Ubutukilo 22:11 - Mukanda Wa Zambi 1970

¹¹ Alioze kanganda ka Mwene Zambi yatambika ngwenyi: “Abrahama, Abrahama!” Iye ngwenyi: “Ewa mwane.”

MUKANDA USANDU WA ZAMBI 1975

¹¹ Alioze mungelo wa Yehova mwilu yamusanyika ngwenyi, Apalahama, Apalahama. Iye yamba ngwenyi, Yami uno.

Ubutukilo 22:11 Iomraidhean Croise

Ubutukilo 16:7

Kanganda ka Mwene Zambi yatakana ni Hagare mu puya hehi ni shima lia meya lize lili mu jila ya kuya ku Shure.

Ubutukilo 21:17

Zambi yevwa chize te mwana analili, Hagare yevwa liji lia kanganda ka mwilu ngwenyi: “Hagare, kuchi? Kanda wivwa woma, Zambi hevwa kulila cha mwane.

Ubutukilo 21:18

Katuka, yako uholese mwana. Mungumupwisa vungu linene.”

Ubutukilo 22:1

Kulutwe lia amwe matangwa Zambi yeseka Abrahama. Yamutambika ngwenyi: “Abrahama!” Abrahama ngwenyi: “Ewa, mwane.”

Ubutukilo 22:10

Mba yanda poko ha kushiha Isake.

Ubutukilo 22:12

Kanganda ngwenyi: “Kanda umulemeka, kanda umulinga chibi. Haliabwila ngunanyingika ngwami, kuma wakulemesa Zambi, mumu kuwalitunyine kulambula mwane mulambu kuli Zambi, chibwe kali lume umuwika.”

Ubutukilo 22:16

“Mwene Zambi kanambe ngwenyi: ‘Hinalishinga mu jina lia yami mwene, mumu ha Chuma chino hiwalinga, kuwalitunyine kungulambula mwane, chibwe kali lume umuwika,

Ubutukilo 24:7

Mwene Zambi, Zambi ya mwilu, hananguchiza mu chifuchi cha tata ni cha usoko wami, yanguneha kuno. Yalishinga ngwenyi, makahana chifuchi chino kuli vungu liami. Mwenawo makatuma kanganda kenyi ka mwilu ha kufupila mwanami pwo.

Ubutukilo 31:11

Mba kanganda ka mwilu yangulweza mu chilota chami ngwenyi: ‘Yakoba!’ Ngwami: ‘Ewa mwane.’

Ubutukilo 37:13

Israele yambila Josefe ngwenyi: “Ayayenu kaanafungu yimuna ku Shekeme. Tweya ngukutume ko.” Josefe ngwenyi: “Ewa, Tata.”

Ubutukilo 46:2

Ha ufuku Zambi yambila Israele mu chilota ngwenyi: “Yakoba, Yakoba!” Neye ngwenyi: “Ewa, mwane.”

Ubutukilo 48:16

Kanganda ka mwilu yoze wangupulwile mu lamba lieswe, aawahise! Avulwoke jina liami, ni majina ja atata Abrahama ni Isake! Aseme ana anji, akabwe vungu linene!”

Kutuhuka 3:2

Kwenako kanganda ka Mwene Zambi amusolokelele mu mulengi wa kahia, mu chibuta. Mose yatala ko. Che chibuta te chinalekwoka ni kahia, alioze kuchawemene ko.

Kutuhuka 3:4

Muze Mwene Zambi hamona ngwenyi, Mose kanakundama ko, yamutambika mukachi ka chibuta ngwenyi: “Mose! Mose!” Iye ngwenyi: “Ewa mwane.”

Izaya 6:8

Mba yingwivwa Mwene Zambi nikwamba ngwenyi: “Iya mungutuma? Iya mabwa kanganda ketu?” Yingukumbulula ngwami: “Yami mwane! Ngutume!”

Yilinga 26:14

Yetu eswe yitulimbuka hashi mbuu! Mba yingwivwa liji mu hebreu nikungwamba ngwo: ‘Saulu, Saulu, kuchi kevwe wakunguhungumiona? Wakulilemeka ngwe chize akulilemeka ngombe ha kulamba kulu ku songo lia mutondo wa kako!’

Yilinga 9:4

Saulu yalimbuka hashi, yevwa liji lize liamwambile ngwo: “Saulu; Saulu, kuchi kevwe wakunguhungumiona?”

Akwa Kuyula 2:1

Kanganda ka Mwene Zambi mwilu yakatuka ku limbo lia Gilgale, yaya ku limbo lia Bokime, yambila Aisraele ngwenyi: “Yami nanutuhwishile mu chifuchi cha Egiptu, yingununeha mu chifuchi chino nalakenyene tushakulu twenu. Yingwamba ngwami: ‘Chichi kashiha Usendo wami nichimwe ni yenu.

1 Samuel 3:10

Mwene Zambi yeza, yamana, yatambika ngwe yisuho yikwo: “Samuel! Samuel!” Samuel yakumbulula ngwenyi: “Vulie mwane! Hanjikenu, yami kavumbi kenu ngunahanjika.”

1 Samuel 3:4

Mwene Zambi yatambika Samuel. Neye yakumbulula ngwenyi: “Ewa mwane.”