Ubutukilo 18:6 - Mukanda Wa Zambi 1970

⁶ Abrahama yanjila fuji mu zuwo, yalweza Sara ngwenyi: “Lulika nikawashi jongo jitatu ja wunga wafufunuka uuchike ulinge yimwe mbolo.”

MUKANDA USANDU WA ZAMBI 1975

⁶ Apalahama yanjila fuji mu mbalaka kuli Sara, nikwamba ngwenyi, Lulika kawashi njongo jitatu ja wunga wafufunuka, ukauchike, ukalinge tumbolo.

Ubutukilo 18:6 Iomraidhean Croise

Ubutukilo 18:5

Ngununehene yimwe yakulia, muze hinwalia mba munwivwa tachi ja kuya mu jila yenu. Mumu hinwaheta maha yami kavumbi kenu.” Yaamukumbulula ngwo: “Chibema, mwane.”

Ubutukilo 18:7

Mba yazomboka fuji ku tanga, yakwata mwana ngombe mwovu wa maji, yamuhana kuli ngamba yenyi ngwenyi: “Mushihe, muteleke.” Neye yamuteleka nikawashi.

Ubutukilo 19:3

Lote yaashinjila chikolo, mba yaatayiza kuya mu zuwo lienyi. Lote yalinga mbolo, yaatelekela yakulia yibema, no yaalia.

2 Samuel 13:6

Mba Amnone yaya ni kubomba, yalionga ngwe kanayiji. Mwanangana David yaya ni kumumeneka, mba Amnone yamulweza ngwenyi: “Nalemba mwane, tayizenu kama Tamara eze angulingile yimwe mbolo ku meso jami ni kungwaha yo iye mwene.”

Miaso (Masamu) 119:60

Mungulipupwisa kufunga Shimbi je, chichi kulaluka.

Izaya 32:8

Alioze mutu wa vumbi ni mbunge yakutuwika, kakujikijila ha yize yinalite.

Mateu 13:33

Yesu yaatela chishima chikwo ngwenyi: “Wanangana wa mwilu walifwa ngwe yitumbo ya mbolo yize anjile umwe pwo. Yayichinga mu njongo jitatu ja wunga, ndoo weswe yiufutunuka.”

Yilinga 16:15

Muze te hamupapachisa ni akwa zuwo lienyi, yaliumba kuli yetu ngwenyi: “Nyi nunangumono ngwe ngunafuliela Mwene Yesu chamwenemwene, tweyenu nutwame mu zuwo liami.” Yatushinjila, yiutayiza.

A-ROMA 12:13

Kwasenu akwa Kristu waze anahono, Zumbulenu ngeji waze aneza ku mazuwo jenu.

Galashia 5:13

Yenu, akwetu, Zambi hananutambika ha kubwa akwa kutusuka. Alioze kanda nutayiza usolo ubi wa uutu kunuyula mumu ha utuswilo uno. Shinoho lilingilenu ni zango.

Hebreu 13:2

Kanda nuvulama kuzumbula ngeji. Mumu, ha kulinga chino amwe haanazumbula tunganda wa mwilu, alioze te kaachinyingikine ko.

1 Petulu 4:9

Zumbulenu akwenu, alioze hi ni kulinyenyeta ko.

Akwa Kuyula 6:19

Mba Gideone yanjila mu zuwo lienyi, yateleka musamba wa pembe, yanda wunga wa tiriku kilograme kumi, uze kuushi yitumbo, yocha mbolo. Yasa yifwo mu chisoka ni mutato mu mulondo, yayitwala kuli kanganda ka Mwene Zambi, yoze te uli mushi lia mutondo shene, yamwaha yo.

1 Samuel 28:24

Mwe pwo te kali ni mwana ngombe yenyi wa maji, yamushiha nikawashi, yanda wunga, yachika mbolo kuyishi yitumbo, yayocha.