Ubutukilo 19:9 - Mukanda Wa Zambi 1970

⁹ Alioze malunga a mu Sodome yaamukumbulula ngwo: “Katuka! Ngwami ni yena uli ngeji hano. Hi yena ko Unahase kutulweza chize chatutamba kulinga. Katuka! Tusele tunjile. Nyi ka, mutukulinga chibi kuhiana wano.” Yaashinjika Lote, yaakundama ha kubula chajilo.

MUKANDA USANDU WA ZAMBI 1975

⁹ Alioze o ngwo, Katukako. Chikwo nawa ngwo, Yono umuwika wejile kuno kutwama njize, haliapwila halitenga mukwa kuyula. Haliapwila mutukulinga chipi chahiana chize twambanga kulinga ni waze akwo. Chocho amushinjikile chikolo, mwe Lote. Te kwasala hakehe kupula pito.

Ubutukilo 19:9 Iomraidhean Croise

Ubutukilo 11:6

Yamba ngwenyi: “Atu wano eswe kaali atu umuwika ni kaakuhanjika liji limuwika. Chuma chino haalinga chili kabutu ka yibi yize maakalinga kulutwe. Kwasala hakepe maalinga cheswe chize maazanga.

Ubutukilo 13:12

Abrama yatwama mu chifuchi cha Kanana. Lote yatunga mu membo a mu chana chize, chakusulangana ni limbo lia Sodome.

Kutuhuka 2:14

Mwe lunga yamukumbulula ngwenyi: “Iya wakupwishile mukwa kutuyula hanji ngaji mukachi ketu? Kuchi, unazange kungushiha ngwe chize unakashiha mukwa Egiptu zau, nyi?” Mose yevwa woma, yalihanjikisa ngwenyi: “Mamee, kuma Chuma chino haachinyingika.”

Yishima 14:16

Akwa mana kaakulifunga ku Vunda; alioze yihepuke keeshi kulihumikiza, kaakulipupwisa kulinga yuma nikawashi.

Yishima 17:12

Chili chibi kutakana ni lukashitu ursu yoze haamutambula ana jenyi, alioze chili chibi kuhiana kutakana ni chihepuke mu uhepuke wenyi.

Yishima 27:3

Kulema cha liwe ni masekeseke, kuyishi kulita ni Vunda jize makoka chihepuke.

Longeshi 10:13

Kakubutuka kuhanjika ni uhepuke, ni kakumanununa ni uzaluke.

Longeshi 9:3

Songo lia atu eswe lili limuwika, chili chibi nawa ngwe yuma yikwo hano hashi. Ha miaka yeswe yize atu akubwa ni mwono, kaakubwa ni ndako ya ungulungulu ni uzaluke, mba susumuku haafwafwa.

Izaya 65:5

Mba maambila akwo ngwo, ‘Lifungenu kuli yetu mumu tuli akwa chijila, kanda nutukwata!’ Chahashile kulihumikiza ni atu ngwe waze, ngunevwila wuli unji.

Jeremia 3:3

Kashika vula musazu kanokene ko, ni vula wa mubatuko neye kanokene ko. Chi bwe ku meso je wamonekene ngwe chitanji, kuushi kwivwa sonyi.

Jeremia 6:15

Kevwile ko kama sonyi mumu ha yizelwokeso yize akulinga, nyi? Ka, kaajivwile ko nihakepe, nimwene te keeshi kuhasa kwivwa sonyi. Kashika muze mungukaamwesa lamba, maakalimbwoka ngwe chize amwe akwo haanalimbwoka. Lienalio mulikabwa songo lio. Yami Mwene Zambi nachamba.”

Jeremia 8:12

Ayenu atu jami, kunushi kwivwa kama sonyi mumu ha yizelwokeso yize nwakulinga, nyi? Kunwajivwile ko nihakepe, nimwene kunwahashile kwivwa sonyi! Kashika munukalimbwoka ngwe amwe akwo haanalimbwoka; lienalio mulikabwa songo lienu. Yami Mwene Zambi, nachamba.

Ezekiel 16:49

Iye ni ana jenyi a mapwo te kaakulengumuka mumu abwile ni yakulia yinazuku, yaatwama mu uhwimino, alioze kanyongene ko yiswale ni akwa lamba.

Mateu 7:6

“Kanda nuhana yize ya chijila kuli tuwa. Nyi ka, maanutewulukila, maanuzamwona ni mazo. Kanda numbila kakanga kenu ku meso ja ngulu. Nyi ka, maakaliata.”

1 Samuel 17:44

Yamwamba ngwenyi: “Tweya munguhana musunya we kuli tujila ni kuli tushitu a mu yambu.”

1 Samuel 2:16

Nyi ngwe mwe mukwa kulambula makumbulula ngwenyi: “Tulingenu nikulita ni Shimbi, tuliangenu kwocha maji, mba muwanda chize unazange,” ngamba ya hako mamba ngwenyi: “Ka kwami! Ngweheyo haliabwila! Nyi ka, munguyitambula ni tachi!”

1 Samuel 25:17

Shinginyeka hanga ubatule kama chize muulinga. Nyi ka, chino muchibwa chibi kuhiana hali mwata wetu ni akwa jiko lienyi eswe. Mwata wetu kali ngwe chihungumuke, keshi kubanjika kuli mutu niumwe.”