Ubutukilo 19:14 - Mukanda Wa Zambi 1970

¹⁴ Mba Lote yaya ni kulweza waze ambile kulimbata ni anenyi a mapwo ngwenyi: “Lipupwisenu nukatuke mu limbo lino, mumu Mwene Zambi kumalionona.” Alioze ayo yaanyonga ngwo, Lote miselo anahanjika.

MUKANDA USANDU WA ZAMBI 1975

¹⁴ Chocho Lote yatuhuka, yahanjika ni atato-weno waze hatenda anenyi a mapwo ngwenyi, Katukenu, nutuhuke muno mumu Yehova monwona limbo lino. Alioze o yamumona ngwe lwelia anahanjika.

Ubutukilo 19:14 Iomraidhean Croise

Ubutukilo 19:15

Chichamene cheswe tunganda a mwilu yaambila Lote ngwo: “Lipupwise! Anda mukwenu pwo ni ana je aali a mapwo, tuhukenu, Nyi ka, munufwa muze Zambi mwonona limbo lino.”

Ubutukilo 19:17

Mba kanganda umuwika yambila Lote ngwenyi: “China lume! Kanda utala kunyima, chibwe kanda ulaluka mu chana, alioze chinyina ku milundu yize, nyi ka, munonga.”

Ubutukilo 19:22

Tambuka, chinyina ko, mumu chahashile kulinga nichimwe ndoo muze hiwaheta ko.” Mumu Lote yamba ngwenyi: kachihunda kaze kakepe, kashika yaluka chihunda chize ngwo, Zoare.

2 Sango Ja Mianangana 30:10

E tunganda yaaya ku membo eswe a mu yifuchi ya mavungu ja Efraime ni Manase, ni ku norde ndoo ku vungu lia Zabulone. Hindu atu yaaseha ni yaalelesa.

2 Sango Ja Mianangana 36:16

Alioze ayo yaasaula e tunganda twa Zambi, yaalelesa maliji jenyi, yaaseha akwa munanyi jenyi. Mba ha kusula Mwene Zambi yevwila atu jenyi ufwatulo kuhiana, ni e mana a kuuchina kaabwile ko.

Kutuhuka 12:31

Mwe mwanangana yatambika Mose ni Arone, yaamba ngwenyi: “Katukenu, tuhukenu mukachi ka atu jami, hamwe ni Aisraele eswe. Yeenu nukawayile Mwene Zambi ngwe chize nwambile.

Kutuhuka 9:21

Alioze akwo yaalelesa maliji ja Mwene Zambi, yaahichika tufunga two ni yimuna yo mu yambu.

Yishima 29:1

Nyi wakukalisa mbunge tangwa lieswe lize akukukanjisa, limwe tangwa susumuku, makuwonda, kuuchi kuhinduka nawa nichimwe.

Izaya 28:22

Kashika kanda nulelesa kukanyamisa chami! Nyi nwachilinga muchikabwa chikalu kuhiana hali yenu. Hinevwa chize Mwene Zambi Mukwa Ndundo Jeswe habatula enyeke chifuchi cheswe.

Jeremia 20:7

Mwene Zambi hiwangwonga, ni yami hinongoloka. Yena hiwanguhiana tachi, hiwangukumba. Atu eswe kaanangusehe; kaanangukekuna tangwa lieswe.

Jeremia 43:1

Yingumanununa kuhanjika yuma yeswe kuli atu yize Mwene Zambi angutumine kwalweza.

Jeremia 43:2

Mba Azaria mwana wa Hoshaya ni Johanane mwana wa Karea ni akwa kulengumuka eswe akwo yaangwamba ngwo: “Mahuza je. Mwene Zambi, Zambi yetu, kakutumine ko ni kutulweza ngwenyi, kanda tuya tukatwame mu Egiptu.

Jeremia 51:6

Aisraele ni Ayuda Chinenu Ababilonia! Chinenu nulamwine miono yenu! Kanda anushiha mumu ha milonga ya Ababilonia. Haliabwila ngunamwesa Ababilonia lamba ngwe chize ayo amwesene akwo lamba.

Ezekiel 20:49

Alioze yami namba ngwami: “Mwene Zambi, kanda ungushinjika kuchilinga! Atu eswe kaananenganyana ngwo, matangwa eswe nakuhanjikila mu yishima.”

Kwalula 16:21

“Lihandununenu ni atu wano, hanga ngwoonone ha Shimbi linoliene.”

Kwalula 16:26

yambila mbunga ngwenyi: “Handunukenu ku mazuwo ja yingulungulu wano, kanda nukwata ku chimwe Chuma cho. Nyi ka, Zambi manwonona hamwe no mumu ha milonga yo yeswe.”

Kwalula 16:45

“Katuka kuli atu wano, ngwoonone shimbu linoliene!” Hohene ayo aali yaafulamana,

Mateu 1:18

Yesu Kristu yasemuka ngwe chino. Maria te hamwambisa kuli Josefe. Alioze muze te kanda achilimona, Maria yanyingika ngwenyi, kali ni ufumba wa Mwiku wa Linanga.

Mateu 9:24

yamba ngwenyi: “Tuhukenu! Mwana pwo kafwile ko, alioze mu tulo ali.” No yaamuseha.

Luka 24:11

Alioze e tunganda yaanyonga ngwo, yeswe yize ambulwile yili yuma ya mahuza, kaafulielele ko.

Luka 9:42

Muze mwana aneza, mwiku wa luchisa yiumulimbwisa hashi, yiumutunyisa chikolo. Yesu yakalukila mwiku, yawuka mwana, mba yamwahana kuli tato.

Yilinga 17:32

Muze heevwa sango ja uhindukilo wa afu, akwo yaamuseha, alioze akwo ngwo: “Mutukakwivwa tangwa likwo nawa.”

1 Tesalonika 5:3

Muze atu maakamba ngwo: “Tuli ni uhwimino, yuma yeswe yinawaha,” mba susumuku kwonona muchiza. Keechi kuhichika nichimwe. Muchibwa ngwe yikola ya kusema yize hiyakwata kafumbakaji.