Ubutukilo 2:3 - Mukanda Wa Zambi 1970

³ Neye yawahisa tangwa lize, yalipwisa lia chijila, mumu ha tangwa lize yanama ku milimo yenyi.

MUKANDA USANDU WA ZAMBI 1975

³ Zambi yawahisa tangwa liamuchishimbiali, yalisela lisandu, mumu ha lienalio yahwima ku milimo yenyi yeswe yize Zambi atangile ni yize alingile.

Ubutukilo 2:3 Iomraidhean Croise

Ubutukilo 1:31

Mukulu Zambi yatala yuma yeswe yize atangile, yamona ngwenyi, yinabeme kuhiana. Muze hikwacha yilibwa tangwa lia muchisambano.

Ubutukilo 2:4

Chenacho Mukulu Zambi atangile yuma yeswe. Muze Mwene Zambi atangile lilu ni hashi,

Nehemia 9:14

Yiwaalweza ha kufunga matangwa je a kuhwima a chijila, yiwambila kavumbi ke Mose alweze atu Shimbi je.

Kutuhuka 23:12

“Ukalinga milimo ye ha matangwa asambano, alioze ha tangwa lia muchishimbiali ukahwima, hanga ndungo je, ni njize, ni yimuna ye, no akahwime.

Kutuhuka 34:21

“Ukalinga milimo matangwa asambano, alioze ha tangwa lia muchishimbiali kanda Ukalinga ho milimo, chibwe ha mwaka wa kulima chibwe ha mwaka wa kuhela mihuko.

Yishima 10:22

Kuwahisa cha Zambi chakubichisa; kechi kuweza ho Vunda.

Ezekiel 20:12

Yingwaha matangwa a kuhwima abwe chilayi hakachi ka yami ni ayo, ha kwewuluka ngwami, kuma yami Mwene Zambi naapwishile akwa kulinanga.

Alevi 23:3

Chatamba kulinga milimo yenu matangwa asambano, alioze iwulukenu ngwenu, tangwa lia muchishimbiali lili lia kuhwima. Ha tangwa lize kanda nulinga ho milimo, alioze kungulukenu ni kuwayila. Tangwa lia kuhwima lili lia mbala lia Mwene Zambi, kweswako munukatwama kulinga Chuma ka.

Marku 2:27

Yesu yaamba nawa ngwenyi: “Tangwa lia kuhwima liatangiwile mumu ha yiwape ya mutu; hi mutu ko watangiwile mumu ha tangwa lia kuhwima.

Luka 23:56

Mba yaahiluka ku mahio, yaalulieka maji ni yuma ya vumba libema mu kuwayisa mujimba wenyi. Ha tangwa lia kuhwima yaanama nikulita ni Shimbi.