Ubutukilo 20:7 - Mukanda Wa Zambi 1970

⁷ Haliabwila hilwisa pwo yono kuli mukwo lunga. Kali mukwa munanyi, makulembela Zambi, ha chino kuuchi kufwa. Alioze, nyi kuuchi kumuhilwisa nyingika kwe ngwe, kumuufwa, yena ni vungu lie lieswe.”

MUKANDA USANDU WA ZAMBI 1975

⁷ Haliapwila kashika hilwisa pwo lia yono lunga, mumu iye profeta, kumakakulembela ukatwame ni mwono. Nyi kwamuhilwishile, nyingika pundu kumuofwa, ni yena ni atu je eswe.

Ubutukilo 20:7 Iomraidhean Croise

Ubutukilo 12:15

Tuvumbi twa mwanangana yaamumona, yaaya ni kumulweza ngwo, pwo weza ni Abrama cho kubema! Mba yaamwanda, yaamutwala ku zuwo lia mwanangana.

Ubutukilo 12:17

Alioze Mwene Zambi yatumina mwanangana ni akwa zuwo lienyi misongo yibi mumu hatambula pwo lia Abrama.

Ubutukilo 2:17

alioze ku mutondo uze wakuhana mana akunyingika no yibema ni yibi kanda ulia ko. Mumu ha tangwa lize muulia ko, muufwa lume.”

Ubutukilo 20:3

Ha ufuku Zambi yalisolola kuli Abimeleke mu chilota. Yamulweza ngwenyi: “Kumuufwa mumu hiwatambula pwo lia mbala.”

Ubutukilo 20:8

Abimeleke yalimeneka ha chichamene cheswe, yatambika akwa kuyula eswe, yaalumbunwina maliji waze. No yeevwa woma unji.

Ubutukilo 23:6

“Twalemba mwane, ivwenu. Yenu nuli mwata munene mu chifuchi chetu, nunahase kufunda mukwenu pwo mu fuka lize munutongola. Niumwe hakachi ketu manumina homa lienyi.”

2 Samuel 24:17

Mwanangana yamona mwe kanganda yoze te unashihi atu, mba yambila Mwene Zambi ngwenyi: “Chivulumunyi yami. Yami mwe ngunakalinga chibi. Mba wano atu ja mbala chika alinga kama? Chinalite ungumwese yami lamba hamwe ni akwa jiko liami.”

1 Yitanga Ya Mianangana 13:6

Mwanangana yambila mukwa munanyi ngwenyi: “Liumbe kuli Mwene Zambi, Zambi ye, awuke kama kwoko liami.” Mukwa munanyi yaliumba kuli Mwene Zambi, mba kwoko yilibwa lingunu.

1 MIANANGANA 5:11

Alioze Namane yalikasa ufwatulo ngwenyi: “Yami nanyonga ngwami, meza kuli yami hanga angulembele kuli Mwene Zambi, Zambi yenyi, ni kuhungisa haze hali musongo, hanga anguwuke!

1 Sango Ja Mianangana 16:22

“Kanda nulinga chibi tuvumbi twami waze natongwele, kanda numwesa akwa munanyi jami lamba!”

2 Sango Ja Mianangana 30:18

Chikwo nawa, atu anji a mu yifuchi ya Efraime, ni Manase, ni Isakare, ni Zabulone te kanda achilibemesa. Kashika mwanangana Hezekia yaalembela ngwenyi:

Jobe 34:19

Zambi keshi ni katonde kuli akwa kuyula, keshi kulemesa mianangana kuhiana yiswale, mumu yatanga atu eswe.

Jobe 42:8

Haliabwila yeenu nwande kuji a ngombe shimbiali ni kuji a mapanga shimbiali, nwize no kuli Jobe, nwalambule mulambu mumu hali yenwene. Jobe manulembela, mba mungwivwa kulemba chenyi, chichi kunuvwsia sonyi ngwe chatamba. Te kunushi kuhanjika umwenemwene hakutwala kuli yami ngwe chize anakahanjika Jobe.”

Miaso (Masamu) 25:14

Mwene Zambi kali sepa lia waze akumwononokena, kakukolesa Usendo wenyi hamwe no.

Kutuhuka 18:17

Mba Jetro yamwamba ngwenyi: “Kuushi kulinga kanawa.

