Ubutukilo 19:24 - Mukanda Wa Zambi 1970

²⁴ Mba Mwene Zambi yaholwela fundanga ni kahia ha membo ja Sodome ni Gomora.

MUKANDA USANDU WA ZAMBI 1975

²⁴ Mba Yehova yanokesa fundanga ni kahia ha Sondome ni Ngomora ya kuli Yehova kwilu.

Ubutukilo 19:24 Iomraidhean Croise

Ubutukilo 13:10

Mba Lote yatala sali ni sali, yamona ngwenyi, chana cheswe chize chakatuka ku lwiji Yordau ndoo ku limbo lia Zoare chili ni meya anji. Chili ngwe munda wa Mwene Zambi, hanji ngwe chifuchi cha Egiptu. (Ha matangwa waze te Mwene Zambi kanda achonona membo ja Sodome ni Gomora).

Ubutukilo 13:12

Abrama yatwama mu chifuchi cha Kanana. Lote yatunga mu membo a mu chana chize, chakusulangana ni limbo lia Sodome.

Ubutukilo 18:17

Mwene Zambi yalihanjikisa ngwenyi: “Mala, ngunahase kuswekela Abrahama chize ngunambe kulinga, nyi?

Ubutukilo 19:23

Lote yaheta ku chihunda cha Zoare muze tangwa hiliavumbuka.

Jobe 1:16

Shimbu te machihanjika, mukwa milimo mukwo yaheta, yamba ngwenyi: “Njaji hashiha mapanga ni tufunga, eswe haafwa. Shina yami wika nachina, hineza ni kukulweza.”

Jobe 18:15

Atu akwo maahasa kutwama mu zuwo lienyi, nyi haalakumwina mo yitumbo.

Miaso (Masamu) 11:6

Kakunokesa makala a kahia ni fundanga hali yingulungulu; kakwahehula ni kangonga ha chivukuminya.

Kutuhuka 9:23

Mose yanda lukanda wenyi, yolola kwoko kwilu, mba Mwene Zambi yatuma kukulunguza ni chiwe ni mihenyo hashi.

Izaya 1:9

Nyi ngwe Mwene Zambi Mukwa Ndundo Jeswe katuhichikilile ko amwe masalila, kachi te Yerusleme habwa ngwe membo ja Sodome ni Gomora.

Izaya 13:19

Chifuchi cha Babilonia chili ni uhenya kuhiana yifuchi yeswe yikwo; atu kaakulisuta. Alioze yami Mwene Zambi, mungukenyeka Babilone ngwe chize nalingila Sodome ni Gomora!

Izaya 30:33

Jiko lia kahia alilulikile kulu lia kwochela mwanangana wa Asuria. Lili linene ni lisuku, yilizala ni kunyi. Mwene Zambi makafuza mulengi wa kahia wa kujocha.

Jeremia 20:16

Lunga yoze abwe kama ngwe membo waze Mwene Zambi hoonona, keevwilile ko keke. Lunga yoze evwe kama mutambi wa lamba ha chichamene, ni milolo ya jita tangwa ha muchima,

Jeremia 23:14

Alioze hingunamono akwa munanyi a mu Yerusaleme kuvulumuna kuhiana: kaakulinga utanji ni kuhanjika mahuza; kaakushinjika atu alinge yibi, kashika niumwe keshi kwecha kulinga yibi. Ku meso jami ayo eswe kaali abi ngwe akwa Sodome ni Gomora.

Jeremia 49:18

Ngwe chize membo ja Sodome ni Gomora ni yihunda yize te yinasulangana enyekene, Chenacho muchikabwa mu Edome. Niumwe kechi katwama mo nawa. Yami Mwene Zambi nachamba.

Jeremia 50:40

Ngwe chize enyekene membo ja Sodome ni Gomora hamwe ni yihunda yize te yinasulangana ko, Chenacho nawa muchibwa ni Babilone. Niumwe kechi katwama mo nawa. Yami Mwene Zambi nachamba.

Lungungu 4:6

Atu jami kaanamono lamba liahiana lize lia akwa Sodome, Zambi yaashiha susumuku, kaahashile ko kuchina.

Hosea 11:8

“Aisraele, ngwe kuchi ngunahase kunwehuka? Ngwe kuchi ngunahase kunwecha? Munguhasa kunwonona ngwe chize nonwene Adma, nyi? Chibwe kunulinga ngwe chize nalingile Zeboime, nyi? Mbunge yami kuyangutayijile ko kuchilinga! Nakunuzanga kuhiana.

Amose 4:11

“Nashihile amwe hakachi kenu ngwe chize nashihile atu a mu membo a Sodome ni Gomora. Yenu waze nwasalile nwabwile ngwe lukunyi yoze anachangumuna mu mbwemena ya kahia. Hindu kunwahilukile ko kuli yami.

Zefania 2:9

Mwene Zambi Mukwa Ndundo Jeswe, Zambi ya Aisraele, kanambe ngwenyi: Ni mwe yami mwene, Amoabe ni Aamone kumaanonga ngwe chize anongene membo ja Sodome ni Gomora. Kumaabwa ngwe mena ja mungwa, kumeenyeka ndoo ku miaka yeswe, maasoka yambu yibi. Atu jami waze maasala ni mwono, e maabuba ni kutambula chifuchi cho.”

Luka 10:12

Ngunanwambe ngwami, ha tangwa lia ubatwilo lamba mulikabwa likalu ha limbo lize kuhiana lia Sodome!”

Shimbi 28:24

Mwene Zambi kechi katuma vula, alioze makanutumina fuji ya fufuta ni masekeseke, ndoo yenu eswe munukanonga.

Shimbi 29:22

“Mu yisemuko ya kulutwe vungu lienu ni yilambala a mu yifuchi yikwo ya kusuku kumaakamona misongo ni lamba yize Mwene Zambi makaneha mu chifuchi chenu.

Shimbi 29:23

Minda yenu muyikabwa ni mbwemena, ni fundanga, ni mungwa. Atu keechi katumba nichimwe, chibwe yambu yamokomoko kuyichi kasoka. Chifuchi chenu muchikabwa ngwe membo ja Sodome ni Gomora, ni Adma, ni Zeboime, waze Mwene Zambi onwene mu ufwatulo wenyi.

2 Petulu 2:6

Zambi yahisa membo a Sodome ni Gomora, yaanongesa ni kahia ha kwapwisa chilweza kuli atu abi hakutwala ku yuma yize muyikeza kuli ayo.

Yuda 1:7

Iwulukenu chize alingile akwa Sodome ni akwa Gomora ni yihunda yakusulangana, chimuwika nawa ni chize alingile tunganda a mwilu. Yaalinga utanji, yaabwa ni ndako yibi ya uutu. Kaali mu lamba lia kahia ka miaka yeswe, chilweze chize chakutukanyamisa yetu eswe.

Usolwelo 14:10

kumakanwa vinyu ya ufwatulo wa Zambi, vinyu ya tachi yize Zambi asele mu musenge wa ufwatulo wenyi! Atu eswe waze akulinga yuma ngwe yize kumaakamona lamba ha kahia ni fundanga ku meso ja tunganda a mwilu a kulinanga ni ku meso ja Mwana Panga.