Ubutukilo 24:27 - Mukanda Wa Zambi 1970

²⁷ ngwenyi: “Mwene Zambi wa mwata wami Abrahama afumane, mumu hamanununa yilakenyo yeswe yize alakenyene mwata wami. Hiwanguneha ndoo kuno ku limbo lia usoko wa mwata wami.”

MUKANDA USANDU WA ZAMBI 1975

²⁷ nikwamba ngwenyi, Yehova akafumane Zambi wa mwata wami Apalahama yoze kambilile keke yenyi hanji umwenemwene wenyi ha kutwala kuli mwata wami. Ni yami nawa Yehova hangusongwela mu jila ku zuwo lia usoko wa mwata wami.

Ubutukilo 24:27 Iomraidhean Croise

Ubutukilo 13:8

Mba Abrama yambila Lote ngwenyi: “Yami nguli tatenu, yena uli mwanami. Kuchatambile yetu hanji tufunga twa yimuna yetu kuzwela.

Ubutukilo 14:20

Zambi Mwilu Mwahiana, yoze wakukwashile kukumba akwa kole je, afumane.” Mba Abrama yamwaha Chihanda chimuwika cha ku yihanda kumi ya yuma yeswe yize atambwile mu jita.

Ubutukilo 24:12

Mba mwe kavumbi yalemba Zambi ngwenyi: “Mwene Zambi ya mwata wami Abrahama, ngunaliumbu ungukwase kama musono uno ha kumanununa maliji waze wahanjikile ni mwata wami Abrahama.

Ubutukilo 24:21

Mwe kavumbi te kanatale Rebeka nee, akanyingike nyi Mwene Zambi hawahisa jila yenyi nyi ka.

Ubutukilo 24:4

Alioze hiluka ku chifuchi chami, kwenako muukafupila Isake pwo.”

Ubutukilo 24:42

“Musono, muze naheta ku shima lia meya, nalembanga Zambi ngwami: ‘Aa Mwene Zambi, Zambi ya mwata wami Abrahama, nalemba ngukwase kama ku chize ngunambe kulinga.

Ubutukilo 24:48

Yinguhetama, yingufulamana, yinguwayila Mwene Zambi. Yingumuchichimieka ngwami: ‘Aa Mwene Zambi, Zambi ya mwata wami Abrahama, yena unakangufunga kanawa mu jila, yena nawa wanguhetesa kanawa mu limbo lia yayo ya mwata wami Abrahama, kuze hinawana pwo lia Isake.’

Ubutukilo 32:10

Yami, kavumbi ke, ha kumona chize wangulwezele zango, ni chize wamanunwine yilakenyo yeswe yize wangulakenyene, kuyangutelele nihakepe. Nazaukile lwiji wa Yordau, te Chishi nichimwe ku moko, shina lukanda wami wika. Alioze haliabwila ngunahiluka ni mbunga jaali.

Ubutukilo 32:11

Nalemba ngulamwine kama ku moko ja yaya Esau. Ngunevu woma, hanji meza ni kungububa ni mapwo hamwe ni ana.

Ubutukilo 9:26

Mwene Zambi ya Sheme afumane. Kanana kumakabwa ndungo ya Sheme.

2 Samuel 18:28

Ahimaze yakololoka ngwenyi: “Vulie mwanangana! Yeswe yinawaha!” Yaliumba hashi ngwenyi: “Mwene Zambi, Zambi yenu, afumane! Hakumba akwa kole waze anukatukilile ni kulimika ni yenu mwene wami mwanangana!”

Miaso (Masamu) 100:5

Mwene Zambi kali mubema, zango lienyi kulishi kuhwa; umwenemwene wenyi wakulinduluka ndoo ku miaka yeswe.

Miaso (Masamu) 68:19

Halisenu Zambi, iye mwene wakumbata yiteli yetu tangwa ha tangwa, Kakutulamwina.

Miaso (Masamu) 98:3

Hamanununa chilakenyo chenyi kuli Aisraele, mumu ha umwenemwene wenyi ni zango lienyi lize kulishi kuhwa. Atu eswe a hashi haamona kukumba cha Zambi yetu.

Kutuhuka 18:10

Yamba ngwenyi: “Mwene Zambi afumane, mumu unakanuchiza mu moko ja mwanangana wa Egiptu ni atu jenyi, unakanupulula mu undungo.

Kutuhuka 2:11

Limwe tangwa, muze Mose hakola, yaya ni kunangisa usoko wenyi Ahebreu. Yamona chize akwa Egiptu aalingishile milimo ni tachi. Yamona nawa umwe mukwa Egiptu kanashihi umwe Kahebreu.

Kutuhuka 2:13

Muze hikwacha, Mose yaya nawa, yamona malunga aali Ahebreu, te kaanazwele. Mba yambila yoze unalingi mukwo chibi, ngwenyi: “Kuchi kevwe unalambe mukwenu chichize?”

Kutuhuka 34:6

Mba yabalika ku meso ja Mose nikwamba ngwenyi: “Yami, Mwene Zambi, nguli Zambi ya utu ni keke, Chishi kutenuka nikawashi, nguli mukwa zango ni mukwa kushishika,

Yishima 3:6

Iwuluka Mwene Zambi mu yuma yeswe yize wakulinga, neye makulweza jila yoloka.

Yishima 8:20

Nakwenda mu jila ya ululi; nakukaula jila ya umwenemwene.

Mika 7:20

Kumuukalweza utu we ni zango lie lize kulishi kuhwa kuli atu je, vungu lia Abrahama ni Yakoba, ngwe chize walakenyene tushakulu twetu ku shakulu.

Luka 1:68

“Chichimiekenu Mwene Zambi, Zambi ya Aisraele! Mumu heza ni kulamwina atu jenyi ni kwakula.

Yoano 1:17

Zambi hanatwehe Shimbi ku kwoko lia Mose, alioze utu ni umwenemwene hiyineza muli Yesu Kristu.

Efesu 1:3

Tusakwililenu Zambi kanda Tato ya Mwene wetu Yesu Kristu! Hanatuwahisa mu kulinunga chetu ni Kristu ni kutwaha yiwape yeswe ya mwilu ya uzambi.

1 Timoteu 1:17

Atu alemese ni kufumanyisa Zambi matangwa eswe. Kali mwanangana wa miaka yeswe, keshi kufwa, keshi kumoneka. Iye mwe Zambi wika. Chibwe kama Chenacho.

Rute 4:14

Mapwo yaambila Naomi ngwo: “Mwene Zambi afumane! Musono uno hakwaha mujikulu yoze makukwasa. Mwana yono afumane mu Israele.

1 Samuel 25:32

David yamukumbulula ngwenyi: “Mwene Zambi, Zambi ya Aisraele, yoze wakutumanga ni kungubatwiza afumane.

1 Samuel 25:39

Muze David hevwa ngwo, Nabale hafwa yamba ngwenyi: “Mwene Zambi afumane! Mumu hangukala kuli Nabale, yoze unakangusaula, ni hangukanda yami kavumbi kenyi kulinga yibi. Mwene Zambi hahilwisa Nabale yibi yenyi mwene.” Mba David yatuma liji amwambishile Abigaile amumbate.