Ubutukilo 23:2 - Mukanda Wa Zambi 1970

² mba yafwila mu limbo lia Hebrone mu chifuchi cha Kanana. Abrahama yalinyenga ni kulila pwo lienyi.

MUKANDA USANDU WA ZAMBI 1975

² Mba Sara wafwile mu Kiriate-Arpa (likwo ngwo, Heprone) mu chifuchi cha Kanana. Mba Apalahama yeza mukulinyenga mumu hali Sara, nikumulila.

Ubutukilo 23:2 Iomraidhean Croise

Ubutukilo 13:18

Kashika Abrama yatutulula zuwo lienyi lia makubu, yaya ni kutunga hehi ni mitondo ya Mamre ku limbo lia Hebrone, kuze te atu akuwayila. Yatunga ko chilumbilo cha kuwayila Mwene Zambi.

Ubutukilo 23:1

Sara yatwama miaka 127,

Ubutukilo 23:19

Mwabwamuze Abrahama yafunda mukwo pwo Sara mu chivwenge chize mu chifuchi cha Kanana.

Ubutukilo 24:67

Isake yatwala Rebeka mu zuwo lia makubu lize ahichikile naye, yamumbata. Isake te kakuzanga Rebeka kuhiana, kashika chinyengo cha kufwa cha naye yichimuhwa.

Ubutukilo 27:41

Esau yevwila kole Yakoba ha kuwahisa chize amuwahishile kuli tato. Yalinyonga mu mbunge yenyi ngwenyi: “Kwasala hakepe tulile tata. Nyi kulila hichahwa mungukashiha Yakoba.”

Ubutukilo 35:27

Yakoba yaheta maha tato Isake ku limbo lia Mamre, hehi ni Kiriate Arba, (jina likwo Hebrone), kuze abwile Abrahama ni Isake hatangu.

Ubutukilo 37:14

Mwe tato ngwenyi: “Yako utale nyi ayayenu ni yimuna kaali kanawa, hanga Wize ungulweze.” Chenacho akatukile ku chikulo cha Hebrone, mba yaya ku Shekeme.

Ubutukilo 50:1

Josefe yalingila ha mujimba wa tato, yalila, yashisa huma lia tato.

Ubutukilo 50:10

Muze haaheta ku utwilo wa Atade ku chivumbuko cha lwiji Yordau, yaalila mbimbi kuhiana shimbu lisuku. Mba iye mwene Josefe yatwama ha tanda ya tato matangwa shimbiali.

2 Samuel 1:12

Yaalila ni kulishimwoka, yaalitwamina kulia ndoo ku chingoloshi mumu hali mwanangana Saulu ni Jonatane ni hali Aisraele eswe, atu ja Mwene Zambi, mumu anji afwile mu jita.

2 Samuel 1:17

David yemba lungungu yono mumu hali mwanangana Saulu ni mwanenyi Jonatane.

2 Samuel 2:11

Neye yayula Ayuda ku Hebrone miaka shimbiali ni Chipinji.

2 Samuel 5:3

Chenacho miata eswe a mu Israele ejile kuli mwanangana David ku Hebrone. Neye yakolesa no Usendo, no yaamuwayisa maji, mba yabwa mwanangana wa Israele.

2 Samuel 5:5

Ku limbo lia Hebrone yayula Ayuda miaka shimbiali ni tukweji asambano, ni ku limbo lia Yerusaleme yayula Aisraele ni Ayuda miaka makumi atatu ni yitatu.

1 Sango Ja Mianangana 6:57

Wano e membo ja vungu lia Arone: Hebrone, limwe limbo lia kuchinyina, ni Jatire, ni membo ja Libna, ni Eshtemoa, ni Hilene, ni Debire, ni Ashane, ni Bete Shemeshe, ni yifuchi yo yakulishila yimuna.

2 Sango Ja Mianangana 35:25

Mukwa munanyi Jeremia yatomba umwe mwaso wa lungungu mumu hali mwanangana Josia. Njimba mu Israele, malunga ni mapwo, kaali ni ndako ya kwimba mwaso uze muze akumulila. We mwaso uze kuuli mu mukanda wa lungungu.

