Ubutukilo 24:21 - Mukanda Wa Zambi 1970

²¹ Mwe kavumbi te kanatale Rebeka nee, akanyingike nyi Mwene Zambi hawahisa jila yenyi nyi ka.

MUKANDA USANDU WA ZAMBI 1975

²¹ Mwe lunga kanamuhulikila meso, kulungunga, akanyingike nyi Yehova hawahisa jila yenyi, nyi ka.

Ubutukilo 24:21 Iomraidhean Croise

Ubutukilo 24:12

Mba mwe kavumbi yalemba Zambi ngwenyi: “Mwene Zambi ya mwata wami Abrahama, ngunaliumbu ungukwase kama musono uno ha kumanununa maliji waze wahanjikile ni mwata wami Abrahama.

Ubutukilo 24:20

Yatumbuka yapukumwina meya mu chingolongolo, yazomboka nawa ku shima, yatahila tumelu twenyi meya eswe lukombo.

Ubutukilo 24:27

ngwenyi: “Mwene Zambi wa mwata wami Abrahama afumane, mumu hamanununa yilakenyo yeswe yize alakenyene mwata wami. Hiwanguneha ndoo kuno ku limbo lia usoko wa mwata wami.”

Ubutukilo 24:56

Alioze mwe kavumbi ngwenyi: “Nalemba mala, kanda nutukwika. Mwene Zambi hawahisa wenyi wetu. Tushikenu hanga tuye kuli mwata wetu.”

Miaso (Masamu) 107:1

Sakwililenu Mwene Zambi mumu kali mubema, zango lienyi kulishi kuhwa nichimwe.

Miaso (Masamu) 107:15

Asakwilile Mwene Zambi mumu ha zango lienyi lize kulishi kuhwa, mumu ha yikomokeso yize aalingilile.

Miaso (Masamu) 107:43

Akwa mana anyonge kama yuma yino, atayize zango lia Mwene Zambi lize kulishi kuhwa.

Miaso (Masamu) 107:8

Asakwilile Mwene Zambi mumu ha zango lienyi lize kulishi kuhwa. Mumu ha yikomokeso yize aalingilile.

Luka 2:19

Alioze Maria yafunga yuma yino yeswe ni kuyizewula mu mbunge yenyi.

Luka 2:51

Mba yahiluka no ku Nazare, yoononokena. Naye yafunga yuma yize yeswe mu mbunge yenyi.