Ubutukilo 22:1 - Mukanda Wa Zambi 1970

¹ Kulutwe lia amwe matangwa Zambi yeseka Abrahama. Yamutambika ngwenyi: “Abrahama!” Abrahama ngwenyi: “Ewa, mwane.”

MUKANDA USANDU WA ZAMBI 1975

¹ Kulutwe lia yino yuma Zambi yeseka Apalahama. Yamba kuli iye ngwenyi, Apalahama. Iye yakumbulula ngwenyi, Yami uno.

Ubutukilo 22:1 Iomraidhean Croise

Ubutukilo 15:1

Mwabwa muze Mwene Zambi yalweza Abrama mu Usolwelo ngwenyi: “Abrama, kanda wivwa woma, yami nguli lukebwe we. Mungukwaha chawana chinene kuhiana.”

Ubutukilo 21:11

Maliji wano yeevwisa Abrahama chinyengo mu mbunge, mumu Ishmaele neye te kali mwanenyi.

Ubutukilo 22:11

Alioze kanganda ka Mwene Zambi yatambika ngwenyi: “Abrahama, Abrahama!” Iye ngwenyi: “Ewa mwane.”

Ubutukilo 22:7

Ha shimbu likepe Isake ngwenyi: “Aa tata!” Abrahama ngwenyi: “Ewa mwanami.” Isake ngwenyi: “Kunyi ni kahia tuli nayo, alioze mwana panga yoze mutulambula yolihi mba?”

Ubutukilo 37:13

Israele yambila Josefe ngwenyi: “Ayayenu kaanafungu yimuna ku Shekeme. Tweya ngukutume ko.” Josefe ngwenyi: “Ewa, Tata.”

Ubutukilo 46:2

Ha ufuku Zambi yambila Israele mu chilota ngwenyi: “Yakoba, Yakoba!” Neye ngwenyi: “Ewa, mwane.”

2 Samuel 24:1

Mwene Zambi yevwila nawa Aisraele ufwatulo, mba yashinjika mwanangana David akaabinjise. Yamwamba ngwenyi: “Yako walule Aisraele ni Ayuda.”

2 Sango Ja Mianangana 32:31

Chibwe muze tunganda twa chifuchi cha Babilonia ejile ni kuhula hakutwala ku yuma yeswe yize yabalikile mu chifuchi, Zambi yatayiza Hezekia kulinga yeswe yize anazange, anyingike mbunge yenyi.

Miaso (Masamu) 11:5

Mwene Zambi kakweseka akwa ululi ni yingulungulu, kakuvutwokela waze akulinga yibi.

Kutuhuka 16:4

Mwene Zambi yambila Mose ngwenyi: “Haliabwila mungununokesela mbolo ya kwilu. Tangwa ha tangwa akatuhwoka ni kwanda yakulia yinalite ni tangwa limuwika. Mba mungweseka ngwatale nyi maafunga Shimbi jami.

Kutuhuka 3:4

Muze Mwene Zambi hamona ngwenyi, Mose kanakundama ko, yamutambika mukachi ka chibuta ngwenyi: “Mose! Mose!” Iye ngwenyi: “Ewa mwane.”

Yishima 17:3

Oru ni prata kaakuyeseka ni kahia; alioze mbunge ya mutu Mwene Zambi wakuyeseka.

Izaya 6:8

Mba yingwivwa Mwene Zambi nikwamba ngwenyi: “Iya mungutuma? Iya mabwa kanganda ketu?” Yingukumbulula ngwami: “Yami mwane! Ngutume!”

1 Korintu 10:13

Nyi kutala ngwe Sakwonga hanweseka, nyingikenu ngwenu, atu eswe kaakweseka chizechene. Alioze Zambi kanalingi nikulita ni chilakenyo chenyi, mumu kechi katayiza Sakwonga akanweseke kuhiana tachi jize nuli najo. Alioze muze makanweseka, shimbu lizeliene makanwaha tachi ja kukumba. Mba munukahasa kukumba.

Shimbi 13:3

kanda numubanjika nichimwe. Mumu Mwene Zambi, Zambi yenu, mwe unanweseka, ha kumona nyi nunazange Mwene Zambi, Zambi yenu, ni mbunge jenu jeswe, nyi ka.

Shimbi 8:16

Mu puya yanwaha mana ha kulia, yakulia yize tushakulu twenu haanga te kanda achiyilia kama. Yachilinga hanga anuhombole ni anweseke. Ha kusula anuwahise ni yuma yibema.

Shimbi 8:2

Iwulukenu ngwe chize Mwene Zambi, Zambi yenu anusongwelele mu wenyi uno miaka makumi awana mu puya hanga anuhombole, anweseke ni lamba lieka ni lieka, mba hanga anyingike mbunge jenu, nyi munufunga Shimbi jenyi, nyi ka.

Hebreu 11:17

Ku ufulielo tata Abrahama yamba kulambula mwanenyi Isake ha chilumbilo, muze te Zambi amwesekele. Chibwe te Zambi halakenya Abrahama kubwa ni mwana, hindu Abrahama yamba kumulambula chibwe te kali ni umuwika lume.

Tiangu (Jake) 2:21

Ngwe kuchi Zambi apwishile Abrahama mukwa ululi? Zambi yachilinga mumu ha yitanga yenyi, muze alambwile mwanenyi Isake ngwe mulambu ha chilumbilo

1 Petulu 1:7

Lamba lize liakweseka ufulielo wenu, ha kunyingika nyi uli wamwenemwene, nyi ka. Chibwe oru, yize yakutoka, hatangu kaakuyeseka ni kahia. Chizechene nawa ufulielo wenu, uze unahiana oru yibema, Zambi kakuweseka ha kunyingika nyi uli ni tachi, nyi ka. Mba muze Zambi makasolola Yesu Kristu kuli atu eswe, maakanuchichimieka ni kunuhalisa, ni kunulemesa.

Akwa Kuyula 2:22

Mungweseka Aisraele ku tachi ja akwa kole jo nyi maafunga Shimbi jami, ngwe chize alingile tushakulu two.”

1 Samuel 3:4

Mwene Zambi yatambika Samuel. Neye yakumbulula ngwenyi: “Ewa mwane.”