Ubutukilo 19:3 - Mukanda Wa Zambi 1970

³ Lote yaashinjila chikolo, mba yaatayiza kuya mu zuwo lienyi. Lote yalinga mbolo, yaatelekela yakulia yibema, no yaalia.

MUKANDA USANDU WA ZAMBI 1975

³ Alioze waashinjile chikolo, kashika yakondolokela kuli iye, yanjila mu zuwo lienyi. Iye waatelekelele kulia, yaochela mbolo kuyishi futunwiso, mba yalia.

Ubutukilo 19:3 Iomraidhean Croise

Ubutukilo 19:2

yaamba ngwenyi: “Lisesa mwane, nyi nunazange, tweyenu kama mu zuwo liami, nusane ku molu hanga nubombe. Mba hamene chichamene munuya mu jila yenu.” Alioze ayo ngwo: “Hi chocho ko, tunabombo hanohene haze.”

Ubutukilo 21:8

Isake yatatuka, mba muze hasumuka yamulingila chiteleka chinene.

Ubutukilo 24:31

Labane yamulweza ngwenyi: “Njila. Kuchi mba unamana haze? Tuye ku zuwo, hinakululikila kulu muhela. Ni ubombo wa tushitu newo kuuli. Mwene Zambi hakuwahisa.”

Ubutukilo 26:30

Isake yaalingila chiwanyino. No yaalia, yaanwa.

1 MIANANGANA 4:8

Limwe tangwa Elisha yaya ku limbo lia Shuneme, kuze te kwatwama umwe pwo pichi. Mwe pwo yalakenya Elisha ni kulia ku zuwo lienyi. Chize ku tangwa lize Elisha te kakuya ku Shuneme, kwenako te akulila.

Kutuhuka 12:15

“Ha matangwa shimbiali nukalia mbolo yize kuyishi yitumbo. Ha tangwa litangu nukachiza yitumbo yeswe mu mazuwo jenu. Mumu, nyi umwe walia mbolo yize yili ni yitumbo ha matangwa waze shimbiali, kuchatambile kumwalula nawa mukachi ka atu jami.

Kutuhuka 12:39

Ku wunga uze akatukile nawo ku Egiptu, yoocha mbolo yize kuyishi yitumbo, mumu te keeshi shimbu ha kululika yakulia chibwe kwocha mbolo yize yili ni yitumbo, mumu aahumine nikawashi mu chifuchi cha Egiptu.

Luka 11:8

Ngunambe ngwami, chibwe kechi kuhinduka ni kumwaha jo mumu kali sepa lienyi, alioze mumu ha kuketeka chenyi kumahinduka hanga amwehe yize yeswe ali nayo chikala.

Luka 14:23

Mba mwe mwata yambila kavumbi ngwenyi: ‘Tuhuka, uye mu majila ni ku yipanga, ushinjile atu kunjila hanga zuwo liami lizale.

Luka 5:29

Hohene Levi yamulingila chiteleka chinene mu zuwo lienyi. Yimubwa mbunga yinene ya akwa kulambwisa lijimu ni atu akwo ku mesa hamwe no.

Yoano 12:2

Kwenako amulingililile yakulia ya chingoloshi. Marta yaavumbika, Lazaru yabwa wa ku mbunga ya atu waze te ali ku mesa hamwe ni Yesu.

1 Korintu 5:8

Kashika, muze tunali mbolo ha chiwanyino chetu cha Kubalika, kanda tulia mbolo yize yikwete yitumbo yikulu, yitumbo ya shili ni ya utanji, alioze mbolo yize kuyishi yitumbo yayo, mbolo yibema ni yamwenemwene.

2 Korintu 5:14

Mumu zango ha Kristu kuliakutuyula, yetu waze tunanyingika ngwetu, umuwika wafwile mumu hali atu eswe. Chinalumbunuka ngwo, eswe afwile hamwe nenyi.

Hebreu 13:2

Kanda nuvulama kuzumbula ngeji. Mumu, ha kulinga chino amwe haanazumbula tunganda wa mwilu, alioze te kaachinyingikine ko.

Akwa Kuyula 6:19

Mba Gideone yanjila mu zuwo lienyi, yateleka musamba wa pembe, yanda wunga wa tiriku kilograme kumi, uze kuushi yitumbo, yocha mbolo. Yasa yifwo mu chisoka ni mutato mu mulondo, yayitwala kuli kanganda ka Mwene Zambi, yoze te uli mushi lia mutondo shene, yamwaha yo.

1 Samuel 28:24

Mwe pwo te kali ni mwana ngombe yenyi wa maji, yamushiha nikawashi, yanda wunga, yachika mbolo kuyishi yitumbo, yayocha.