Ubutukilo 18:25 - Mukanda Wa Zambi 1970

²⁵ Kuwahashile kwonona akwa ululi hamwe ni yitanganyanyi. Kuwahashile kuchilinga nichimwe! Nyi wachilinga, kafwa ngwe, washiha akwa ululi hamwe ni yitanguke. Kuchahashile kubwa. Yena ngaji wa akwa hashi eswe, chakutamba kubatula ni ululi.”

MUKANDA USANDU WA ZAMBI 1975

²⁵ Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

Ubutukilo 18:25 Iomraidhean Croise

Ubutukilo 18:24

Mu limbo lize, nyi wawana mo atu makumi atano akwa ululi muuhasa kwonona limbo lieswe, nyi? Kuwahashile kwevwila keke mumu hali makumi atano waze, nyi?

1 Sango Ja Mianangana 16:33

Mitondo yeswe ya mu mushitu kololokenu ni uwahililo ku meso ja Mwene Zambi, muze meza ni kuyula hashi.

2 Sango Ja Mianangana 19:7

Vwilenu Mwene Zambi woma ni lingenu kanawa, mumu Mwene Zambi, Zambi yetu, keshi kutayiza ubatwilo wa katonde hanji ubatwilo wa mbongo ja mbenga.”

Nehemia 9:33

Yena walingile kanawa ha kutumwesa lamba. Yena uli mukwa ululi, chibwe yetu twavulumwine.

Jobe 34:10

Yenu akwa yinyingi, ngwivwenu. Zambi Mukwa Ndundo Jeswe kahashile kulinga yibi, kahashile kulinga chize chahenga.

Jobe 34:12

Ka, Zambi Mukwa Ndundo Jeswe keshi kulinga yibi, keshi kubatula milonga ni shili.

Jobe 8:20

Alioze Zambi keshi kwehuka akwa ululi, keshi kukwasa yivulumunyi.

Jobe 8:3

Kuma Zambi kakubatula ni uhenge, nyi? Kuma Mukwa Ndundo Jeswe kakubinjisa ululi, nyi?

Miaso (Masamu) 50:6

Lilu linambujola ngwo, Zambi kali mukwa ululi, mwe chibatula milonga.

Miaso (Masamu) 58:11

Atu maamba ngwo: “Chamwenemwene akwa ululi kumaakundulula. Chamwenemwene Zambi kwali, yoze wakubatwila akwa hashi!”

Miaso (Masamu) 7:12

Nyi kaalumwine ndako jo, Zambi mahela mukwale wenyi, manana uta wenyi, makalula mivwi yenyi.

Miaso (Masamu) 75:3

Chibwe tushitu eswe maachikima, ni he hashi muhanyika, mungukolesa fundamentu yaho.

Miaso (Masamu) 94:2

Yena uli ngaji wa atu eswe, fweta akwa kulengumuka nikulita ni yitanga yo!

Miaso (Masamu) 98:9

mumu kaneza ni kuyula akwa hashi. Makayula hashi heswe ni ululi ni umwenemwene.

Longeshi 3:17

Yingulihanjikisa ngwami; “Zambi kumakabatwila eswe aali, akwa ululi ni yingulungulu, mumu Chuma cheswe, ni yitanga yeswe, muyikabwa ni tangwa liayo.”

Longeshi 7:15

Mwono wami uli Chuma chamokomoko, alioze hingunamono yuma yeswe. Umwe mutu mubema mahasa kufwa, hindu umwe chingulungulu mahasa kutwama ni mwono, chibwe kali mutu mubi.

Jeremia 11:20

Mba yinguliumba ngwami: “Mwene Zambi Mukwa Ndundo Jeswe, yena uli ngaji wa ululi; wakweseka manyonga ja atu ni mbunge jo. Hinakunjika milimo yami mu moko je; kashika ngutayize kama ngumone chize muungukala kuli atu wano.”

Jeremia 12:1

Mwene Zambi, nyi munguhamika ni yena, kachi yena muungukununa. Chibwe chocho ngunakuhula yihula hakutwala ku ululi. Mumu yika yingulungulu akuwaha? Mumu yika akwa uhenge akuyuka?

Ezekiel 18:25

“Alioze yenu nwakwamba ngwenu; ‘Yize akulinga Mwene Zambi yili yibi.’ Ngubanjikenu, yenu Aisraele. Nunanyongo ngwenu, ndako yami yili yibi, nyi? Ndako yibi yili ya yenu.

Malaki 3:18

Henaho atu jami maakamona nawa kulituchika cha akwa ululi ni yingulungulu, ni cha yoze wakungulingila ni yoze keshi kungulingila.”

Kwalula 16:22

Alioze Mose ni Arone yaafulamana hashi, yaamba ngwo: “Aa Zambi, yena uli chishina cha mwono weswe. Kuma nyi mutu umuwika havulumuna, muuvwila Chikungulwila cheswe ufwatulo, nyi?”

2 Korintu 5:10

Mumu yetu eswe chatutamba kumana kulutwe ha chitwamo cha ubatwilo cha Kristu, hanga mutu mweswe akatambule chize chinamutela, nikulita ni chize alingile mu uutu wenyi, chibwe chibema chibwe chibi.

Shimbi 1:16

“Ha tangwa lize yingwaaha Shimbi ngwami: ‘Banjikenu kulitachika chize chili mukachi ka atu jenu. Batulenu milonga yeswe ni ululi, chibwe yili milonga ya atu jenu hanji ya yilambala waze ali mukachi kenu.

Shimbi 1:17

Kanda nukabatula ni katonde, batwilenu mutu mweswe ni ubatwilo wa ululi. Kanda nuvwila woma niumwe, mumu ubatwilo wa mbala wa Zambi. Nyi Chuma chikwo chanukalila, chinehenu kuli yami, ulunguchibatula.’

Shimbi 32:4

“Mwene Zambi kali liwe, ndako jenyi jili jingunu ni ja ululi. Zambi yenu kali mukwa kushishika ni wa umwenemwene, kakulinga yuma ya ululi ni yize yinalite.

Hebreu 12:23

Hinunahete ku kukunguluka cha uwahililo wa ana atangu a Zambi, waze majina jo hanaasonewa mwilu. Hinunahete kuli Zambi, ngaji ya atu eswe, nawa hinunahete ku mwiku wa akwa ululi waze haanafu, waze Zambi hanapwisa atu angunu.

Akwa Kuyula 11:27

Yami chakuvulumwine. Yena mwe unanguvulumuna ha kwasa jita ni yami. Mwene Zambi kali ngaji. Musono abatule hakachi ka Aisraele ni Aamone.”