele kwajilila alishinge ku meso ja ngaji ngwenyi: ‘Hi yami ko namwiyanga,’ mba mwenyacho akachifuliele. Mutu yoze te wamwajila kanda akafweta.

Kutuhuka 23:13

“Nukafunga yeswe yize hinanwamba. Kanda nukawayila mazambi akwo, chibwe kanda nukavuluka majina jo.”

Kutuhuka 34:16

Tangwa likwo ana jenu a malunga maakambata mapwo a yilambala waze maakaakoka ha kwehuka yami ni kuwayila mazambi jo.

Izaya 45:23

Chilakenyo chami chili chamwenemwene, kuchichi kwalumuka. Nalishingile ngwami: atu eswe maakeza ni kufukama, ni kungulakenya ngwo, mutubwa akwa kushishika.

Izaya 48:1

Banjikenu yenu Aisraele, yenu vungu lia Yuda. Yenu nwakulishinga ni jina lia Mwene Zambi, nwakwamba ngwenu, nwakuwayila Zambi ya Aisraele, alioze mahuza jenu.

Izaya 65:16

Mu chifuchi mweswawo mahula ha kumuwahisa, mahula kuli Zambi wamwenemwene. Mweswawo malishinga, malishinga ni jina lia Zambi wamwenemwene. Kumakavulama lamba likulu.”

Jeremia 10:11

(Yenu chanutamba kulweza atu ngwenu, mazambi waze kaatangile ko hashi ni malilu kumaakonona. Keechi kalinduluka hano hashi.)

Jeremia 12:16

Nyi maakatayiza ndako ja atu jami ni mbunge jo jeswe, ni maakalishinga ngwo: ‘Ni Mwene Zambi,’ ngwe chize abwile ni kulingesa atu jami kulishinga ni jina lia hamba Bale, mba no nawa maakabwa a ku mbunga ya atu jami; kumaakawaha.

Jeremia 29:6

Mbatenu mapwo, nuseme ana. Mbachilenu anenu a malunga mapwo, hanga no aseme ana, nuliokese kuchina munukeha.

Jeremia 4:2

mba muchilita kuli yenu kulishinga ni jina liami. Hohene mavungu eswe maanguhula ngwawahise, mba maanguchichimieka.”

Alevi 19:12

Kanda nulishinga ni jina liami ni mahuza chakuneha, sonyi. Yami nguli Mwene Zambi, Zambi yenu.

Zefania 1:5

Mungunongesa mweswawo wakunyina ha fulumba ni kuwayila tangwa, ni kakweji, ni matongonoshi. Mungunongesa waze akunguwayila ni kulishinga ni jina liami, alioze kuma kaakulishinga nawa mu jina lia zambi Milkome.

Kwalula 5:21

Mwene Zambi akushinge mukachi ka atu je, akusosewese ku mahie ni kujimbisa jimo lie.

1 Korintu 7:39

Pwo yoze uli ku ulo kanakashiwa kuli lunga lienyi ha shimbu heswe lize lunga lienyi ali ni mwono. Alioze, nyi lunga lienyi hafwa, mba hatusuka, mahasa kulimbata ni yoze mazanga. Alioze chamutamba kulimbata ni mukwa Kristu.

Shimbi 10:20

Ononokenenu Mwene Zambi, Zambi yenu, muwayilenu iye wika. Bwenu akwa kushishika, lishingenu ni jina lienyi wika.

Shimbi 6:13

Vwilenu Mwene Zambi, Zambi yenu, woma, muwayilenu iye wika, nulishinge ni jina lienyi wika.

Hebreu 6:16

Muze atu akulishinga, kaakuchilinga ni jina lia umwe munene Wahiana ayo. Ni Shingo lize hakuchiza pami mukachi ka atu.

Yoshua 2:12

Haliabwila lishingenu ni jina lienyi ngwenu, munukalinga yibema ku vungu liami ngwe chize hinanulinga yenu, ngulwezenu chimwe chinyingi chize munguhasa kunufuliela.

Akwa Kuyula 14:3

Alioze tato ni naye yaamuhula ngwo: “Mumu yika unakaya ni kutongwela mwana pwo wa kuli Afilistia kubwa mukwenu pwo? Kuma kuwawanyine ko umwe mwana pwo wa ku jiko lietu, chibwe mukachi ka usoko wetu eswe, nyi?” Alioze Samsone yakumbulula kuli tato ngwenyi: “Yono mwe yoze ngunazange ungumbachile ye. Ngunamuzange.”

1 Samuel 20:17

Jonatane yashingisa nawa David hakutwala ku zango lienyi, mumu te kakumuzanga ngwe chize akulizanga iye mwene.

1 Samuel 30:15

David yamuhula ngwenyi: “Muututwala kama ku mbunga yize, nyi?” Mukweze ngwenyi: “Lishingenu ni jina lia Zambi ngwenu, kunuchi kungushiha hanji kungukunjika mu moko ja mwata wami, mba ngunutwale ku mbunga yize.”