Kutuhuka 4:16

Arone mwe makakuhanjikila kuli atu, mba yena muukabwa ngwe Zambi, yoze unamulweze yize chamutamba kuhanjika.

Kutuhuka 7:1

Mwene Zambi ngwenyi: “Ngunakupwisa ngwe Zambi ku meso ja mwanangana, mba yayenu Arone makahanjika nenyi ngwe mukwa munanyi we.

Jeremia 14:11

Mwene Zambi yangwamba ngwenyi: “Kanda ungulembejeka hanga ngukwase atu wano.

Jeremia 15:1

Mba Mwene Zambi yangwamba ngwenyi: “Chibwe Mose hanji Samuel amane ku meso jami ni kungulembejeka, hindu atu wano chichi kweevwila keke. Akatwise ku meso jami, aye kwo.

Jeremia 27:18

Nyi kaali akwa munanyi amwenemwene, nyi kaali ni longeso liami, anguhule yami Mwene Zambi Mukwa Ndundo Jeswe hanga akwa kole keechi kanda yikashi yize yasala mu zuwo lia Zambi ni mu zuwo lia mwanangana ni kuyitwala ku Babilonia.”

Ezekiel 3:18

Nyi namba ngwami, umwe chingulungulu kumafwa, hindu yena kuwamutowezele alumune mbunge yenyi alilamwine, kumafwa chingulungulu. Alioze kufwa chenyi chili mulonga we.

Ezekiel 33:8

Nyi mungwamba ngwami, umwe Chivulumunyi kumafwa, alioze yena kuwamutowezele hanga alumune mbunge yenyi alilamwine, nyi mafwa shimbu te achli Chivulumunyi, kufwa chenyi chili mulonga wa yena.

Alevi 6:4

Muze umwe mutu havulumuna hakutwala ku yuma yino, akahilwisa Chuma chize hanatambula ni uhenge. Ha tangwa lize haamukwata chamutamba kuhilwisa yuma yeswe kuli mwenyayo, ni kuweza ho Chihanda chimuwika cha ku yihanda yitano.

Alevi 6:7

Hako makalambula mulambu ha mulonga wa mutu yoze, mba Zambi makamukonekena.

Yilinga 8:24

Simone yamba ngwenyi: “Ngulembelenu kama Mwene Zambi, hanga yuma yize hinwamba kanda yinguwana kama chibwe hakepe.”

1 Korintu 14:4

Yoze wakuhanjika maliji waze atu kaanyingikine, kakulitakamisa iye mwene, alioze yoze wakuhanjika munanyi, kakukolesa Chikungulwila cheswe.

Hebreu 1:1

Ha shakulu Zambi yahanjeka ni akwa munanyi jenyi kuli tushakulu twetu. Yachilinga yisuho yinji ni ndako jeka ni jeka.

Hebreu 13:4

Atu eswe alemese umbachiso. Waze haanalimbata abwe akwa kushishika, chibwe pwo, hanji lunga, Zambi makahisa waze akulinga utanji, chibwe kulinga utanji ni waze haanalimbata, hanji ni waze kanda achilimbata.

1 Yoano 5:16

Nyi umwe mamona mukwo kanavulumuna, alioze hi mulonga wa kufwa ko, chamutamba kumulembela Zambi, yoze makamwaha mwono. Kukuli mulonga ukwo uze wakutwala atu ku kufwa. Chambile ngwami, chanutamba kulemba Zambi ha mulonga ngwe uze.

1 Samuel 12:19

Atu eswe yaambila Samuel ngwo: “Mwata tulembelenu kuli Mwene Zambi, Zambi yenu, kanda tufwa kama Hitwanyingika ngwetu, hitwaliwezela yibi yikwo muze hitweta mwanangana.”

1 Samuel 12:23

Chikwo nawa, chichi kulitwamina nichimwe kunulembela Zambi. Nyi nalitwamina kulemba munguvulumuna. Mungunulongesa yuma yibema ya ululi.

1 Samuel 7:5

Samuel yatuma liji kuli Aisraele eswe alikungulwile ku limbo lia Mizpa nikwamba ngwenyi: “Kwenako mungunulembela Zambi.”

1 Samuel 7:8

yaambila Samuel ngwo: “Kanda uli twamina kutuhakwila ku meso ja Mwene Zambi, Zambi yetu, atulamwine kama ku moko ja Afilistia.”