Ubutukilo 21:16 - Mukanda Wa Zambi 1970

¹⁶ yaya ni kutwama ha talanganyi, alioze yihabwa kapinji ngwe kwasa cha mwivu, mumu yamba ngwenyi: “Chazangile kumona chize mwana masutula mwono.” Mba yabutuka kulila.

MUKANDA USANDU WA ZAMBI 1975

¹⁶ Yaya, yatwama hatalanganyi nenyi alioze kapinji kaliko ngwe kukonga cha mwivu, mumu yamba ngwenyi, Kanda ngutala kufwa cha mwana. Chocho yatwama hatalanganyi nenyi nikulila mbimbi.

Ubutukilo 21:16 Iomraidhean Croise

Ubutukilo 21:15

Muze meya hahwa mu chikashi Hagare yahichika mwana mushi lia chimwe chibuta,

Ubutukilo 27:38

Esau yalembejeka tato ngwenyi: “Tata, nwakuwahisa lume chisuho chimuwika? Ni yami nguwahisenu kama, tata.” Mba yabutuka nawa kulila.

Ubutukilo 29:11

Yakoba yashisa Rashele, mba yalila ni chiseke.

Ubutukilo 44:34

Ngwe kuchi munguhasa kuhiluka kuli tata mokomoko? Chichi kahasa kulihumikiza ha kumona lamba lia tata.”

1 Yitanga Ya Mianangana 17:12

Pwo yamukumbulula ngwenyi: “Ni mwe Mwene Zambi, Zambi ye, Chishi kwami ni mbolo. Nguli lume ni kwoko lia wunga mu chisoka, ni amwe maji a olive mu saji. Nezanga ni kwanda tete, ngunayi nguyoche hanga tulie yami ni mwanami, muze mutuyilia kutuchi kumona yikwo, shina mutufwa lume kwetu.”

1 Yitanga Ya Mianangana 3:26

Mba mwe naye, mumu te kanazange mwanenyi, yambila mwanangana ngwenyi: “Vulie mwanangana! Mwehenu ye ni mwono, kanda numushiha.” Alioze mukwo ngwenyi: “Amuchache, hanga yetu eswe tulisale ho!”

Estere 8:6

Ngwe kuchi munguhasa kumona chibi chize muchiza hali atu jami? Ngwe kuchi munguhasa kulihumikiza ni kumona chize maashiha vungu liami?”

Izaya 49:15

Alioze Mwene Zambi ngwenyi: “Kuma umwe pwo mahasa kuvulama mwanenyi yoze anamwisa, nyi? Kechi kuvwila keke mwana yoze hasema iye mwene, nyi? Chibwe mama mahasa kuvulama mwanenyi, yami chahashile kunuvulama nichimwe.

Jeremia 6:26

Mwene Zambi yambila atu jenyi ngwenyi: “Zalenu mianji, lilangumunenu mu uto. Lilenu mbimbi ngwe yoze unalili mwanenyi wa wika, mumu yoze uneza ni kunwonona kumeza susumuku.

Amose 8:10

Mungukalumuna yiteleka yenu kubwa ngwe tangwa lia yinyengo ha kufunda afu, ni kwalumuna miaso yenu ya chiseke kubwa ya yinyengo. Munukatewula tuwewe ni kuzala mianji. Munukabwa ngwe yisemi waze analiji mwano wa lunga umuwika. Tangwa lize mulikabwa libi ndoo ku songo. Yami Mwene Zambi nachamba.

Zakaria 12:10

“Vungu lie David ni akwa Yerusaleme akwo, mungukaaha mbunge ya keke ni zango ya kulemba. Kumaakatala yoze atuwile kunga, yoze ashihile. Kumaakalinyenga hali iye ngwe waze analinyenge hali mwana wa wika. Maakamulila mbimbi chikolo, ngwe waze haatokesa mwano mutangu wa lunga.

Luka 15:20

Neye yakatuka nikuhiluka kuli tato. “Shimbu te achili kusuku, tato yamumona, yamuvwila keke, yazomboka ni kumutakana, yamulimbukila ha kota, yamushisa.

Akwa Kuyula 2:4

Muze kanganda ka Mwene Zambi mwilu hamba chino, Aisraele eswe yaalila mbimbi.

Rute 1:9

Anukwase nulimbate nawa ni malunga hanga nukabwe ni mazuwo jenu.” Mba Naomi yaashika, alioze ayo yaabutuka kulila mumu te kaazangile ko kumuhichika.

1 Samuel 24:16

Muze David hamanununa kuhanjika, mwe mwanangana yahula ngwenyi: “Kuma yena, mwanami David, nyi?” Mba yalila mbimbi.

1 Samuel 30:4

David ni tujita twenyi yaabutuka kulila mbimbi, yaalila ndoo ni muze kaahashile ko nawa kulila.