Ubutukilo 21:14 - Mukanda Wa Zambi 1970

¹⁴ Abrahama yalimeneka, yanda mbolo ni mulondo unazala too ni meya, yayitwika ha yipaya ya Hagare, mba yashika Hagare ni mwanenyi. Hagare yakatuka, yaya ni kwendangana mu puya ya Bersheba.

MUKANDA USANDU WA ZAMBI 1975

¹⁴ Apalahama yalimeneka, yanda mbolo ni tuku ya meya, yayihana kuli Hekare nikumutwikayo ha chipaya, ni mwe mwana, chocho yaakatwisa. Mba mwe pwo yaya nikwendangana mu puya ya Mbia-shipa.

Ubutukilo 21:14 Iomraidhean Croise

Ubutukilo 16:7

Kanganda ka Mwene Zambi yatakana ni Hagare mu puya hehi ni shima lia meya lize lili mu jila ya kuya ku Shure.

Ubutukilo 19:27

Muze hikwacha Abrahama yalimeneka ha kuya nikawashi homa haze amanyine ku meso ja Mwene Zambi.

Ubutukilo 21:13

Ni mwe mwana wa ndungo yono, neye ana anji mungukamwaha, no kumaakabwa vungu linene, mumu Ishmaele kali nawa mwane.”

Ubutukilo 21:15

Muze meya hahwa mu chikashi Hagare yahichika mwana mushi lia chimwe chibuta,

Ubutukilo 21:31

Mba yaaluka homa haze jina ngwo, Bersheba, mumu lienalio eswe aali alishingilile.

Ubutukilo 21:33

Mba Abrahama yatumba mitondo homa haze, yawayila Mwene Zambi Wa Miaka Yeswe.

Ubutukilo 22:19

Abrahama yahiluka, yaya ni kuwana ngamba jenyi. Mba ayo eswe yaaya ku limbo lia Bersheba, kuze te atunga Abrahama.

Ubutukilo 22:3

Abrahama yalimeneka, yachaya kunyi ja kwochela mulambu, yajikashila ha chimbulu, yabwila mu jila hamwe ni Isake ni ngamba jenyi aali. Yaaya kuma kuze amulwezele Zambi.

Ubutukilo 24:54

Mba kavumbi ka Abrahama ni atu jenyi waze ejile nenyi, yaalia, yaanwa, mba yaaya ni kubomba. Chichamene muze haahinduka, mwe kavumbi yamba ngwenyi: “Tushikenu tuye kuli mwata wetu.”

Ubutukilo 25:6

Alioze muze te Abrahama kanda achifwa, ana malunga waze asemene ni mapwo akwo, yaahaha yawana. Mba yaalweza ha kuhichika chifuchi cha Isake ni kuya ku chifuchi cha ku sali lia chivumbuko.

Ubutukilo 26:31

Yaalimeneka chichamene, yaalishinga. Mba Isake yaalishika no, no yaakatuka ni sambukila.

Ubutukilo 26:33

Isake yaluka shima lize ngwenyi, Sheba. Kashika akuvuluka limbo lize ngwo, Bersheba.

Ubutukilo 28:18

Yakoba yalimeneka, yanda liwe lize atengele musau, yalimika ngwe chingina, yazujila ho maji.

Ubutukilo 37:15

Umwe lunga yamuwana te kanachamangina mu yambu. Yahula Josefe ngwenyi: “Yika unafupu?”

Ubutukilo 46:1

Israele yakasa yuma yenyi yeswe, mba yaya ku limbo lia Bersheba. Yalambwila ko Zambi ya tato Isake milambu.

1 Yitanga Ya Mianangana 19:3

Eliya yevwa woma, yachina hamwe ni kavumbi kenyi ni kulilamwina, yaya ndoo ku limbo lia Bersheba mu chifuchi cha Yuda. Yahichika ko kavumbi kenyi,

2 Sango Ja Mianangana 29:20

Muze hikwacha mwanangana Hezekia yakungulula akwa lutwe a mu limbo, yaya no mu zuwo lia Zambi.

Miaso (Masamu) 107:4

Amwe yaatutujoka mu puya, kaamwene ko jila ya kuheta ku limwe limbo akatwame mo.

Miaso (Masamu) 119:60

Mungulipupwisa kufunga Shimbi je, chichi kulaluka.

Yishima 27:14

Kuhindwisa sepa lie chichamene cheswe ni liji linene, chili ngwe Shingo.

Yishima 27:8

Mutu yoze uli kusuku ni zuwo lienyi, kali ngwe kajila yoze uli kusuku ni chaswa chenyi.

Longeshi 9:10

Uhondangana milimo ye yeswayo wakulinga, mumu muze muma lia afu kumushi milimo, chibwe kunyonga, chibwe chinyingi, chibwe mana; mwenamo muukaya.

Izaya 16:8

Minda yili hehi ni limbo lia Heshbone ni minda ya mitondo ya vinyu ya Sibma haayonona, vinyu yize akwa kuyula mavungu azengele nayo. Limwe tangwa mitondo ya vinyu yize yiitanda ni kuheta ku chivumbuko ndoo ku puya ni ku chitokelo mu sali lia chitende cha Kufwa.

Yoano 8:35

Ndungo keshi kutwama mu zuwo lia mwene wenyi matangwa eswe, alioze mwana wakutwama mo matangwa eswe.

Yoshua 3:1

Muze hikwacha Yoshua ni Aisraele eswe yaakatuka ku musumba wa Akasia, yaaya ku lwiji Yordau, yaasa ko musumba akashimbwile tangwa lia kuzauka.

1 Samuel 15:12

Samuel yalimeneka ha chichamene atakane ni Saulu. Atu yaalweza Samuel ngwo: “Saulu haya ku chihunda cha Karmele, kuze hanalimikina luliwe lwa kumwiwulukila, mba haya ku limbo lia Gilgale.”