Ubutukilo 21:6 - Mukanda Wa Zambi 1970

⁶ Sara ngwenyi: “Zambi hangusehesa, hangukwasa. Mweswe mutu mevwa sango jino, kumaseha hamwe ni yami.”

MUKANDA USANDU WA ZAMBI 1975

⁶ Sara yamba ngwenyi, Mba Zambi hangwaha kuseha, ni waze eswe machivwa maseha hamwe ni yami.

Ubutukilo 21:6 Iomraidhean Croise

Ubutukilo 17:17

Abrahama yafulamana, yabutuka kuseha chikolo ngwenyi: “Kuma lunga chibwe habwa ni miaka 100 masema mwana, nyi? Sara chibwe neye habwa ni miaka 99 mahasa kubwa ni mwana, myi?”

Miaso (Masamu) 113:9

Kakulemesa miumba mu jiko lienyi; kakwawahisa ni kwaaha ana. Chichimiekenu Mwene Zambi!

Miaso (Masamu) 126:2

Cho kuseha, cho kwimba cha uwahililo! Mba mavungu akwo yaamba ngwo: “Mwene Zambi haalingila yuma ya kukomwesa.”

Izaya 49:15

Alioze Mwene Zambi ngwenyi: “Kuma umwe pwo mahasa kuvulama mwanenyi yoze anamwisa, nyi? Kechi kuvwila keke mwana yoze hasema iye mwene, nyi? Chibwe mama mahasa kuvulama mwanenyi, yami chahashile kunuvulama nichimwe.

Izaya 49:21

Mba muukalihula ngwe: ‘Iya wangusemenene ana wano eswe? Nabwile mumba, hingunafwisa ana jami eswe. Akwa kole yaanguhanga, yaangutwala mu undungo. Mba iya walelele ana wano? Yami nabwile ukawami, mba wano eswe kulihi anakatuka?’ ”

Izaya 54:1

Yerusaleme te hiwabwa ngwe mumba, alioze haliabwila muuhasa kwimba ni kukololoka ni chiseke. Haliabwila muubwa ni ana anji kuhiana pwo yoze kaashimbikile kuli lunga lienyi!

Jeremia 20:15

Shinga yoze wevwishile tata kuwaha muze ayile ni kumulweza ngwenyi: “Pwo lie hasema mwana wa lunga!”

Luka 1:14

Muukevwa chiseke chinji, ni atu anji kumaakawahilila ha kusemuka chenyi.

Luka 1:58

Enyembo ja Isabele (Elisabete) ni usoko wenyi yeevwa ngwo, Mwene Zambi hamwokesela keke. No yaawahilila hamwe nenyi.

A-ROMA 12:15

Wahililenu hamwe ni waze akuwahilila, lilenu hamwe ni waze akulila.

Hebreu 11:11

Ku ufulielo Abrahama yahasa kusema mwana, chibwe te habwa kashinakaji, ni chibwe Sara te mumba. Yafuliela ngwenyi, Zambi makalinga chize alakenyene.

1 Samuel 1:26

Hana yamba ngwenyi: “Mwata unangunyingika, nyi? Nguli pwo yoze wamanyine kuno ku meso je, ni kulemba kuli Mwene Zambi.