Ubutukilo 19:34 - Mukanda Wa Zambi 1970

³⁴ Ha tangwa likwo mukulwana Yambila kanuke ngwenyi: “Zau ufuku ngunakalimona ni tata, chinalite musono tumwehe nawa vinyu yinji. Ha chino ni yena ulimone nenyi, tuseme nenyi ana ha kufunga vungu lia tata.”

MUKANDA USANDU WA ZAMBI 1975

³⁴ Mba mu kucha mukulwana yamba kuli kanuke ngwenyi, Tala, napombanga ni tata. Tumunwise vinyu musono nawa, mba njila yena ukapombe nenyi, hanga tukafunge munyachi wa tata.

Ubutukilo 19:34 Iomraidhean Croise

Ubutukilo 19:33

Ha ufuku uzewene yaamwaha vinyu. Mba Mwanenyi wa mukulwana yaya ni kulimona nenyi, alioze tato kanyingikine nichimwe mumu te hazenga.

Ubutukilo 19:35

Ufuku yaamwaha nawa vinyu, mba kanuke yaya ni kulimona nenyi. Tato kanyingikine nawa nichimwe mumu te hazengewa.

Izaya 3:9

Neye makaabatwila mumu ha katonde ko. Kakuvulumuna mwalwa kachi ngwe chize alingile akwa Sodome. Kumaamona lamba; haanalikokela lio ayo ene.

Jeremia 3:3

Kashika vula musazu kanokene ko, ni vula wa mubatuko neye kanokene ko. Chi bwe ku meso je wamonekene ngwe chitanji, kuushi kwivwa sonyi.

Jeremia 5:3

Mwene Zambi kakufupa umwenemwene. Hananulambe, hindu kunwakanyamine; hanuwonda, hindu kunusolo kulilongesa. Nwabwile akwa pami, te kunusolo kwecha shili yenu.

Jeremia 6:15

Kevwile ko kama sonyi mumu ha yizelwokeso yize akulinga, nyi? Ka, kaajivwile ko nihakepe, nimwene te keeshi kuhasa kwivwa sonyi. Kashika muze mungukaamwesa lamba, maakalimbwoka ngwe chize amwe akwo haanalimbwoka. Lienalio mulikabwa songo lio. Yami Mwene Zambi nachamba.”

Jeremia 8:12

Ayenu atu jami, kunushi kwivwa kama sonyi mumu ha yizelwokeso yize nwakulinga, nyi? Kunwajivwile ko nihakepe, nimwene kunwahashile kwivwa sonyi! Kashika munukalimbwoka ngwe amwe akwo haanalimbwoka; lienalio mulikabwa songo lienu. Yami Mwene Zambi, nachamba.