Ubutukilo 24:1 - Mukanda Wa Zambi 1970

¹ Abrahama te habwa kashinakaji. Mu mwono wenyi weswe Mwene Zambi yamuwahisa.

MUKANDA USANDU WA ZAMBI 1975

¹ Apalahama wapwile mukulwana, miaka yenyi hiyoka. Yehova te hawahisa Apalahama mu yuma yeswe.

Ubutukilo 24:1 Iomraidhean Croise

Ubutukilo 12:2

Mungukakupwisa vungu linene ni kukuwahisa. Mungukafumanyisa jina lie, mba muukawahisa atu akwo.

Ubutukilo 13:2

Abrama yabwa pichi munene kuhiana. Yabita yimuna, ni prata, ni oru yinji.

Ubutukilo 18:11

Abrahama ni Sara te habwa kulu tushinakaji kuhiana, Sara te kahashile nawa kusema mwana.

Ubutukilo 21:5

Abrahama te habwa ni miaka 100 muze asemene Isake.

Ubutukilo 24:35

Mwene Zambi hanawahisa mwata wami kuhiana, hanamupwisa pichi munene. Hanamwehe yimuna yeka ni yeka; pembe, ni mapanga, ni ngombe, ni tumelu, ni yimbulu. Hanamwehe nawa mbongo ja prata ni oru. Mwata wami Abrahama kakwete nawa ndungo a mapwo ni a malunga.

Ubutukilo 25:20

Isake te habwa ni miaka makumi awana muze ambachile Rebeka, ndumbu ya Labane, mwana wa Betuele. Mwe Betuele wa ku chikota cha Arameane mu chifuchi cha Mesopotamia.

Ubutukilo 26:12

Isake yalima minda mu chifuchi chize. Mwene Zambi yamuwahisa, mba ha mwaka uzewene minda yenyi yiyima mbuto yinji kuhiana.

Ubutukilo 49:25

Mwe Zambi ya tatenu kakukukwasa. Zambi Mukwa Ndundo Jeswe kakukuwahisa ni yiwape ya vula kwilu, ni yiwape ya meya kushi lia mavu, ni yiwape ya ana ni yimuna,

1 Yitanga Ya Mianangana 1:1

Mwanangana David te habwa kashinakaji. Yaamufuka blankete hindu kevwile ko chivukuminya nichimwe.

Yishima 10:22

Kuwahisa cha Zambi chakubichisa; kechi kuweza ho Vunda.

Izaya 51:2

Nyongenu kashakulu kenu Abrahama, ni Sara, yoze wanusemene. Muze natambikile Abrahama, te keshi ana, alioze yingumuwahisa, yingumwaha ana; yingwokesa vungu lienyi.

Mateu 6:33

Shinoho achinyongenu hatangu Wanangana wa Zambi ni ululi uze anazange, mba makanuwezela yuma yize yeswe.

Luka 1:7

Alioze kaabwile ko ni mwana, mumu Isabele (Elisabete) te mumba. No eswe aali yaabwa tushinakaji.

Galashia 3:9

Abrahama yafuliela, mba Zambi yamuwahisa. Chenacho eswe waze akufuliela, Zambi kakwawahisa ngwe chize awahishile Abrahama.

Efesu 1:3

Tusakwililenu Zambi kanda Tato ya Mwene wetu Yesu Kristu! Hanatuwahisa mu kulinunga chetu ni Kristu ni kutwaha yiwape yeswe ya mwilu ya uzambi.

1 Timoteu 4:8

Ku kolesa cha mujimba chakukwasa ha yuma yikepe. Alioze kulikolesa ha yuma ya uzambi chinahiana yuma yeswe. Mumu kuyakutwaha chilakenyo cha mwono wa haliabwila ni cha uze muwiza ho.