Ubutukilo 21:17 - Mukanda Wa Zambi 1970

¹⁷ Zambi yevwa chize te mwana analili, Hagare yevwa liji lia kanganda ka mwilu ngwenyi: “Hagare, kuchi? Kanda wivwa woma, Zambi hevwa kulila cha mwane.

MUKANDA USANDU WA ZAMBI 1975

¹⁷ Zambi yevwa liji lia mwana mba mungelo wa Zambi mwilu yasanyika Hekare ngwenyi, Kuchi unevu yena Hekare? Kanda wivwa woma, mumu Zambi hevwa liji lia mwana kuze ali.

Ubutukilo 21:17 Iomraidhean Croise

Ubutukilo 15:1

Mwabwa muze Mwene Zambi yalweza Abrama mu Usolwelo ngwenyi: “Abrama, kanda wivwa woma, yami nguli lukebwe we. Mungukwaha chawana chinene kuhiana.”

Ubutukilo 16:11

Muukasema mwana wa lunga, ukamuluka ngwe: Ishmaele, mumu Mwene Zambi hevwa kulila che,

Ubutukilo 16:7

Kanganda ka Mwene Zambi yatakana ni Hagare mu puya hehi ni shima lia meya lize lili mu jila ya kuya ku Shure.

Ubutukilo 16:8

Yamuhula ngwenyi: “Hagare, ndungo ya Sarai, kulihi unakatuka? Kulihi unayi?” Hagare ngwenyi: “Ngunachina kaka Sarai.”

Ubutukilo 16:9

Mba kanganda ka Mwene Zambi ngwenyi: “Hiluka kuli kakenu ukamuzeyele.”

Ubutukilo 22:11

Alioze kanganda ka Mwene Zambi yatambika ngwenyi: “Abrahama, Abrahama!” Iye ngwenyi: “Ewa mwane.”

Ubutukilo 24:7

Mwene Zambi, Zambi ya mwilu, hananguchiza mu chifuchi cha tata ni cha usoko wami, yanguneha kuno. Yalishinga ngwenyi, makahana chifuchi chino kuli vungu liami. Mwenawo makatuma kanganda kenyi ka mwilu ha kufupila mwanami pwo.

Ubutukilo 26:24

Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

Ubutukilo 46:3

Zambi ngwenyi: “Yami nguli Zambi, Zambi ya tatenu. Kanda wivwa woma ha kuya ku chifuchi cha Egiptu. Kwenako mungukakupwishila vungu linene.

1 MIANANGANA 13:23

alioze Mwene Zambi yeevwila Aisraele keke. Kazangile ko aanongese, alioze yaakwasa mumu ha Usendo wenyi ni Abrahama, ni Isake, ni Yakoba. Kavulamine ko atu jenyi.

1 MIANANGANA 13:4

Alioze Jehoahaze yalemba kuli Mwene Zambi. Neye yamona lamba lize mwanangana wa Siria amwesene Aisraele, yevwa kulemba chenyi.

Miaso (Masamu) 10:14

Alioze yena Wakumona, unanyingika lamba ni luyinda, matangwa eswe wakululika ni kukwasa. Mukwa lamba kakulikunjika kuli yena; yena uli chikwashi cha shiwa.

Miaso (Masamu) 50:15

Ngutambikenu ha tangwa lia lamba; mungunupulula, mba mununguchichimieka.”

Miaso (Masamu) 6:8

Ngukatukenu yenu yingulungulu! Mwene Zambi hevwa kulila chami.

Miaso (Masamu) 65:2

mumu wakukumbulula ku kulemba cha atu. Kuma kweswe atu kumeeza kuli yena

Miaso (Masamu) 91:15

Muze maangutambika mungwataa; muze maamona lamba, mungubwa hamwe no. Mungwachiza mu lamba lio, mungwalemesa.

Kutuhuka 14:13

Mose yambila atu ngwenyi: “Kanda nwivwa woma. Hwimenu mbunge, munumona chize Mwene Zambi manulamwina musono. Akwa Egiptu wano kunuchi kwamona nawa nilimwe tangwa.

Kutuhuka 22:23

Nyi nwamwesa lamba, mungwevwila muze maangulilila,

Kutuhuka 22:27

mumu mwenawo akulifuka muze anevu chishika. Yika malifuka? Nyi mangulilila, mungumukwasa, mumu nguli mukwa keke.

Kutuhuka 3:2

Kwenako kanganda ka Mwene Zambi amusolokelele mu mulengi wa kahia, mu chibuta. Mose yatala ko. Che chibuta te chinalekwoka ni kahia, alioze kuchawemene ko.

Kutuhuka 3:7

Mwene Zambi ngwenyi: “Hinamona chize atu jami anamono lamba mu chifuchi cha Egiptu. Hinevwa chize analili ku moko ja akwa lutwe jo, akwa Egiptu waze akwaaha milimo. Ngunanyingika lamba lio lieswe.

Izaya 22:1

Jino jili sango ja chikulo cha Usolwelo. Mumu yika atu eswe a mu limbo anawahilila ha mafulumba ja mazuwo?

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Mateu 15:32

Yesu yambila tumbaji twenyi ngwenyi: “Mbunga yino keke nguneevwila, mumu kaali ni yami matangwa atatu, keeshi nawa nichimwe cha kulia. Chazangile kwashika ni zala, nyi ka, hanji maalezemuka mu jila.”

Marku 5:36

Alioze Yesu, muze hevwa liji lize, yambila mukwa kuyula ngwenyi: “Kanda wivwa woma, fuliela lume.”

Shimbi 26:7

Mba yitukololoka kuli Mwene Zambi, Zambi ya tushakulu twetu, ha kutukwasa. Neye yatubanjika, yamona lamba lietu, ni kuhondangana chetu, ni luyinda wetu.

Akwa Kuyula 18:23

yaatambika. Tujita twa Dane yaatewuluka, yaahula Mika ngwo: “Kuchi kwabwa? Mbunga yibwahaha yaka?”

1 Samuel 11:5

Henaho Saulu te ku minda anakatuka ni ngombe, yahula ngwenyi: “Atu yika analilila chocho?” No yaamulweza maliji ja tunganda a ku Jabeshe.