Ubutukilo 22:17 - Mukanda Wa Zambi 1970

¹⁷ mungukakuwahisa, mungukokesa vungu lie. Maakabwa ngwe matangonoshi a mwilu hanji ngwe masekeseke a ku mbumbulu ya kalunga lwiji. Maakakumbakumba akwa kole jo.

MUKANDA USANDU WA ZAMBI 1975

¹⁷ kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

Ubutukilo 22:17 Iomraidhean Croise

Ubutukilo 12:2

Mungukakupwisa vungu linene ni kukuwahisa. Mungukafumanyisa jina lie, mba muukawahisa atu akwo.

Ubutukilo 13:16

Mungukokesa vungu lie ngwe masekeseke. Nyi atu maahasa kwalula masekeseke, ni vungu lie nawa kumaahasa kwaalula.

Ubutukilo 15:5

Mba Mwene Zambi yamutwala haze, ngwenyi: “Tala kwilu. Alula matangonoshi, nyi muuhasa. Vungu lie mulikabwa ni atu anji ngwe matongonoshi wano.”

Ubutukilo 17:6

Mungukakwaha mavungu anji, amwe maakabwa mavungu anene. Mukachi ko akwo maakabwa mianangana.

Ubutukilo 24:60

Yaawahisa Rebeka ni maliji wano ngwo: “Yena ndumbwetu, ukabwe semi wa tununu ni tununu. Vungu lie akakumbe akwa kole jo.”

Ubutukilo 25:11

Muze Abrahama hafwa, Zambi yawahisa Isake. Isake te katwama hehi ni Shima lia Zambi wa Mwono Yoze Wakungumona.

Ubutukilo 26:24

Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

Ubutukilo 26:4

Mungukakupwisa vungu linene, ngwe matongonoshi a mwilu. Mungukaaha chifuchi chino cheswe. Ku vungu lie mungukawahisa mavungu akwo eswe,

Ubutukilo 28:3

Zambi Mukwa Ndundo Jeswe akakuwahise, akakwehe ana, akakwokese ukabwe tato ya mavungu anji hano hashi.

Ubutukilo 28:4

Akakuwahise yena ni vungu lie ngwe chize awahishile Abrahama. Akakwehe chifuchi chino cha ungeji we chize ahele Abrahama, ukatwame mo.”

Ubutukilo 32:12

Wangulakenyene ngwe: ‘Mungukakuwahisa. Vungu lie mungukalipwisa anji ngwe masekeseke ku mbumbulu ya kalunga lwiji, waze atu kaahashile kwalula.’ ”

Ubutukilo 32:13

Ha ufuku uze Yakoba yabomba. Muze hikwacha yasakula yimuna yakumwaha yayo Esau.

2 Samuel 17:11

Manyonga jami kaali wano, kungululenu Aisraele eswe, chize ku limbo lia Dane ku norde ndoo ku limbo, lia Bersheba ku sude. Abwe ngwe kwoka cha masekeseke a ku kalunga lwiji, ni yenwene munubwa kasongo ko mu jita.

1 Yitanga Ya Mianangana 4:20

Ayuda ni Aisraele te hooka ngwe masekeseke a ku mbumbulu ya kalunga lwiji, yaahaha, yaanwanwa, yaawahilila.

1 Yitanga Ya Mianangana 9:26

Mwanangana Solomone yasonga mato anji ku Ezione Gebere hehi ni limbo lia Elate ku mbumbulu ya kalunga lwiji Akaba mu chifuchi cha Edome.

1 Sango Ja Mianangana 27:23

Mwanangana David kalwile ko atu waze te kanda achibwa ni miaka makumi aali, mumu Mwene Zambi hanalakenya kwokesa atu ngwe matongonoshi.

2 Sango Ja Mianangana 1:9

Aa Mwene Zambi, Zambi yami, himanununa chilakenyo chize walakenyene tata. Hiwangupwisa mwa nangana wa atu anji, niumwe kahashile kwaalula,

Nehemia 9:23

Yiwaaha ana anji ngwe matongonoshi a mwilu, yiwaatayiza kukumba chifuchi ni kutwama mo, chize walakenyene tushakulu two akachihinge.

