Ubutukilo 22:7 - Mukanda Wa Zambi 1970

⁷ Ha shimbu likepe Isake ngwenyi: “Aa tata!” Abrahama ngwenyi: “Ewa mwanami.” Isake ngwenyi: “Kunyi ni kahia tuli nayo, alioze mwana panga yoze mutulambula yolihi mba?”

MUKANDA USANDU WA ZAMBI 1975

⁷ Izake yamba kuli tato Apalahama ngwenyi, Tata. Iye yamba ngwenyi, Yami uno, mwanami. Iye yamba ngwenyi, Tala kahia ni kunyi, alioze mwana-panga wa mulambu wa kulumba, ulihiye?

Ubutukilo 22:7 Iomraidhean Croise

Ubutukilo 22:8

Abrahama ngwenyi: “Zambi mwene matwaha panga wa mulambu wa kwocha.” Mba yaaya.

Ubutukilo 8:20

Hohene Noa yatunga chilumbilo cha Mwene Zambi. Tushitu ni tujila waze atela kulambula, yanda umuwika umuwika, yoocha ha chilumbilo, yaawema bwililii.

Kutuhuka 12:3

Nulweza Chikungulwila cheswe cha Aisraele ngwenu: ‘Ha tangwa lia muchikumi lia kakweji yono, mutu mweswe akasakula mwana panga hanji mwana pembe mumu hali akwa zuwo lienyi, zuwo ni zuwo chimuna chimuwika.

Kutuhuka 29:38

“Tangwa ha tangwa ku miaka yeswe, ukalambula ha chilumbilo ana mapanga aali, a mwaka umuwika.

Mateu 26:39

Mba Yesu yasenya kulutwe, yafulamana hashi, yalemba ngwenyi: “Tata, nyi muchilita, unguchize kama musenge uno wa lamba. Hindu kanda chibwa ngwe chize ngunazange yami, alioze ngwe yena unazange.”

Mateu 26:42

Yesu yaya chisuho cha muchaali, yalemba ngwenyi: “Tata, nyi kuchalitele kuchiza musenge uno wa lamba, linga ngwe yena unapale.”

Yoano 1:29

Muze hikwacha, Yoano yamona Yesu kaneza kuli iye. Yamba ngwenyi: “Talenu mwe Mwana Panga wa Zambi yoze unachiza shili ya akwa hashi.

Yoano 1:36

Yamona Yesu kanabalika, yamba ngwenyi: “Talenu mwe Mwana Panga wa Zambi!”

Yoano 18:11

Alioze Yesu yambila Petulu ngwenyi: “Kala! Tomeka mukwale we mu chindalo. Unanyongo ngwe, chichi kanwa musenge wa lamba uze Tata anguhele, nyi?”

A-ROMA 8:15

Mumu Mwiku uze nwatambwile, hi uze wakunupwisa ndungo ni kunuvwisa woma ko. Alioze kuuli Mwiku uze wakunupwisa ana ja Zambi. Ku tachi jenyi twakutambika Zambi ngwetu: “Tata! Tata yetu”!

Usolwelo 13:8

Akwa hashi eswe maakamuwayila, kafwa ngwe, waze majina jo kasonewene, chize ku kutanga cha yuma yeswe, mu mukanda wa akwa mwono wa Mwana Panga yoze ashihile.