Ubutukilo 18:21 - Mukanda Wa Zambi 1970

²¹ Changutamba kuya ngutale nyi chili chamwenemwene, nyi ka.”

MUKANDA USANDU WA ZAMBI 1975

²¹ munguhulumuka haliapwila ngukamone nyi pundu analingi nikulita ni lufuma wacho yoze wanguheta. Nyi ka, mungunyingika.

Ubutukilo 18:21 Iomraidhean Croise

Ubutukilo 11:5

Hohene Mwene Zambi yahulumuka akamone lie limbo ni ye ndalo.

Ubutukilo 11:7

Tuhulumukenu, tubinjise liji ho, hanga keechi kulivwa hakachi ko.”

Ubutukilo 18:17

Mwene Zambi yalihanjikisa ngwenyi: “Mala, ngunahase kuswekela Abrahama chize ngunambe kulinga, nyi?

Ubutukilo 6:12

Zambi yatala hashi, yamona ngwenyi, hihabihia, mumu atu te kaakulinga yibi kuhiana.

Jobe 34:22

Chibwe milima yoke naye, hindu yingulungulu kaahashile kuswama ku meso jenyi.

Miaso (Masamu) 14:2

Mwene Zambi mwilu kakutala akwa hashi, amone nyi kuhali amwe akwa mana, waze akumuwayila.

Miaso (Masamu) 90:8

Yibi yetu yakusoloka ku meso je; chibwe yize twakulinga ku tenga.

Kutuhuka 3:8

Hinahulumuka hanga ngwapulule ku moko ja akwa Egiptu, ni kwatwala mu chifuchi chinene, chibema, ni cha chinuno. Akanana, ni Ahite, ni Aamore, ni Aperize, ni Ahive, ni Ajebuse, enoo atwama mu chifuchi chize haliabwila.

Kutuhuka 33:5

Mumu Mwene Zambi hambila Mose alweze Aisraele ngwenyi: “Nuli ni mbunge jikalu. Nyi naya nenu chibwe shimbu likepe, mungunwonona liakulu. Haliabwila zulenu yuma yenu ya uhenya, hanga ngumone chize mungunulinga.”

Jeremia 17:1

Mwene Zambi kanambe ngwenyi: “Yenu Ayuda, shili yenu hanayisoneka ni sonekeso ya utale; hanayolo ni liama ha mbunge jenu ni ha mbinga ja yilumbilo yenu.

Jeremia 17:10

Yami, Mwene Zambi, nakushishika manyonga ja atu ni kweseka mbunge jo. Nakulinga kuli mutu mweswe nikulita ni ndako yenyi, nikulita ni chize akulinga.”

Yona 1:2

Yamwamba ngwenyi: “Yako ku Ninive, limbo lize linene, waalweze yibi yo, mumu hinamona ungulungulu wa atu jamo.”

Mika 1:3

Mwene Zambi kanakatuka homa lienyi lia chijila; mahulumuka ni kwenda helu lia milundu.

Zefania 1:12

“Ha tangwa lize mungwiza ni ndeya ni kubolongoza mu Yerusaleme. Mungumwesa lamba waze atwama mu uhwimino, waze akwamba ngwo: ‘Mwene Zambi kechi kulinga nichimwe, chibwe chibi chibwe chibema.’

Luka 16:15

Yesu yaamba ngwenyi: “Yenu nuli waze akulisambisa ku meso ja atu, alioze Zambi kananyingika mbunge jenu. Mumu yize akunyonga atu ngwo, yilemu, ku meso ja Zambi yili yamokomoko.

Yoano 6:38

mumu hingunahulumuka mwilu ha kulinga yize anapale yoze wangutumine, hi yize ngunapale yami mwene ko.

2 Korintu 11:11

Kuchi mba ngunahanjika chino? Mumu Chishi kunuzanga, nyi? Zambi kaananyingika chize nakunuzanga.

Shimbi 13:3

kanda numubanjika nichimwe. Mumu Mwene Zambi, Zambi yenu, mwe unanweseka, ha kumona nyi nunazange Mwene Zambi, Zambi yenu, ni mbunge jenu jeswe, nyi ka.

Shimbi 8:2

Iwulukenu ngwe chize Mwene Zambi, Zambi yenu anusongwelele mu wenyi uno miaka makumi awana mu puya hanga anuhombole, anweseke ni lamba lieka ni lieka, mba hanga anyingike mbunge jenu, nyi munufunga Shimbi jenyi, nyi ka.

1 Tesalonika 4:16

Mumu Mwene Yesu iye mwene makahulumuka ni kukololoka ni liji lia Shimbi, ni liji lia kanganda ka mwilu wa lutwe, ni liji lia chitavwi cha Zambi. Mba waze afwile kulu, te afuliela Yesu, maakalianga kuhinduka.

Hebreu 4:13

Mutu kahashile kuswekela Zambi Chuma nichimwe. Zambi kakumona yuma yeswe, mumu yuma yeswe kuyakusoloka zwalala, kuyishi kuswama ku meso jenyi. Kuli iye mutukalumbununa yuma yeswe yize twalingile.

Yoshua 22:22

“Mukwa Ndundo kali Zambi! Kali Mwene Zambi! Mukwa Ndundo kali Zambi! Kali Mwene Zambi! Kananyingika chikuma chize tunakachitungila, ni yenu nawa chanutamba kunyingika! Nyi tunakachilinga tulilemese hanji tushihe Shimbi ya Mwene Zambi, tushihenu kwetu!