Kutuhuka 32:13

Iwuluka kama tuvumbi twe, Abrahama, ni Isake, ni Israele, ni chize walishingile ni jina lie ngwe: ‘Mungukanupwisa vungu linene, ngwe matongonoshi a mwilu. Chifuchi chize naalakenyene, muchikabwa nichenu ndoo ku miaka yeswe.’ ”

Izaya 48:19

Kachi vungu lienu mulikabwa anji ngwe masekeseke, kachi nasele tachi hanga keechi kufwa.”

Jeremia 32:22

Yiwaaha chifuchi chino cha chinuno, ngwe chize walakenyene tushakulu two.

Jeremia 33:22

Mungukokesa vungu lia kavumbi kami David ni mahako a ku vungu lia Levi. Atu keechi kahasa kwaalula ngwe chize keeshi kuhasa kwalula matongonoshi a mwilu hanji masekeseke a ku mbumbulu ya kalunga lwiji.”

Hosea 1:10

Aisraele maakabwa anji ngwe masekeseke a ku kalunga lwiji, kuwahashile kwaalula chibwe kweeseka. Haliabwila Zambi kanambe ngwenyi: “Yenu hi nuli atu jami ko,” alioze tangwa mulikeza lize maakamba ngwenyi: “Nuli ana ja Zambi ya mwono!”

Hosea 2:1

Kashika vulukenu usoko wenu Aisraele ngwenu: “Atu ja Zambi” ni “Zambi Kananuzange.”

Mika 1:9

Yilonda ya Samaria keechi kuhasa kuyiwuka. Ayuda no maamona lamba chizechene. Kwonona hichaheta ndoo ku yajilo ya Yerusaleme muze mwatwama atu jami.”

A-ROMA 4:13

Zambi hanalakenya Abrahama ni waze maasemuka kuli iye ngwenyi, hashi heswe muhakapwa niho. Chilakenyo chino kamulakenyene cho mumu wononokenene Shimbi, alioze mumu Zambi yamwalula mukwa ululi mumu ha ufulielo wenyi.

A-ROMA 9:27

Izaya kanakololoka hakutwala kuli Aisraele ngwenyi: “Chibwe Aisraele ahiana naye kwoka ngwe masekeseke a ku kalunga lwiji, shina akepe hakachi ko makaalamwina.

1 Korintu 15:57

Alioze tuchichimiekenu Zambi yoze wakutukwasa ha kukumba ku tachi ja Mwene wetu Yesu Kristu!

Efesu 1:3

Tusakwililenu Zambi kanda Tato ya Mwene wetu Yesu Kristu! Hanatuwahisa mu kulinunga chetu ni Kristu ni kutwaha yiwape yeswe ya mwilu ya uzambi.

Shimbi 1:10

Mwene Zambi, Zambi yenu, hananwokesa kuhiana ngwe matongonoshi a mwilu.

Shimbi 1:11

Mwene Zambi, Zambi ya tushakulu twenu, akanwokese yisuho tununu, akanuwahise ngwe chize anulakenyene!

Shimbi 10:22

Muze tushakulu twenu ayile ku Egiptu, te makumi shimbiali wika. Alioze haliabwila Mwene Zambi, Zambi yenu, hanwokesa kuhiana ngwe matongonoshi a mwilu.”

Shimbi 13:17

Ku yuma yize yeswe, kanda nukanda ho Chuma nichimwe, hanga Mwene Zambi alitwamine kunutenukina, anuvwile keke. Makanuvwila keke ni kunwokesa kuhiana, ngwe chize alakenyene tushakulu twenu,

Shimbi 13:18

nyi nwononoka ku Shimbi jenyi jize ngunanulongesa musono, ni kulinga chize chinalite ku meso jenyi.”

Shimbi 21:19

yisemi jenyi amutwale kuli miata a mu limbo muze atwama, amuse mukachi amusopese.

Hebreu 11:12

Yabwa ngwe himafwa, hindu kuli iye mutu umuwika, yikusemuka atu anji ngwe matongonoshi a mwilu, ngwe masekeseke a ku mbumbulu ya kalunga lwiji waze kuwahashile kwalula.

Hebreu 6:14

ngwenyi: “Chamwenemwene kuwahisa mungukakuwahisa, mungukokesa vungu lie.”

Usolwelo 11:15

Hohene kanganda ka mwilu wa muchishimbiali yemba chitavwi. Mba yingwivwa maliji anene ngwo: “Wanangana wa hashi hiwabwa wanangana wa Mwene wetu ni Kristu yenyi. Mwenawo makayula ku miaka yeswe ni miaka yeswe!”