Ubutukilo 22:9 - Mukanda Wa Zambi 1970

⁹ Muze haaheta homa haze Zambi amulwezele, Abrahama yatunga ko chilumbilo, yatengeka ho kunyi, yakasa mwanenyi Isake, yamusa ho.

MUKANDA USANDU WA ZAMBI 1975

⁹ Chocho yaheta kuma kuze Zambi hamulweza. Apalahama yatungako chilumbilo, yatengekaho kunyi, yakasa mwanenyi Izake, yamusa ha chilumbilo ha kunyi.

Ubutukilo 22:9 Iomraidhean Croise

Ubutukilo 12:7

Mwene Zambi yasolokela Abrama nikwamba ngwenyi: “Chino che chifuchi mungukahana kuli vungu lie.” Mba Abrama yatunga chilumbilo homa haze, mumu kwenako Mwene Zambi amusolokelele.

Ubutukilo 12:8

Mwabwamuze yaya ku sude ku milundu yize yili ku chivumbuko cha limbo lia Betele. Yajika ko zuwo lienyi lia makubu, hakachi ka Betele ku chitokelo ni Ayi ku chivumbuko. Yatunga ko nawa chilumbilo.

Ubutukilo 13:18

Kashika Abrama yatutulula zuwo lienyi lia makubu, yaya ni kutunga hehi ni mitondo ya Mamre ku limbo lia Hebrone, kuze te atu akuwayila. Yatunga ko chilumbilo cha kuwayila Mwene Zambi.

Ubutukilo 22:10

Mba yanda poko ha kushiha Isake.

Ubutukilo 22:8

Abrahama ngwenyi: “Zambi mwene matwaha panga wa mulambu wa kwocha.” Mba yaaya.

Ubutukilo 8:20

Hohene Noa yatunga chilumbilo cha Mwene Zambi. Tushitu ni tujila waze atela kulambula, yanda umuwika umuwika, yoocha ha chilumbilo, yaawema bwililii.

1 Yitanga Ya Mianangana 18:33

Yatengeka kunyi ha chilumbilo, yabatwola mwe kuji, yanangieka tumba ja yifwo ha kunyi. Mba yambila waze akungulukile ko ngwenyi: “Zalisenu milondo yiwana ya meya, yimwanginenu ha chilumbilo ni ha kunyi.” No yaalinga Chenacho.

Miaso (Masamu) 118:27

Mwene Zambi, mwe Zambi, hatwaha pangu. Kwatenu mitango ya mingaji mu moko jenu, nubutuke chiwanyino, jingenu che chilumbilo.

Mateu 27:2

No yaamukasa, yaamutwala nikumukunjika kuli mukwa kuyula, Pilatu.

Marku 15:1

Chichamene cheswe mahako a lutwe a Zambi, ni makulwana ja Ayuda, ni alongeshi a Shimbi, hamwe ni ngaji eswe a mu Mbunga ya Ngaji ja Ayuda yaatwama punga. Yaakasa Yesu, yaamutwala nikumukunjika kuli Pilatu.

Yilinga 8:32

Chihanda cha Mukanda wa Zambi chize atangile chino ngwo: “Yaamutwala ku chishihilo ngwe panga. Ngwe mwana panga yoze unaholo kuluu ku meso ja yoze unamukambe mona. Kabakwile ko kanwa lienyi.

Galashia 3:13

Kristu hanatukula ku Shingo lize Shimbi jakukoka, muze atayijile Shingo lietu. Ngwe Mukanda wa Zambi unambe: “Zambi hanashingi mutu mweswe yoze wazezala ha kulusu.”

Efesu 5:2

Bwenu akwa zango, ngwe chize Kristu atuzangile ni yakunjika mwono wenyi hali yetu, ngwe chitapo ni milambu ya vumba libema yize yinawahila Zambi.

Hebreu 9:28

Chimuwika nawa, Kristu yalihana mulambu chisuho chimuwika ha kuchiza shili ya atu anji. Makasoloka kuli atu chisuho cha muchaali, hi kuchiza shili ya atu ko, alioze ha kulamwina waze akumushimbwila.

Tiangu (Jake) 2:21

Ngwe kuchi Zambi apwishile Abrahama mukwa ululi? Zambi yachilinga mumu ha yitanga yenyi, muze alambwile mwanenyi Isake ngwe mulambu ha chilumbilo

1 Petulu 2:24

Kristu iye mwene yambata shili yetu mu mujimba wenyi ha kulusu, hanga tufwe ku shili, ni hanga tubwe akwa ululi. Ku yilonda yenyi hinunahinduka.