Ubutukilo 21:9 - Mukanda Wa Zambi 1970

⁹ Limwe tangwa Ishmaele, mwana yoze Abrahama asemene ni Hagare, mukwa Egiptu, te kanalenye Isake, mwana wa Sara.

MUKANDA USANDU WA ZAMBI 1975

⁹ Sara yamona mwana wa Hekare Ka-Engitu, yoze wasemenene Apalahama, te kanalenye.

Ubutukilo 21:9 Iomraidhean Croise

Ubutukilo 16:1

Sarai, pwo lia Abrama, te mumba kwenyi. Alioze yabwa ni ndungo yenyi wa pwo, jina lienyi Hagare, yoze te wakumulingila. Mwana pwo yoze te mukwa Egiptu.

Ubutukilo 16:15

Hagare yasema mwana wa lunga Abrama yamuluka jina ngwenyi, Ishmaele.

Ubutukilo 17:20

Hakutwala kuli Ishmaele hinakwivwa, hinamuwahisa. Mungukamupwisa semi, mungukamwokesa kuhiana; makasema mianangana kumi ni aali.

Ubutukilo 21:8

Isake yatatuka, mba muze hasumuka yamulingila chiteleka chinene.

2 Sango Ja Mianangana 30:10

E tunganda yaaya ku membo eswe a mu yifuchi ya mavungu ja Efraime ni Manase, ni ku norde ndoo ku vungu lia Zabulone. Hindu atu yaaseha ni yaalelesa.

2 Sango Ja Mianangana 36:16

Alioze ayo yaasaula e tunganda twa Zambi, yaalelesa maliji jenyi, yaaseha akwa munanyi jenyi. Mba ha kusula Mwene Zambi yevwila atu jenyi ufwatulo kuhiana, ni e mana a kuuchina kaabwile ko.

Jobe 30:1

Alioze haliabwila malunga twanuke twami kaakunguseha. Akweze waze atato te nakulituna kufunga mapanga jami hamwe ni tuwa twami.

Miaso (Masamu) 22:6

Alioze yami hi nguli nawa mutu ko, hi nabwa ngwe musangwinya, atu eswe kaakunguchoka ni kungulelesa.

Miaso (Masamu) 42:10

Ngunevu yinyengo yinji mumu ha kushililika cho; kaakunguhula ngwo: “Yolihiyo mba mwe Zambi ye?”

Yishima 20:11

Chibwe mwana kakusoloka chize abwa ku yize akulinga; muuhasa kwamba nyi kali mubema ni katuwika mu mbunge.

Yishima 22:10

Huma mukwa kulengumuka, mba pami, ni kuzwela, ni kulisaula muyisula.

Lungungu 1:7

Ha matangwa wano a lamba lienyi, Yerusaleme kanewuluka uhenya wenyi utangu. Muze aholokela mu moko ja akwa kole, kukwabwile ko niumwe wakumukwasa; waze amukumbile yaamuseha ha kulimbuka chenyi.

Galashia 4:22

Hijinasonewa ngwo, Abrahama yabwa ni ana malunga aali, umuwika wa kuli ndungo, mukwo wa kuli mwenyaho.

Galashia 4:29

Ha miaka yikulu mwana yoze wasemukine nikulita ni ndako ya uutu, yahungumiona yoze wasemukine nikulita ni Mwiku wa Zambi. Chimuwika ni musono.

Hebreu 11:36

Atu akwo yaalelesa ni kwalamba fimbo (shikote). Akwo yaakasa ni ngoji ja utale, mba yaambila mu zuwo lia lamba.