Ubutukilo 21:8 - Mukanda Wa Zambi 1970

⁸ Isake yatatuka, mba muze hasumuka yamulingila chiteleka chinene.

MUKANDA USANDU WA ZAMBI 1975

⁸ Mba mwana watatukile, yamusumuna. Apalahama yalinga chiteleka chinene ha tangwa lize asumwine Izake.

Ubutukilo 21:8 Iomraidhean Croise

Ubutukilo 19:3

Lote yaashinjila chikolo, mba yaatayiza kuya mu zuwo lienyi. Lote yalinga mbolo, yaatelekela yakulia yibema, no yaalia.

Ubutukilo 21:7

Yamba nawa ngwenyi: “Iya wahashile kwambila Abrahama ngwenyi: ‘Sara mamwisa ana?’ Alioze chibwe Abrahama habwa kulu kashinakaji, hinasema nenyi mwana.”

Ubutukilo 21:9

Limwe tangwa Ishmaele, mwana yoze Abrahama asemene ni Hagare, mukwa Egiptu, te kanalenye Isake, mwana wa Sara.

Ubutukilo 26:30

Isake yaalingila chiwanyino. No yaalia, yaanwa.

Ubutukilo 29:22

Mba Labane yalinga chiwanyino cha umbachiso, yatambika akwa limbo eswe.

Ubutukilo 40:20

Ha tangwa lia muchitatu te lie tangwa lia kwiwuluka kusemuka cha mwanangana. Mwanangana yalinga chiteleka chinene, yatambika akwa lutwe eswe a mu wanangana wenyi. Yatuhwisa mwata wa akwa kukela vinyu ni mwata wa akwa kwocha mbolo mu zuwo lia lamba, yaatumbika ku meso ja akwa lutwe a mu wanangana wenyi.

2 Samuel 3:20

Muze mwata Abnere heza kuli mwanangana David ku Hebrone hamwe ni malunga makumi aali, mwanangana yaalingila chiteleka.

1 Yitanga Ya Mianangana 3:15

Solomone yalaula, kuma te chilota. Mba yahiluka ku Yerusaleme, yamanyina kulutwe lia mushete wa Usendo wa Mwene Zambi ni Aisraele, yalambula milambu ya kwocha ni ya kulivwa ni Zambi. Mba yalingila akwa kuyula jenyi eswe chiteleka.

Estere 1:3

Ha mwaka wa muchitatu wa kuyula chenyi, yalinga chiteleka, yakungulula akwa lutwe ni akwa kuyula jenyi eswe. Tujita a mu yifuchi ya Persia ni Media no kwe abwile hamwe ni akwa kuyula akwo ni alemu a mu yifuchi.

Miaso (Masamu) 131:2

Alioze ngunahwimi kwami, nguli kwami kanawa. Ngwe chize mwana yoze haasumuna unabombo mu kondo ya naye, Chenacho nawa ni yami ngunahwimi.

Hosea 1:8

Muze Gomere hasumuna mwanenyi wa pwo, yaka nawa ufumba, yasema mwana mukwo wa lunga.

Akwa Kuyula 14:10

Tato yaya ku zuwo lia mwana pwo. Samsone yalulika muzumbu. Te ye yabwile ndako hakachi ka ana malunga.

Akwa Kuyula 14:12

Samsone yaamba ngwenyi: “Ngunanujimbikila chimwe chijimbikilo. Nyi ngwe nwangulumbunwina cho ha matangwa wano shimbiali, kachi mungunwaha mutu mweswe hina lia lefuna ni hina likwo lia ku zala ha tangwa lia chiteleka.

1 Samuel 1:22

Alioze Hana kayile ko. Yalweza lunga lienyi ngwenyi: “Muze mwana hasumuka mba mungumutwala ku zuwo lia Mwene Zambi, akatwame ko miaka yeswe.”

1 Samuel 1:24

Muze mwana hasumuka, naye yamutwala hamwe ni kuji a ngombe wa miaka yitatu, ni kilo kumi lia wunga, ni tuku yimuwika ya lambu ya vinyu. Yamutwala ku zuwo lia Mwene Zambi ku Shilo, te uchili mwana mukepe.

1 Samuel 25:36

Abigaile yahiluka ku zuwo lienyi kuli Nabale, kumuwana halinga chiteleka chinene ngwe cha mwanangana. Te hazenga, kanawahilila. Kashika kamulwezele liji nilimwe ndoo chichamene.