Ubutukilo 19:28 - Mukanda Wa Zambi 1970

²⁸ Yatala ku membo ja Sodome ni Gomora, ni ku chana cheswe. Yamona mwishi unafwindangana hashi, ngwe mwishi wa mu lutengo.

MUKANDA USANDU WA ZAMBI 1975

²⁸ Yatala ku Sondome ni Ngomora, ni ku chifuchi cheswe cha chana. Kumanyi mwishi wa chifuchi unafwinji ngwe mwishi wa lutengo.

Ubutukilo 19:28 Iomraidhean Croise

Miaso (Masamu) 107:34

Mavu a chinuno yaalumuka ngwe puya ya mungwa, mumu ha ungulungulu wa atu waze abwile ko.

Kutuhuka 19:18

Mulundu weswe wa Sinai yiulaa bwii ni mwishi, mumu Mwene Zambi yahulumuka ha mulundu mu kahia, mwishi yiukakumuka ngwe wa ku lutengo, atu eswe yaachikima kuhiana.

Malaki 3:2

Alioze iya makahasa kujikiza ha tangwa lize? Iya makahasa kubwa ni mwono muze makasoloka? Kumakabwa ngwe savo (sabau) ya tachi, hanji ngwe kahia kaze kakubemesa utale.

2 Petulu 2:7

Yalamwina Lote, mukwa ululi, yoze wabinjishile manyonga jenyi hakutwala ku utanji wa yivulumunyi.

Yuda 1:7

Iwulukenu chize alingile akwa Sodome ni akwa Gomora ni yihunda yakusulangana, chimuwika nawa ni chize alingile tunganda a mwilu. Yaalinga utanji, yaabwa ni ndako yibi ya uutu. Kaali mu lamba lia kahia ka miaka yeswe, chilweze chize chakutukanyamisa yetu eswe.

Usolwelo 18:18

Ha kumona kuwema chalio, yaakololoka ngwo: “Limbo nilimwe hilialifwa ni limbo lino linene!”

Usolwelo 18:9

Mianangana ja hashi waze alingile nenyi utanji, waze haanahungumuka ni yibi hamwe nenyi, maakalinyenga, maakalila mbimbi hali iye muze maakamona mwishi wa kuwema chenyi.

Usolwelo 19:3

Yaamba nawa ngwo: “Halisenu Zambi! Mwishi wa kuwema cha limbo lize linene yiufwindangana kwilu ku miaka yeswe ni miaka yeswe!”

Usolwelo 21:8

Alioze akwa mwongo, ni waze keeshi kufuliela, ni akwa kuzelwokesa, ni akwa kushiha atu, ni yitanji, ni akwa kupanda wanga, ni akwa kukombelela mahamba, ni akwa mahuza eswe—chihanda cho muchikabwa mu wina wakuyila kahia ni fundanga, Chenacho che kufwa cha muchaali.”

Usolwelo 9:2

Lutongonoshi yoze yazulula mwe muma mwajotoka. Yimukakumuka mwishi, yiubwa ngwe mwishi uze wakutuhuka mu lutengo wa kahia. Tangwa yililaa, ni fuji yiyalumuka mwishi ha mwishi, wa muma mwajotoka.