Ubutukilo 20:5 - Mukanda Wa Zambi 1970

⁵ Abrahama iye mwene hamba ngwenyi: ‘Kali ndumbwami,’ ni Sara mwene ngwenyi: ‘Kali ndumbwami.’ Kashika nachilinga ni mbunge yibema. Kanda nguchilinga kwami nenyi chibi nichimwe.”

MUKANDA USANDU WA ZAMBI 1975

⁵ Te kambile kuli yami ngwenyi, Iye ndumbwami, nyi? Ni mwe pwo nawa mwene te kambile kuli yami ngwenyi, Iye ndumbwami nyi? Mu kutuwika cha mbunge yami ni kusamba cha moko jami nachilinga.

Ubutukilo 20:5 Iomraidhean Croise

Ubutukilo 12:13

Ngunakulembe muwamba ngwe, ‘Nguli ndumbwenyi.’ Ha chino, keechi kungushiha, mungutwama kanawa mumu hali yena.”

Ubutukilo 20:13

Kashika muze Zambi hananguchiza mu zuwo lia tata ngukendangane, yingulweza Sara ngwami: ‘Ukambe chino mba ngukanyingike ngwami, kuma wakunguzanga. Ukambamba ngwe: Kali ndumbwami.’ ”

Ubutukilo 20:16

Abimeleke yambila Sara ngwenyi: “Hinahana kanunu ka mbongo ja prata kuli ndumbwe ha kulweza atu eswe waze uli no ngwami, kuushi kwe ni uhiso niumwe. Mutu mweswe manyingika ngwenyi, kuwalingile chibi nichimwe.”

1 Yitanga Ya Mianangana 9:4

Nyi ngwe yena muungulingila ni kutuwika cha mbunge ni ululi ngwe chize alingile tatenu David, nawa nyi muufunga Shimbi jami ni kulinga yeswe yize nakwambile,

1 MIANANGANA 20:3

“Mwene Zambi, iwuluka kama chize hingunakulingila ni mbunge yimuwika ni kushishika; matangwa eswe hinguneseka kulinga chize wakuzanga.” Mba yabutuka kulila chikolo.

1 Sango Ja Mianangana 29:17

Zambi yami, ngunanyingika ngwami, wakweseka mbunge ya mutu mweswe, ni wakwivwa kuwaha ni akwa mbunge yimuwika. Hinalimwena cho yami mwene chize atu je anakunguluka hano haalambula ni uwahililo.

Jobe 33:9

“Chishi kwami mulonga. Chavulumwine ko nihakepe. Mbunge yami yinatomo, Chishi kwami uhenge.

Miaso (Masamu) 24:4

Shina yoze uli ni mbunge yimuwika ni yitanga ya ululi, yoze keshi kukombelela mahamba, yoze keshi kulishinga ni mahuza.

Miaso (Masamu) 25:21

Ngufunge kama mumu ha utu ni ululi wami, mumu nakushachila hali yena.

Miaso (Masamu) 26:6

Mwene Zambi, ngunasane ku moko ngukulweze ngwami, nguli mukwa kusamba. Ngunajingi chilumbilo che ni kuwayila.

Miaso (Masamu) 7:8

Mwene Zambi, yena wakubatwila atu eswe, Aa Mwene Zambi, ngubatwile kama nikulita ni ululi wami, chishi kwami chitela.

Miaso (Masamu) 7:9

Yena uli Zambi ya ululi, wakutubatwila nikulita ni manyonga jetu ni kuzanga chetu. Kanjisa yingulungulu, kanda avulumuna nawa, Kundulula akwa ululi.

Miaso (Masamu) 73:13

Kuma chili chamokomoko hinafunga mbunge yami, muze chalingile yibi, nyi?

Miaso (Masamu) 78:72

David yaafunga ni mbunge ya kutuwika, yaayula kanawa.

Yishima 11:3

Nyi muubwa mubema, kutuwika cha mbunge muchikakusongwela, alioze yihenge kaakulishiha ni uhepuke wo.

Yishima 20:7

Kaawaha ana waze ali ni tato wa tuwika mbunge, yoze wakulinga chize chinalite.

Daniel 6:22

Zambi yami katumanga kanganda kenyi wa mwilu hanga abakike makanwa ja tambwe achine kungulemeka. Kalinganga chino mumu kananyingika ngwenyi, nguli mukwa kusamba ni mumu chanuvulumwine ko yenu mwanangana.”

2 Korintu 1:12

Ha chikuma chino twakulisamba ngwetu, manyonga jetu kaakutusongwela chize tubwa hano hashi, ni chize twakuliendela nenu. Chinalite ni umwenemwene ni ulinange ku tachi ja utu wa Zambi, alioze hi kuliendela ko ni mana ja atu.

1 Tesalonika 2:10

Yenu nuli yela jetu, ni Zambi nawa, hakutwala ku ndako yetu hakachi kenu, akwa kufuliela. Ndako yetu yabwile yibema, ni ya ululi, ni kuyishi chibeka.

1 Timoteu 1:13

chibwe hatangu nabwile mukwa kushililika Zambi, mukwa kuhungumiona, ni mukwa kaleleso. Alioze Zambi yanguvwila keke, mumu te kanda nguchifuliela, ni te Chanyingikine chize nakulinga.

Yoshua 22:22

“Mukwa Ndundo kali Zambi! Kali Mwene Zambi! Mukwa Ndundo kali Zambi! Kali Mwene Zambi! Kananyingika chikuma chize tunakachitungila, ni yenu nawa chanutamba kunyingika! Nyi tunakachilinga tulilemese hanji tushihe Shimbi ya Mwene Zambi, tushihenu kwetu!