Ubutukilo 21:23 - Mukanda Wa Zambi 1970

²³ Kashika haliabwila, lishinge ku meso ja Zambi ngwe, kuuchi kungwonga yami, chibwe ana jami, chibwe ajikulu jami. Nguli sepa lie, kashika lishinge ngwe, yena muubwa sepa liami ni lia waze ali mu chifuchi chino watwama.”

MUKANDA USANDU WA ZAMBI 1975

²³ Kashika ulishinge hano ni Zambi kuli yami ngwe, kuchi kulinga ni kwonga kuli yami, chipwe kuli mwanami, chipwe kuli mujikulu wami. Alioze ukalinge nikulita ni utu uze yami nalingile kuli yena, chocho mulinga kuli yami ni ku chifuchi chino watwamamo njize.

Ubutukilo 21:23 Iomraidhean Croise

Ubutukilo 20:14

Hohene Abimeleke yahilwisa Sara kuli Abrahama. Ha tangwa lizeliene Abimeleke yamwaha Abrahama mapanga, ni ngombe, ni ndungo a mapwo ni a malunga.

Ubutukilo 21:24

Abrahama yatayiza.

Ubutukilo 24:3

Ngunazange ulishinge ku meso ja Mwene Zambi ya lilu ni hashi ngwe, kuuchi kambachila mwanami pwo wa kuli Akanana wano natwama no.

Ubutukilo 26:28

Ayo ngwo: “Mumu hitwamona ngwetu, Mwene Zambi kali hamwe ni yena. Kashika twanyonga ngwetu, chinalite tukalikunde ni Shingo hakachi ka yetu ni yena tukakolese Usendo.

Ubutukilo 31:44

Haliabwila tuye tukolese Usendo, yena ni yami, ukabwe chinyingi hakachi ka yena ni yami.”

Ubutukilo 31:53

Zambi ya Abrahama ni Zambi ya Nahore matubatwila.” Mba Yakoba yalishinga ni jina lia Zambi yoze akuwayila tato Isake.

Ubutukilo 39:3

Mwata wenyi yamona ngwenyi, Mwene Zambi kali hamwe ni Josefe ni kukukwasa Josefe ku yeswe yize te akulinga.

Ubutukilo 47:31

Israele ngwenyi: “Lishinge ngwe: ‘Munguchilinga.’ ” Josefe yalishinga Zambi, mba Israele yahetamina ha muhela wenyi nikuwayila Zambi.

Jeremia 4:2

mba muchilita kuli yenu kulishinga ni jina liami. Hohene mavungu eswe maanguhula ngwawahise, mba maanguchichimieka.”

2 Korintu 1:23

Ngunavuluka Zambi hanga abwe chela chami, kananyingika mbunge yami! Ngwami, chejile ku Korintu mumu Chazangile kunumwesa lamba.

Shimbi 6:13

Vwilenu Mwene Zambi, Zambi yenu, woma, muwayilenu iye wika, nulishinge ni jina lienyi wika.

Hebreu 6:16

Muze atu akulishinga, kaakuchilinga ni jina lia umwe munene Wahiana ayo. Ni Shingo lize hakuchiza pami mukachi ka atu.

Yoshua 2:12

Haliabwila lishingenu ni jina lienyi ngwenu, munukalinga yibema ku vungu liami ngwe chize hinanulinga yenu, ngulwezenu chimwe chinyingi chize munguhasa kunufuliela.

1 Samuel 20:13

Alioze nyi mazanga kukushiha, nyi chichi kukulweza ni kukuchinyisa, Mwene Zambi angushihe. Mwene Zambi akabwe ni yena ngwe chize abwile ni tata.

1 Samuel 20:17

Jonatane yashingisa nawa David hakutwala ku zango lienyi, mumu te kakumuzanga ngwe chize akulizanga iye mwene.

1 Samuel 20:42

Jonatane yambila David ngwenyi: “Yako kanawa. Hanga yetu eswe aali hitwalishinga ni jina lia Mwene Zambi, Zambi matukwasa, hamwe ni mavungu jetu, kufunga chilakenyo chetu ndoo ku miaka yeswe.” David yakatuka, yaya kwenyi, Jonatane yanjila mu limbo.

1 Samuel 30:15

David yamuhula ngwenyi: “Muututwala kama ku mbunga yize, nyi?” Mukweze ngwenyi: “Lishingenu ni jina lia Zambi ngwenu, kunuchi kungushiha hanji kungukunjika mu moko ja mwata wami, mba ngunutwale ku mbunga yize.”