Ubutukilo 21:2 - Mukanda Wa Zambi 1970

² Sara yaka ufumba, yasema mwana wa lunga muze te Abrahama habwa kwenyi kashinakaji. Mwana yasemuka mu kakweji yoze alakenyene Zambi.

MUKANDA USANDU WA ZAMBI 1975

² Mba Sara yaka ufumba, yasemena Apalahama mwana wa lunga mu ushinakaji wenyi, ha mwaka uze Zambi wamulakenyene.

Ubutukilo 21:2 Iomraidhean Croise

Ubutukilo 17:19

Alioze Zambi ngwenyi: “Hi chocho ko. Mukwenu pwo Sara makasema mwana wa lunga. Ukamuluka ngwe, Isake. Mungukakolesa nenyi Usendo, ni lie vungu lienyi nawa. We Usendo muukalinduluka ndoo ku miaka yeswe.

Ubutukilo 17:21

Alioze mungukolesa Usendo ni mwane Isake, mwana yoze Sara makasema mwaka uze muwiza ho.”

Ubutukilo 18:10

Umwe mutu yamwamba ngwenyi: “Mungukahiluka ha mwaka uze muwize ho, mba mukwenu pwo Sara makasema mwana wa lunga.” Kuma te Sara kanamana kunyima lia chajilo, kanevu yeswe yize te anambe,

Ubutukilo 18:14

Kuli chimwe Chuma chize Zambi machisa kenu, nyi? Ngwe chize hinamba kulu ngwami, ha mwaka uze muwiza ho Sara makasema mwana wa lunga.”

Luka 1:36

Isabele (Elisabete), usoko we yoze te akuvuluka ngwo, mumba, habwa ni ufumba wa tukweji asambano. Makasema mwana wa lunga, chibwe habwa kulu kashinakaji.

Yilinga 7:8

Hohene Zambi yakolesa Usendo ni Abrahama, chinyingi chawo Ungalami. Chenacho muze Abrahama hasema Isake, yamupwisa ngalami ha tangwa lia muchinake, ni Isake yapwisa Yakoba ngalami, ni Yakoba yapwisa tushakulu kumi ni aali ngalami.

A-ROMA 9:9

Mumu Zambi yalweza chilakenyo chenyi ni maliji wano ngwenyi: “Muze tangwa mulikaheta, mungukahiluka, mba Sara makasema mwana lunga.”

Galashia 4:22

Hijinasonewa ngwo, Abrahama yabwa ni ana malunga aali, umuwika wa kuli ndungo, mukwo wa kuli mwenyaho.

Hebreu 11:11

Ku ufulielo Abrahama yahasa kusema mwana, chibwe te habwa kashinakaji, ni chibwe Sara te mumba. Yafuliela ngwenyi, Zambi makalinga chize alakenyene.

Yoshua 24:3

Yinguchiza kashakulu kenu Abrahama musali lia Ufrateze ni kumusongwela mu chifuchi cheswe cha Kanana. Yingumupwisa vungu linene. Yingumwaha Isake,