Ubutukilo 20:9 - Mukanda Wa Zambi 1970

⁹ Mba Abimeleke yatambika Abrahama, yamuhula ngwenyi: “Kuchi watulinga Chuma ngwe chino? Chibi chika ngunakakulinga kama, kashika wangukokela lamba libwa haha ni atu jami eswe? Wangulinga Chuma chize kuchatambile kulinga.

MUKANDA USANDU WA ZAMBI 1975

⁹ Mba yasanyika Apalahama yamwamba ngwenyi, Yika watulingila chize? Mulonga uka nakuvulumwine kama, wangunehena mulonga upwa haha ni yami ni atu jami? Ena wangulinga yuma keshi kuyilinga.

Ubutukilo 20:9 Iomraidhean Croise

Ubutukilo 12:18

Mba mwanangana yatuma mutu ha kutambika Abrama. Yamuhula ngwenyi: “Kuchi hiwangulinga chibi chino? Mumu yika kuwangulwezele ngwe: ‘Sarai kali mukwetu pwo?’

Ubutukilo 20:10

Mumu yika wachilinga?”

Ubutukilo 20:8

Abimeleke yalimeneka ha chichamene cheswe, yatambika akwa kuyula eswe, yaalumbunwina maliji waze. No yeevwa woma unji.

Ubutukilo 26:10

Abimeleke ngwenyi: “Kuchi mba watulinga chichize? Nyi umwe wa kuli yetu unakalimona nenyi, te muutwamba ngwe: ‘Kali atu abi,’ alioze kuma mulonga uno uli wa yena mwene.”

Ubutukilo 29:25

Muze hikwacha, yamona ngwenyi, kumana Leya. Yakoba yambila Labane ngwenyi: “Kuchi wangulinga Chuma ngwe chino? Nakulingilile ha kumbata Rashele. Mumu yika wangwongela chichize?”

Ubutukilo 34:7

Tangwa lizeliene ana ja Yakoba yaahiluka ku chihunda. Ha kwivwa sango jize, yeevwa ufwatulo kuhiana, yaamba ngwo: “Shekeme kalinga Chuma cha sonyi kuhiana. Hatuka Aisraele eswe mumu halimona ni ndumbwetu ni tachi.”

Ubutukilo 38:24

Yikubalika tukweji atatu, mba umwe mutu yalweza Yuda ngwenyi: “Tembwa mwane Tamare, ufumba ali nawo.” Yuda ngwenyi: “Yenu nukamuchize mu chihunda, nukamutuhwise haze. Nukamwoche ha kahia, akafwe.”

Ubutukilo 39:9

Yami nguli ni chiyulo ngwe iye. Kangukanjishile ku Chuma nichimwe, shina yena pwo lienyi. Ngwe kuchi munguhasa kulinga yibi yibwa haha ni kuvulumuna ku meso ja Zambi?”

2 Samuel 12:5

Mwanangana yevwila pichi wuli unji, yamba ngwenyi: “Ni mwe Mwene Zambi, mutu walinga Chuma chino chamutamba kufwa!

2 Samuel 13:12

Tamara ngwenyi: “Ka, ndumbwami, kanda ungukwata ni tachi! Mumu keeshi kuchilinga muno mu Israele! Kanda Ulinga uhepuke uno!

Kutuhuka 32:21

Yahula Arone ngwenyi: “Atu wano chika anakakulinga kashika hiwaakokela mulonga ubwa haha?”

Kutuhuka 32:35

Mba Mwene Zambi yatumina atu misongo, mumu ashinjikile Arone ha kwalingila kuji a ngombe wa oru.

Yishima 28:10

Nyi ngwe wapiangula mukwa ululi hanga alinge yibi, muufwa yena mwene mu muheto we. Akwa kusamba kumaakundulula.

Alevi 20:10

Nyi umwe lunga malimona ni pwo lia usoko wenyi Kaisraele, chatamba kwashiha eswe aali, lunga ni pwo.

A-ROMA 2:11

Mumu Zambi keshi katonde.

Titu 1:11

Chatamba kubakika makanwa jo, mumu kaakubinjisa mazuwo ni kulongesa chize kuchalitele, ha kufumbula mbongo ni uhenge.

Hebreu 13:4

Atu eswe alemese umbachiso. Waze haanalimbata abwe akwa kushishika, chibwe pwo, hanji lunga, Zambi makahisa waze akulinga utanji, chibwe kulinga utanji ni waze haanalimbata, hanji ni waze kanda achilimbata.

Yoshua 7:25

Yoshua yamuhula ngwenyi: “Kuchi mba unakatukokela lamba libwa haha? Haliabwila Mwene Zambi makumwesa lamba!” Atu eswe yaamushiha ni mawe. Yaashiha nawa akwa jiko lienyi ni mawe, ni kwocha yuma yenyi yeswe.