Ubutukilo 2:14 - Mukanda Wa Zambi 1970

¹⁴ Jina lia lwiji wa muchitatu Tigrise, mwenawo wabalikile ku chivumbuko cha chifuchi cha Asuria, ni wa muchiwana Ufrateze.

MUKANDA USANDU WA ZAMBI 1975

¹⁴ Jina lia lwiji wamuchitatu Hidekele, mwenawo wapalika ku Chivumbuko ku Asuria. Lwiji wamuchiwana Ufrateze.

Ubutukilo 2:14 Iomraidhean Croise

Ubutukilo 10:11

Yakatuka mu chifuchi chize, yaya ni kutunga mu chifuchi cha Asuria. Yatunga membo wano: Ninive, ni Rehobote Ire, ni Kala,

Ubutukilo 10:22

Ana ja Sheme a malunga wano: Elame, ni Ashure, ni Arfashede, ni Lude, ni Arame.

Ubutukilo 15:18

Ha shimbu lizeliene Zambi yakolesa Usendo ni Abrama ngwenyi: “Ngunalakenya kuhana chifuchi chino cheswe ku vungu lie, chize ku lwiji ku njiza ya chifuchi cha Egiptu ndoo ku lwiji Ufrateze,

Ubutukilo 2:13

Jina lia lwiji wa muchaali Gihone, mwenawo wajingilika chifuchi cha Kushe.

Ubutukilo 2:15

Mba Mwene Zambi yanda mutu, yamusa mu munda wa Edene mu kuulima ni kuufunga kanawa.

Ubutukilo 25:18

Vungu lia Ishmaele te kaatwama hakachi ka chifuchi cha Havila ni chihunda cha Shure, ku sali lia chivumbuko cha chifuchi cha Egiptu, ku jila ya kuya ku chifuchi cha Asuria. Te keeshi kutwama hehi ni mavungu akwo ja Abrahama.

Ezekiel 23:23

Mungushinjika Ababilonia ni Akaldea, eswe ni malunga a ku yifuchi ya Pekode, ni Shoa, ni Koa, ni Aasuria eswe. Mungukungulula malunga abema ku meso a lufuma, ni miata a tujita, ni waze akwenda ha tuvwalu.

Daniel 10:4

Ha tangwa makumi aali ni lia muchiwana lia kakweji mutangu wa mwaka, te ngunamana ku mbumbulu ya lwiji Tigrise.

Shimbi 1:7

Bukukenu ha musumba, nuye. Yeenu ku chifuchi cha milundu ya Aamore ni ku yifuchi yeswe yaajingilika: ku chikulo cha Yordau, ni ku milundu, ni ku yana, ni ku chifuchi ku sali lia sude, ni ku mbumbulu ya kalunga lwiji Mediterane. Yeenu ku chifuchi cha Kanana, nuhiane milundu ya Libano ndoo ku lwiji munene Ufrateze.

Shimbi 11:24

Mavu eswe kuze munukaliata maakabwa nienu. Chifuchi chenu muchikabwa chize ku puya ku sude nikuheta ndoo ku milundu ya Libano ku norde, chize nawa ku lwiji Ufrateze ku chivumbuko ndoo ku kalunga lwiji Mediterane ku chitokelo.

Usolwelo 9:14

Liji lize yiliambila kanganda ka mwilu wa muchisambano, yoze wabwile ni chitavwi, ngwo: “Yako utusule tunganda a mwilu awana akukasa hehi ni lwiji munene Ufrateze!”