Ubutukilo 24:12 - Mukanda Wa Zambi 1970

¹² Mba mwe kavumbi yalemba Zambi ngwenyi: “Mwene Zambi ya mwata wami Abrahama, ngunaliumbu ungukwase kama musono uno ha kumanununa maliji waze wahanjikile ni mwata wami Abrahama.

MUKANDA USANDU WA ZAMBI 1975

¹² Yamba ngwenyi, Yehova, Zambi ya mwata wami Apalahama, ngunaliumbu unguwahise musono, ukalweze utu wa zango kuli mwata wami Apalahama.

Ubutukilo 24:12 Iomraidhean Croise

Ubutukilo 15:1

Mwabwa muze Mwene Zambi yalweza Abrama mu Usolwelo ngwenyi: “Abrama, kanda wivwa woma, yami nguli lukebwe we. Mungukwaha chawana chinene kuhiana.”

Ubutukilo 24:21

Mwe kavumbi te kanatale Rebeka nee, akanyingike nyi Mwene Zambi hawahisa jila yenyi nyi ka.

Ubutukilo 24:27

ngwenyi: “Mwene Zambi wa mwata wami Abrahama afumane, mumu hamanununa yilakenyo yeswe yize alakenyene mwata wami. Hiwanguneha ndoo kuno ku limbo lia usoko wa mwata wami.”

Ubutukilo 24:42

“Musono, muze naheta ku shima lia meya, nalembanga Zambi ngwami: ‘Aa Mwene Zambi, Zambi ya mwata wami Abrahama, nalemba ngukwase kama ku chize ngunambe kulinga.

Ubutukilo 24:48

Yinguhetama, yingufulamana, yinguwayila Mwene Zambi. Yingumuchichimieka ngwami: ‘Aa Mwene Zambi, Zambi ya mwata wami Abrahama, yena unakangufunga kanawa mu jila, yena nawa wanguhetesa kanawa mu limbo lia yayo ya mwata wami Abrahama, kuze hinawana pwo lia Isake.’

Ubutukilo 26:24

Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

Ubutukilo 27:10

Umutwalile tatenu hanga alie, hanga akuwahise shimbu kanda achifwa.”

Ubutukilo 27:20

Isake yamuhula ngwenyi: “Ngwe kuchi hiwamona lume yifwo nikawashi chichize, mwanami?” Yakoba ngwenyi: “Mwene Zambi, Zambi yenu, mwe wangukwasa ha kuyimona.”

Ubutukilo 28:13

Yamona nawa Mwene Zambi kanamana hakamwihi nikwamba ngwenyi: “Nguli Mwene Zambi, Zambi ya Abrahama ni Isake. Chifuchi chino unabombo mungukakwaha cho yena ni vungu lie.

Ubutukilo 31:42

Nyi Zambi ya atata, Zambi ya Abrahama ni ya Isake, kabwile ko hamwe ni yami, kachi mwe mokomoko lume unakanguhanga. Alioze Zambi yamona lamba liami, ni kuhondangana chami. Kashika wakukumikanga ufuku wa musono.”

Ubutukilo 32:10

Yami, kavumbi ke, ha kumona chize wangulwezele zango, ni chize wamanunwine yilakenyo yeswe yize wangulakenyene, kuyangutelele nihakepe. Nazaukile lwiji wa Yordau, te Chishi nichimwe ku moko, shina lukanda wami wika. Alioze haliabwila ngunahiluka ni mbunga jaali.

Ubutukilo 32:9

Hohene yalemba ngwenyi: “Zambi ya kaka Abrahama ni tata Isake, ngwivwe kama. Yena Mwene wami wangwambile nguhiluke ku chifuchi chami, ni kuli usoko wami, mba muukanguwahisa.

Ubutukilo 43:14

Zambi Mukwa Ndundo Jeswe anukwase hanga mwe lunga akanuvwile keke, akanwehe yayenu ni Benjamine, nukeze no. Alioze yami, nyi ana jami maatoka, atoke kwo.”

1 Yitanga Ya Mianangana 18:36

Ha ola ya kulambula Mwene Zambi milambu ya chingoloshi, mukwa munanyi Eliya yakundama ku chilumbilo, yalemba ngwenyi: “Mwene Zambi, Zambi ya Abrahama, ni Isake, ni Yakoba, musono lweza Aisraele ngwe, yena uli Zambi yo, ni yami nguli kavumbi ke, ni hinalinga yuma yino yeswe mu chiyulo che.

1 MIANANGANA 2:14

yalamba kazaku ka Eliya ha meya nikwamba ngwenyi: “Yolihi Mwene Zambi, Zambi ya Eliya?” Yamulamba nawa ha meya, mba meya yaahandunuka, neye yazauka.

Nehemia 1:11

Haliabwila banjika kama kulemba chami ni cha tuvumbi twe akwo waze anazange kukulemesa. Musono nguwahise kama yami kavumbi ke, hanga mwanangana anguvwile kama keke.” Ha matangwa waze nabwile ni kutwalila mwanangana vinyu.

Nehemia 2:4

Mba mwanangana yanguhula ngwenyi: “Yika mba unazange?” Yingulemba kuli Zambi wa Mwilu,

Miaso (Masamu) 118:25

Mwene Zambi, tulamwine, tulamwine kama! Aa Mwene Zambi, tuwahise!

Miaso (Masamu) 122:6

Lembelenu Yerusaleme hanga abwe ni uhwimino ngwenu: “Zambi awahise atu waze akuzanga yena Yerusaleme.

Miaso (Masamu) 127:1

Nyi Mwene Zambi katungile zuwo, milimo ya tungi yili kwayo yamokomoko. Nyi Mwene Zambi kafungile limbo, tufunga kaakutwama chamokomoko.

Miaso (Masamu) 37:5

Lihane kuli Mwene Zambi; shachila hali iye, neye makukwasa.

Kutuhuka 3:15

Ukalweza Aisraele ngwe: ‘Yami, Mwene Zambi, Zambi ya akakenu, Zambi ya Abrahama, ni Isake, ni Yakoba, mwe nakutuma.’ Lino lie jina liami ku miaka yeswe; waze maakasemuka kulutwe, maakanguvulwoka jina lino.

Kutuhuka 3:6

Nguli Zambi ya akaka je, Zambi ya Abrahama, ni Isake, ni Yakoba.” Mose yafuka ku meso, mumu yevwa woma ha kutala Zambi.

Yishima 3:6

Iwuluka Mwene Zambi mu yuma yeswe yize wakulinga, neye makulweza jila yoloka.

Mateu 22:32

‘Nguli kwami Zambi ya Abrahama, ni ya Isake, ni ya Yakoba.’ Kulumbunuka ngwo: Zambi kali Zambi ya akwa mwono hi Zambi ya afu ko.”

Filipu 4:6

Kanda nulibikala ha Chuma nichimwe, alioze ha yuma yeswe liumbenu kuli Zambi ha kumwita yize nunahono. Mwitenu ni mbunge yakusakwila.