Ubutukilo 21:15 - Mukanda Wa Zambi 1970

¹⁵ Muze meya hahwa mu chikashi Hagare yahichika mwana mushi lia chimwe chibuta,

MUKANDA USANDU WA ZAMBI 1975

¹⁵ Meya mu tuku yahwa, mba yahichika mwana mushi lia chimwe chiputa.

Ubutukilo 21:15 Iomraidhean Croise

Ubutukilo 21:14

Abrahama yalimeneka, yanda mbolo ni mulondo unazala too ni meya, yayitwika ha yipaya ya Hagare, mba yashika Hagare ni mwanenyi. Hagare yakatuka, yaya ni kwendangana mu puya ya Bersheba.

Ubutukilo 21:16

yaya ni kutwama ha talanganyi, alioze yihabwa kapinji ngwe kwasa cha mwivu, mumu yamba ngwenyi: “Chazangile kumona chize mwana masutula mwono.” Mba yabutuka kulila.

1 Yitanga Ya Mianangana 17:12

Pwo yamukumbulula ngwenyi: “Ni mwe Mwene Zambi, Zambi ye, Chishi kwami ni mbolo. Nguli lume ni kwoko lia wunga mu chisoka, ni amwe maji a olive mu saji. Nezanga ni kwanda tete, ngunayi nguyoche hanga tulie yami ni mwanami, muze mutuyilia kutuchi kumona yikwo, shina mutufwa lume kwetu.”

1 MIANANGANA 3:9

Chenacho ayile mwanangana Jorame hamwe ni mwanangana wa Yuda ni wa Edome. Muze heenda matangwa shimbiali, yaalihiza ni kufupa meya akunwa atu ni tushitu.

Miaso (Masamu) 63:1

Aa Zambi, yena uli Zambi yami, nakukuvwila usona. Nakukuzanga kuhiana, mbunge yami yeswe yakukuvwila usona, ngwe mavu omu waze keeshi meya.

Izaya 44:12

Tuli kakwanda utale nikuusa ha jiko. Mba kakufula ni kwoko lienyi lia tachi ni mweto. Muze akufula kakwivwa zala ni pwila, kakuhonga.

Jeremia 14:3

Pichi kaakutuma akwa milimo yo kwatahila meya. No kaakuya ku mashima, alioze meya keeshiko; kaakuhiluka ni swaha ja ubolongo. Kaakwivwa sonyi ni kulekumuka, kaakuhetamina hashi.