Ubutukilo 2:24 - Mukanda Wa Zambi 1970

²⁴ Kashika, lunga makahichika tato ni naye akalinunge ni pwo lienyi, mba ayo aali maabwa mutu umuwika.

MUKANDA USANDU WA ZAMBI 1975

²⁴ Kashika lunga mahichika tato ni naye akalalaminye kuli mukwo-pwo, mba kumapwa musunya umuwika.

Ubutukilo 2:24 Iomraidhean Croise

Ubutukilo 4:19

Lameke yambata mapwo aali, Ada ni Zila.

Miaso (Masamu) 45:10

Nandungi wa mwanangana, banjika yize ngunambe: “Kanda usa mbunge kuli atu je ni kuli usoko we.

Yishima 12:4

Pwo wa mbunge yibema kali ngwe chipangula ha mutwe wa lunga lienyi; alioze pwo yoze Wakukolesa lunga lienyi sonyi kali ngwe yikola yize yakubolesa yifwaha.

Yishima 2:17

yoze hehuka lunga lienyi, ni havulama chilakenyo chenyi ku meso ja Zambi.

Yishima 31:10

Chili chikalu kuyuka pwo wa ndako jibema! Kali ni ulemu Wahiana mawe a ndando yinji.

Yilinga 11:23

Muze haheta ko, yamona chize Zambi awahishile akwa kufuliela. Neye yawahilila, yaatakamisa eswe ha kulalaminya Mwene Yesu ni mbunge yeswe.

A-ROMA 7:2

Kali ngwe pwo lia ulo yoze kanalinungu ku Shimbi ni lunga lienyi shimbu achili ni mwono. Alioze, nyi lunga mafwa kachi matusuka ku Shimbi jize jamunungine ni lunga.

Shimbi 10:20

Ononokenenu Mwene Zambi, Zambi yenu, muwayilenu iye wika. Bwenu akwa kushishika, lishingenu ni jina lienyi wika.

Shimbi 4:4

alioze yenu waze nwononokenene Mwene Zambi, Zambi yenu, nuli ni mwono ndoo ni musono uno.

1 Timoteu 5:14

Kashika ngunazange ngwami, ana mapwo waze haanafwisa malunga, aye nawa ku malo, aseme ana, ayule mazuwo jo, hanga akwa kole jetu kaahashile kuhanjika yibi hali yetu.

Yoshua 23:8

Alioze lalaminyenu kuli Mwene Zambi, Zambi yenu, ngwe chize nwakulinga ndoo ni musono,

1 Samuel 25:43

David te hambata kulu Ahinoame, Kajezrele. No eswe aali yaabwa mapwo jenyi.