Ubutukilo 2:5 - Mukanda Wa Zambi 1970

⁵ hashi te kuheshi mutondo niumwe, chibwe chambu, mumu te Mukulu Zambi kanda achinokesa vula hashi, ni mutu niumwe kabwile ko ha kulima hashi.

MUKANDA USANDU WA ZAMBI 1975

⁵ Ni mitondo yeswe ya mu mavu shimbu kanda yipwa hashi, ni yiputa yeswe ya mu mavu shimbu kanda yisoka, mumu Yehova Zambi kanda anokesa vula hashi, chipwe mutu keshiko yoze machipa mavu.

Ubutukilo 2:5 Iomraidhean Croise

Ubutukilo 2:6

Chibwe te vula kanda yinoka, hindu mbundu te yakukakumuka ni kutuchikisa hashi heswe.

Ubutukilo 3:23

Kashika Mwene Zambi yahanga mutu mu munda wa Edene, hanga akalime e mavu kuze amuchijile.

Ubutukilo 4:12

Muze muulima hashi, yakulia kuyichi kwiza ho. Muubwa mukwa kuchinachina kanda chendanganyi hashi heswe.”

Ubutukilo 4:2

Kulutwe yasema nawa mwana mukwo wa lunga, yamuluka jina ngwenyi, Abele. Abele milimo yenyi kufunga yimuna, Kene milimo yenyi kulima minda.

Jobe 5:10

Kakunokesa vula hashi ni kutuchikisa minda.

Miaso (Masamu) 104:14

Yimuna wakwasokesela mwambu wa kulia; atu wakwaaha mbuto ya kukuwa, hanga abwe ni mihuko ya kulia;

Miaso (Masamu) 135:7

Kakututumina malelwa a vula ku mbango jeswe ja hashi; kakutanga mihenyo ya vula, kakutuhwisa fuji kuma liayo.

Jeremia 10:12

Mwene Zambi watangile hashi ni ndundo jenyi; yatanga ho ni mana jenyi, yazazulula lilu.

Jeremia 10:13

Ku liji lienyi meya kaakulundumuka kwilu; kakumwisa malelwa ku masongo a hashi. Kakuhenyesa njaji mu vula, kakutuma fuji kuma liayo.

Jeremia 14:22

Niumwe hakachi ka mazambi ja akwa mavungu mahasa kunokesa vula; chibwe lilu linene kuliahashile kunokesa vula. Aa Mwene Zambi, Zambi yetu, twakusa mbunge kuli yena, mumu yena wika wakulinga yuma yino.

Mateu 5:45

hanga nukabwe ana ja Tatenu wa mwilu. Mumu kakuvumbula tangwa lienyi hali abi ni abema; kakunokesa vula hali akwa ululi ni hali yingulungulu.

Hebreu 6:7

Zambi kakuwahisa hashi. He hashi kuhakumina vula yoze wakunoka ho tangwa ha tangwa, ni kuhakusoka yilimalima ya atu waze akulima ho.