Ubutukilo 20:6 - Mukanda Wa Zambi 1970

⁶ Mwene Zambi yamukumbulula mu chilota ngwenyi: “Ewa, ngunanyingika ngwami, wachilinga ni mbunge yibema. Yami chakutayijile ngwami, ulinge yibi ku meso jami, kashika chakuhele jila ha kumukwata.

MUKANDA USANDU WA ZAMBI 1975

⁶ Zambi yamba kuli iye mu chilota chenyi ngwenyi, E, ngunanyingika ngwami wachilinga mu kutuwika cha mbunge ye, ni yami nawa nakuchinda kuchina mukanguvulumuna. Kashika chakutayijile kumusunga.

Ubutukilo 20:6 Iomraidhean Croise

Ubutukilo 26:11

Abimeleke yambila atu eswe ngwenyi: “Nyi umwe wamwesa lamba mutu yono ni mukwo pwo, mutu yoze chamutamba kufwa.”

Ubutukilo 3:3

shina mihuko ya mutondo uze uli mukachi ka munda kutwahashile kuyilia. Mumu Zambi yatwamba ngwenyi: ‘Kanda nulia mihuko ya mutondo uze, chibwe kuyikwata ka. Nyi ka, kumunufwa.’ ”

Ubutukilo 31:24

Ha ufuku uze Labane yalota chilota. Zambi yamwamba ngwenyi: “Kanyama! Kanda umwesa Yakoba lamba.”

Ubutukilo 31:7

Alioze hangwonga, hanalumuna fweto yami yisuho kumi. Hindu Zambi kamutayijile ha kungulinga yibi.

Ubutukilo 35:5

Muze Yakoba ni ana jenyi te anayi mu jila, akwa membo waze akusulangana yeevwa woma unji, kaakawile ko.

Ubutukilo 39:9

Yami nguli ni chiyulo ngwe iye. Kangukanjishile ku Chuma nichimwe, shina yena pwo lienyi. Ngwe kuchi munguhasa kulinga yibi yibwa haha ni kuvulumuna ku meso ja Zambi?”

Miaso (Masamu) 51:4

Yena nakuvulumwine, yena wika, nalingile yuma yize wakubihilila. Kashika yena unasambe ha kungubatwila, unalingi ni ululi ha kunguhisa.

Miaso (Masamu) 81:12

Kashika nakalishile mbunge jo hanga alinge ngwe chize azangile.

Miaso (Masamu) 84:11

Mwene Zambi kali tangwa lietu kanda lukebwe wetu; kakutuwahisa ni kutulemesa. Keshi kumina Chuma chibema nichimwe kuli akwa ululi.

Kutuhuka 34:24

Kulutwe, muze hinahuma mavungu eswe ku meso je, ni muze hinatohwesa chifuchi che, mutu niumwe kechi keseka kukumba chifuchi che ha yiwanyino yino yitatu.

Yishima 21:1

Chili chashi kuli Mwene Zambi kuyula mbunge ya mwanangana, chili chashi kuli iye kusongwela yitwetwe ya meya.

Yishima 6:29

Chimuwika nawa ni yoze malimona ni pwo lia mbala. Mweswawo machilinga mamona lamba.

Alevi 6:2

Nyi mutu havulumuna Mwene Zambi, halituna kuhilwisa chifungo kuli mwenyembo wenyi, hanji kumwiya Chuma, hanji kumwiya ni mana,

Mateu 27:19

Shimbu te Pilatu machitwama ha chitwamo cha ubatwilo, mwazovu wenyi yamutumina liji ngwenyi: “Kanda Ulinga nichimwe kuli yono mukwa ululi, mumu ufuku wa musono nabindanga kuhiana mu chilota hakutwala kuli iye.”

1 Korintu 7:1

Haliabwila ngunakumbulula ku maliji waze nwasonekene. Te chibema nyi mutu kambachile kwenyi pwo.

2 Korintu 6:17

Kashika Mwene Zambi kanambe ngwenyi: “Chanutamba kutuhuka mukachi ko, chanutamba kulihandununa no. Kanda nukwata ku Chuma chimwe cha luchisa, mba mungukanutambula.

2 A-TESALONIKA 2:11

Kashika Zambi wakwatumina maliji a tachi a kupiangula hanga afuliele mahuza.

2 A-TESALONIKA 2:7

Tachi ja chijimbikilo cha Chilumbule hijinabutuka kulu kulinga. Alioze yuma yino kuyahashile kubwa ndoo muze hachiza yoze wakuyikwika.

1 Samuel 25:26

Mwene Zambi mwe wanukanda kulikala ni kushiha akwa kole jenu. Ni mwe Mwene Zambi ni mwe yenwene ngwami, akwa kole jenu, ni eswe waze anazange kunulinga chibi, amone lamba hamuwika ni Nabale.

1 Samuel 25:34

Mwene Zambi, hangukanda kukulinga chibi. Nyi mwe Zambi ya Aisraele, nyi te kuwatambukile ni kungubatwiza, kachi ndoo hamene chichamene lunga mweswe wa Nabale niumwe masala ni mwono.”