Ubutukilo 18:32 - Mukanda Wa Zambi 1970

³² Abrahama ngwenyi: “Mala! Mwanangana, kanda utenuka kama, chino chisuho cha kusula ngunahanjika. Nyi wawana lume kumi?” Mwene Zambi ngwenyi: “Nyi nawana mo kumi, chichi kwoonona.”

MUKANDA USANDU WA ZAMBI 1975

³² Ngwenyi, Mala! Mwene kanda utenuka, nguhanjike kamuwika nawa kunahu. Hanji mawanamo kumi. Iye ngwenyi, Chipwe ha kumi chichi kuchilinga.

Ubutukilo 18:32 Iomraidhean Croise

Ubutukilo 18:30

Abrahama ngwenyi: “Mala! Mwanangana, kanda ungutenukina nyi Hahanjika nawa. Mba nyi wawana mo makumi atatu?” Mwene Zambi ngwenyi: “Nyi nawana mo makumi atatu, chichi kuchilinga.”

Ubutukilo 18:31

Abrahama ngwenyi: “Mwanangana, ungutayize kama nguhanjike nawa. Ngwami, nyi wawana mo lume makumi aali?” Mwene Zambi ngwenyi: “Chichi kuchilinga.”

Ubutukilo 44:18

Yuda yakundama kuli Josefe, yamba ngwenyi: “Vulie mwanangana! Nyi nunatayiza, nguli ni maliji akuhanjika ni yenu. Kanda nutenuka mwanangana, yenu nuli ngwe mwe mwanangana.

Jobe 33:23

Yisuho yikwo umwe kanganda hakachi ka tunganda anji a Zambi meza ni kumukwasa ni kumulweza chize chamutamba kulinga.

Miaso (Masamu) 86:5

Mwene Zambi, yena wakutulinga kanawa, wakutukonekena; zango lie kulishi kuhwa kuli waze akukuwayila.

Kutuhuka 32:14

Kashika Mwene Zambi yalumuna mbunge yenyi, kashihile atu jenyi ngwe chize ambile.

Yishima 15:8

Mwene Zambi kakuwahilila muze akwa ululi maalemba, alioze kakuvutwokela milambu ya yingulungulu.

Izaya 65:8

Mwene Zambi kanambe ngwenyi: “Mutu niumwe wakwonona mihuko ya vinyu, alioze kakulinga nayo vinyu. Chichi kwonona atu jami eswe, mungukalamwina waze akungulingila.

Jeremia 5:1

Yenu akwa Yerusaleme, achizombokenu mu majila jenu! Achitalenu sali ni sali! Limwenenu yenwene! Talenu mu yitanda! Munuhasa kumona umwe mutu yoze unalingi chize chinalite, yoze uneseka kubwa mukwa umwenemwene, nyi? Nyi munuhasa kumumona, mba Mwene Zambi makonekena Yerusaleme.

Mika 7:18

Aa Mwene Zambi, kukushi zambi mukwo walifwa ngwe yena. Wakukonekena milonga ya atu je waze asalile ni mwono. Kuushi kutenuka ku miaka yeswe, alioze wakuwahilila ni kutulweza zango lie lize kulishi kuhwa.

Mateu 7:7

“Etenu, mba kumunutambula; fupenu, mba kumunuwana; ngongwelenu, mba kumanwazulwila.

Efesu 3:20

Zambi mahasa kulinga kuhiana yeswe yize tunechi hanji tunanyongo! Machilinga ni ndundo jize jakulinga muli yetu.

Akwa Kuyula 6:39

Mba Gideone yambila Zambi ngwenyi: “Kanda ungutenukina mwane, nguchihanjike kama nawa chisuho chimuwika. Nalemba mwane, ngutayize ngucheseke nawa je ngona. Chisuho chino ngona jibwe jumu, hashi haule ni mume.”