Nehemia 11:25

Atu anji te atwama mu yihunda hehi ni minda yo. Ayuda te kaatwama mu Kiriate Arba, ni Dibone, ni Jakabzele, ni mu yihunda yize yili hehi ni membo waze.

Jeremia 22:10

Yenu Ayuda kanda nulila mwanangana Josia; kanda nunenganyana ha kufwa chenyi. Alioze yekenu mbimbi hali mwanenyi Joahaze; mumu haanamutwala kweka, kechi kahiluka nawa nichimwe, kechi kamona nawa chifuchi muze asemukinyine.

Jeremia 22:18

Kashika Mwene Zambi unahanjika hakutwala kuli mwanangana Jehoakime, mwana wa Josia ngwenyi: “Niumwe kechi kumulila muze hafwa nikwamba ngwenyi: ‘Mama lambe, mama sepa liamie, mama lambe!’ Niumwe kechi kulinyenga ngwenyi: ‘Mwene wami! Mama, mwanangana wamie!’

Kwalula 13:22

Hatangu yaaya ku sude ya chifuchi, yeeza ku limbo lia Hebrone. Kwenako te atwama akwa majimo ja Ahimane, ni Sheshai, ni Talmai, a ku vungu lia atu ataluka waze te akuvuluka ngwo, Aanake. (Shimbu te kanda achitunga Zoane mu chifuchi cha Egiptu, Hebrone te haanachitungu kulu miaka shimbiali.)

Kwalula 20:29

Akwa Chikungulwila eswe yeevwa ngwo, Arone hafwa. Yaamulila matangwa makumi atatu.

Yoano 11:31

Muze Ayuda, waze te ali mu zuwo hamwe ni Maria ni kumusangulwisa, haamumona nikutuhuka nikawashi, yaamukaula. Yaanyonga ngwo, kanayi ku fuka ni kulilila ko.

Yoano 11:35

Yesu yabutuka kulila.

Yilinga 8:2

Amwe akwa kuwayila Zambi yaafunda Estevau (Etienne), yaamulila mbimbi chikolo.

Shimbi 34:8

Aisraele yaamulila matangwa makumi atatu mu yana ya Moabe.

Yoshua 10:39

Yaakumba hamwe ni mwe mwanangana, ni ye yihunda ya kusulangana. Yaashiha ko atu eswe. Yoshua yalinga ku Debire, ni mwe mwanangana walio, ngwe chize alingile ku Hebrone ni ku Libna ni mianangana jo.

Yoshua 15:13

Nikulita ni chize Mwene Zambi alwezele Yoshua, Chihanda cha chifuchi cha Yuda yachihana kuli Kaleba mwana wa Jefune, wa ku vungu lia Yuda. Yatambula Hebrone, limbo lia Arba, tato ya Anake.

Yoshua 20:7

Mba ku sali lia chitokelo lia lwiji Yordau, mu Galilea, yaatongola Kadeshe, mu chifuchi cha milundu cha Naftali; ni Shekeme, mu chifuchi cha milundu cha Efraime; ni Hebrone, mu chifuchi cha milundu cha Yuda.

Akwa Kuyula 1:10

Yaaya ni kwasa jita ni Akanana waze te atwama mu limbo lia Hebrone, lize te akuvuluka ngwo, Kiriate Arba. Kwenako akumbilile akwa jimo lia Sheshai, ni Ahimane, ni Talamai.

1 Samuel 20:31

Yena kuwanyingikine ngwe, shimbu mwe mwana wa Jese matwama ni mwono, yena kuuchi kubwa mwanangana, nyi? Haliabwila yako umunehe, ngumushihe lume.”

1 Samuel 25:1

Hako Samuel yafwa. Aisraele eswe yaalikungulula, yaamulila, yaamufunda ku mahineyi mu limbo lia Rama. Mwabwamuze David yaya ku puya ya Parane.

1 Samuel 28:3

Hako Samuel te hanafu kulu, Aisraele haanamulili, haanamufundu mu Rama mu limbo lienyi mwene. Mwanangana Saulu te hanahumu kulu tahi eswe mu chifuchi.