Ubutukilo 22:13 - Mukanda Wa Zambi 1970

¹³ Abrahama yahetuka yamona kuji a panga kanasakaminya mbinga mu lutandulwila. Yaya ni kumukwata, yamulambula mulambu wa kwocha kuli Zambi ha kusalakana mwanenyi.

MUKANDA USANDU WA ZAMBI 1975

¹³ Apalahama yahetula meso jenyi, yatala, kumanyi kunyima yenyi kuji ya panga kanasakaminya ku mbinga jenyi mu lutandulwila. Mba Apalahama yanda mwe kuji ya panga yamulambula wa kulumba kusalakana mwanenyi.

Ubutukilo 22:13 Iomraidhean Croise

Ubutukilo 22:12

Kanganda ngwenyi: “Kanda umulemeka, kanda umulinga chibi. Haliabwila ngunanyingika ngwami, kuma wakulemesa Zambi, mumu kuwalitunyine kulambula mwane mulambu kuli Zambi, chibwe kali lume umuwika.”

Ubutukilo 22:14

Abrahama yaluka homa haze jina ngwenyi: “Mwene Zambi Kakuhana.” Kashika ndoo ni musono atu akwamba ngwo: “Ha mulundu wenyi Mwene Zambi kakuhana.”

Ubutukilo 22:8

Abrahama ngwenyi: “Zambi mwene matwaha panga wa mulambu wa kwocha.” Mba yaaya.

Izaya 30:21

Nyi munukondoloka ku chindume hanji ku chimeso, kumunwivwa liji lienyi kunyima nikwamba ngwenyi: “Yino ye jila, yikaulenu.”

1 Korintu 10:13

Nyi kutala ngwe Sakwonga hanweseka, nyingikenu ngwenu, atu eswe kaakweseka chizechene. Alioze Zambi kanalingi nikulita ni chilakenyo chenyi, mumu kechi katayiza Sakwonga akanweseke kuhiana tachi jize nuli najo. Alioze muze makanweseka, shimbu lizeliene makanwaha tachi ja kukumba. Mba munukahasa kukumba.