Ubutukilo 21:20 - Mukanda Wa Zambi 1970

²⁰ Mwana yatatuka, yatwama mu puya ya Parane. Iye te yanga ni uta wenyi wa manana. Zambi yabwa hamwe nenyi.

MUKANDA USANDU WA ZAMBI 1975

²⁰ Zambi wapwile hamwe ni mwana, mba watatukile. Watwamine mu puya, wapwile ngashi.

Ubutukilo 21:20 Iomraidhean Croise

Ubutukilo 10:9

Mwene Zambi yamukwasa nawa kubwa yanga munene wa kushiha yifwo. Kashika atu akwamba ngwo: “Zambi akupwise yanga munene ngwe Nimrode ha kushiha yifwo.”

Ubutukilo 16:12

Alioze mwe mwana yoze makabwa ngwe chimbulu wa mu yambu, makazwela ni atu eswe, atu no maakamuzwelesa. Kechi kutwama ni usoko wenyi, makabwa ha ukawenyi.”

Ubutukilo 17:20

Hakutwala kuli Ishmaele hinakwivwa, hinamuwahisa. Mungukamupwisa semi, mungukamwokesa kuhiana; makasema mianangana kumi ni aali.

Ubutukilo 25:27

Ana ja Isake yaakola. Esau yabwa yanga munene te kakwenda mu yambu. Alioze Yakoba te chihumikiji, mukwa kunamina ha chihunda.

Ubutukilo 27:3

Anda uta we wa kwasa, yako mu yambu ungushihile yifwo,

Ubutukilo 28:15

Nyingika ngwe, mungukabwa hamwe ni yena kweswako muuya, mungukakuhilwisa nawa ku chifuchi chino. Chichi kakwehuka ndoo mungukamanununa yilakenyo yeswe yino nakulakenya.”

Ubutukilo 39:21

alioze Mwene Zambi yabwa hamwe nenyi, yamuwahisa. Ha chino mwata wa zuwo lia lamba yawahilila nenyi.

Luka 1:80

Mwana yatatuka, yakola mu mujimba ni mu mbunge. Yatwama mu puya ndoo ku tangwa lia kusoloka chenyi ku meso ja Aisraele.

Luka 2:40

Mwe mwana yatatuka, yakola, yakula ni mana anji; ni Zambi yamuwahisa.

Akwa Kuyula 6:12

Kanganda ka Mwene Zambi yamusolokela, yamwamba ngwenyi: “Mwene Zambi kali hamwe ni yena, uli mukwa tachi ni hamu!”