Ubutukilo 2:8 - Mukanda Wa Zambi 1970

⁸ Mba Mwene Zambi yalima munda ku chivumbuko mu Edene. Yasamo mutu yoze awumbile.

MUKANDA USANDU WA ZAMBI 1975

⁸ Yehova Zambi yatumba munda ku chivumbuko, mu Endene, mwenamo asele mutu yoze awumbile.

Ubutukilo 2:8 Iomraidhean Croise

Ubutukilo 13:10

Mba Lote yatala sali ni sali, yamona ngwenyi, chana cheswe chize chakatuka ku lwiji Yordau ndoo ku limbo lia Zoare chili ni meya anji. Chili ngwe munda wa Mwene Zambi, hanji ngwe chifuchi cha Egiptu. (Ha matangwa waze te Mwene Zambi kanda achonona membo ja Sodome ni Gomora).

Ubutukilo 3:23

Kashika Mwene Zambi yahanga mutu mu munda wa Edene, hanga akalime e mavu kuze amuchijile.

Ubutukilo 3:24

Mba ku sali lia chivumbuko lia munda wa Edene, yasa ko akwa mwono a mwilu ni mukwale wa mulengi wa kahia wakutalikisa ku majila eswe, ha kujika jila ya ku mutondo uze wakuhana mwono.

Ubutukilo 4:16

Kene yakatuka ku meso ja Mwene Zambi, yaya ni kutwama ku chivumbuko cha Edene mu chifuchi chize akuvuluka ngwo: Kwendangana.

1 MIANANGANA 19:12

Ngwami, tushakulu twami haanonona membo ja Gozane, ni Harane, ni Rezefe, ni haanashihi akwa Betedene waze te atwama mu Telasare; mazambi jo kaahashile ko kwakwasa.

Izaya 51:3

“Mungulembejeka Yerusaleme, ni eswe waze atwama mu yikulo yenyi. Chibwe chifuchi chenyi hichinabu puya, mungukachipwisa munda wa chinuno, ngwe munda wa Edene. Mukukabwa chiseke ni uwahililo, ni miaso ya uhaliso ni kusakwilila.

Ezekiel 27:23

Akwa Harane, ni Kane, ni Edene, ni akwa kulanjisa a ku Sheba, ni atu a ku membo ja Ashure ni Kilmade te kaakusepa ni yena.

Ezekiel 28:13

Te watwama mu Edene, munda wa Zambi, ni kulihenyesa ni mawe eka ni eka a ndando yinji: achila, ni liama, ni a usungwa, ni a mbundumbundu, ni a achila hakepe, ni a mbundumuka, ni a mafwo a matamba, ni a achiluluka, ni oru. Ha tangwa lize akutangile lie akululikilile mawe waze alemu.

Ezekiel 31:16

Muze mungukautuma muma lia afu, lundunjila wa kulimbuka chawo makanyikisa mavungu. Mitondo yeswe ya mu Edene ni mitondo yibema yeswe ya ku Libano yize yabwile ni meya anji, yize te hiyinahete kulu muma lia afu muyikawahilila ha kulimbuka chawo.

Ezekiel 31:18

“We mutondo uli mwanangana wa Egiptu ni atu jenyi eswe. Chibwe mitondo ya mu Edene kuyasuhwile, kuyabemene ngwe mutondo uze. Alioze haliabwila, ngwe mitondo ya mu Edene, kumuuya muma lia afu ni kulitakana ni waze kaanyingikine Zambi ni waze afwile mu jita. Yami Mwene Zambi nachamba.”

Joele 2:3

Makumbi kaanali yibuta ngwe chize kahia kakwocha mwambu. Kulutwe lio minda yili ngwe minda ya Edene, alioze kunyima lio hiyabwa ngwe puya. Chuma nichimwe chinaachinyi.