Ubutukilo 18:5 - Mukanda Wa Zambi 1970

⁵ Ngununehene yimwe yakulia, muze hinwalia mba munwivwa tachi ja kuya mu jila yenu. Mumu hinwaheta maha yami kavumbi kenu.” Yaamukumbulula ngwo: “Chibema, mwane.”

MUKANDA USANDU WA ZAMBI 1975

⁵ Munguneha kamwe kakulia nukalihuzulule mbunge jenu, mba kulutwe munuhiana, se hinweza kuli yami kavumbi kenu. O yamba ngwo, Linga chize hiwamba.

Ubutukilo 18:5 Iomraidhean Croise

Ubutukilo 18:6

Abrahama yanjila fuji mu zuwo, yalweza Sara ngwenyi: “Lulika nikawashi jongo jitatu ja wunga wafufunuka uuchike ulinge yimwe mbolo.”

Ubutukilo 19:8

Nguli ni ana mapwo aali, kanda achilimona ni malunga. Chinalite ngununehe no, hanga nwalinge cheswe chize nunazange. Alioze kanda nulinga nichimwe kuli atu wano. Kaali ngeji jami, Changutamba kwafunga kanawa.”

Ubutukilo 33:10

Yakoba ngwenyi: “Nalemba mwane, nyi hinwanguvwila keke, tambulenu kama mulambu uze hinanwaha. Muze hinanumona, chili ngwe Zambi namona, mumu hinwangutambula kanawa.

1 Yitanga Ya Mianangana 17:11

Muze te mwe pwo anayi nikuneha meya, yamwamba nawa ngwenyi: “Ngunehene kama kamwe kachihanda ka mbolo.”

Miaso (Masamu) 104:15

vinyu awahilile nayo, maji a olive alejimise meso jo, mbolo alitakamise nayo.

Izaya 3:1

Mwene Zambi Mukwa Ndundo Jeswe kanambe kuchiza kuli akwa Yerusaleme ni kuli Ayuda ujikijilo wo weswe. Kanambe kuchiza yakulia yo ni meya jo,

Mateu 6:11

Twehe kama musono yakulia yize yinalite.

Akwa Kuyula 13:15

Manoa te kanyingikine ngwenyi, kali kanganda ka mwilu ka Mwene Zambi. Kashika yamwamba ngwenyi: “Nalemba kanda uchiya. Ngutayize ngukushihile mwana pembe.” Alioze kanganda yamba ngwenyi: “Chibwe ngumane, chichi kulia yakulia ye. Alioze nyi unazange kumushiha, mwoche mulambu wa Mwene Zambi.”

Akwa Kuyula 19:5

Ha tangwa lia muchiwana yaalimeneka, yaalilulika kuya. Alioze tato weno yambila Kalevi ngwenyi: “Hatangu achilienu, nwivwe tachi, mba nuye.”

Akwa Kuyula 6:18

Ngunakulweze ngwami, kanda ukatuka ndoo hinakunehena umwe mulambu wa yakulia.” Mwene Zambi ngwenyi: “Mungushimbwila ndoo hiwahiluka.”

Akwa Kuyula 6:19

Mba Gideone yanjila mu zuwo lienyi, yateleka musamba wa pembe, yanda wunga wa tiriku kilograme kumi, uze kuushi yitumbo, yocha mbolo. Yasa yifwo mu chisoka ni mutato mu mulondo, yayitwala kuli kanganda ka Mwene Zambi, yoze te uli mushi lia mutondo shene, yamwaha yo.