Ubutukilo 18:26 - Mukanda Wa Zambi 1970

²⁶ Mwene Zambi ngwenyi: “Nyi nawana akwa ululi makumi atano mu Sodome, chichi kwonona limbo lieswe.”

MUKANDA USANDU WA ZAMBI 1975

²⁶ Yehova yamba ngwenyi, Nyi munguwana mu Sondome makumi atano a akwa ululi muchima lia chihunda mungwecha chihunda cheswe mumu hali ayo.

Ubutukilo 18:26 Iomraidhean Croise

Ubutukilo 18:17

Mwene Zambi yalihanjikisa ngwenyi: “Mala, ngunahase kuswekela Abrahama chize ngunambe kulinga, nyi?

Izaya 10:22

Chibwe Aisraele oke naye haliabwila ngwe masekeseke a ku mbumbulu ya kalunga lwiji, hindu akepe maakahiluka. Maakashiha anji nikulita ni yitanga yo yibi.

Izaya 19:24

Muze tangwa lize mulikeza, Aisraele maakalichinga hamwe ni Egiptu ni Asuria, ni akwa yifuchi yino yitatu maakawahisa akwa hashi eswe.

Izaya 6:13

Chibwe mukachi ka atu kumi umuwika masala mu che chifuchi, hindu maamushiha nawa. Mabwa ngwe Chipinji cha chimbunji chize chasala ha kubatula mutondo shene.” (Chimbunji chinalumbunuka ngwo, Ubutukilo Waha wa atu ja Zambi.)

Izaya 65:8

Mwene Zambi kanambe ngwenyi: “Mutu niumwe wakwonona mihuko ya vinyu, alioze kakulinga nayo vinyu. Chichi kwonona atu jami eswe, mungukalamwina waze akungulingila.

Jeremia 5:1

Yenu akwa Yerusaleme, achizombokenu mu majila jenu! Achitalenu sali ni sali! Limwenenu yenwene! Talenu mu yitanda! Munuhasa kumona umwe mutu yoze unalingi chize chinalite, yoze uneseka kubwa mukwa umwenemwene, nyi? Nyi munuhasa kumumona, mba Mwene Zambi makonekena Yerusaleme.

Ezekiel 22:30

Yingufupa hanji munguwana umwe yoze matungulula chipanga, yoze mamana muma muze mwabuzwokelele che chipanga nikufunga chifuchi muze yami mu utenu wami ngunambe kuchonona. Alioze Chamwene kwami mutu niumwe.

Mateu 24:22

Nyi Zambi kachijile ko amwe matangwa waze a lamba, kachi mutu niumwe makalilamwina. Alioze matangwa akwo Zambi hanaachiza mumu hali atu jenyi waze atongwele iye mwene.