Ubutukilo 23:16 - Mukanda Wa Zambi 1970

¹⁶ Abrahama yatayiza, mba yalula mbongo 400 ja prata, ndando yenayo echile Efrone ku meso ja Ahite eswe.

MUKANDA USANDU WA ZAMBI 1975

¹⁶ Mba Apalahama yapanjika kuli Efrone. Apalahama yapezalisa kuli Efrone je prata jize te havuluka mu matwi ja ana ja Hete; makulakaji awana a shekele ja prata. Mbongo akulanda najo akwa yitanda.

Ubutukilo 23:16 Iomraidhean Croise

Ubutukilo 23:15

“Nalemba mwata, katungu kano kakufwika kulakaji jiwana ja mbongo ja prata. Yeenu nufunde mufu wenu.”

Ubutukilo 43:21

Muze hitwahiluka mu jila, ha chibombelo yitukasulula tuku jetu, mba mu tuku jeswe yitumona mo mbongo. Je mbongo jeswe te jinazuku ngwe chize twajimbachile hatangu, kutweza najo nawa.

Ubutukilo 49:29

Mba Yakoba yashika ana jenyi ngwenyi: “Hasala hakepe ngufwe kwami, hanga nguye ngukawane akaka waze afwile kulu. Nukangufunda hamwe ni akaka mu chivwenge chize chili mu munda wa Efrone, wa ku vungu lia Ahite.

Ubutukilo 50:13

Yaamutwala mu chifuchi cha Kanana, yaamufunda mu chivwenge chize chili ku Makapela, ku sali lia chivumbuko cha limbo lia Mamre, mu tungu lize alanjile Abrahama kuli Efrone, wa ku vungu lia Ahite, ha kubwa ni kufunda mo afu.

2 Samuel 14:26

Kambu jenyi jisuku kuhiana. Te kakujitewula ku songo lia mwaka. Muze akujipezala, jaakubwa ni kulema kuhiana kilo jaali nikulita ni pezo ja wanangana.

2 Samuel 24:24

Alioze mwanangana yakumbulula ngwenyi: “Hi chocho ko, munguyilanda. Chichi kulambula Mwene Zambi yami milambu yize kuyafwikile nichimwe.” Mba yalanda che chizungwilo ni e ngombe ni ndando ya mbongo ja prata makumi atano.

Jobe 28:15

Kuwahashile kwalanda ni prata hanji ni oru.

Kutuhuka 30:13

Mutu mweswe yoze hiwalula chamutamba kungulambula lumbongo umuwika, nikulita ni ulemu wa mbongo ja ha miaka yize.

Jeremia 32:9

Yingulanda we munda wa Hanamele, yingumupezalisa je mbongo; ndando yiibwa ya mbongo ja prata makumi shimbiali. Yingwanda mukanda wa ndando ya we munda, yingusoneka ho jina liami, yela no yaasoneka ho majina jo.

Ezekiel 45:12

“Pezo jenu jikabwe ngwe chino: gera 20=shekele 1 shekele 60 — mina 1.

Zakaria 11:12

Yingwaambila ngwami: “Nyi nunazange, ngwehenu fweto yami. Alioze nyi ka, yifungenu.” Mba yaangufweta mbongo ja prata makumi atatu.

Mateu 7:12

“Lingilenu atu akwo yibema, ngwe chize nunazange ayo anulingile. Yenayo Shimbi ja Mose ni longeso lia akwa munanyi a Zambi.”

Yilinga 7:16

Aisraele yaambata mijimba yo ku limbo ha Shekeme, yaafunda mu fuka lize alanjile Abrahama ni ndando kuli ana ja Hemore ni Shekeme.

A-ROMA 13:8

Kanda nubwa ni kongo kuli mutu niumwe, shina lume kongo lia zango chanutamba kubwa nalio: chanutamba kulizanga. Yoze wakuzanga mukwo, hamanununa Shimbi jeswe.

Filipu 4:8

Akwetu, haliabwila bukunenu yuma yize yibema ni yize yinatela uhaliso: yuma yamwenemwene, ni ya vumbi, ni ya ululi, ni yitoma, ni yakubemena, ni ya lufuma mubema.

1 Tesalonika 4:6

Ha chikuma chino, niumwe kanda akalingila mukwo yibi, hanji kumulimuna. Hitwanwambulwila cho kulu, ni hitunatoweza nawa chikolo ngwetu, Mwene kumeza ni kumwesa lamba waze akulinga yuma ngwe yize.