Ubutukilo 18:14 - Mukanda Wa Zambi 1970

¹⁴ Kuli chimwe Chuma chize Zambi machisa kenu, nyi? Ngwe chize hinamba kulu ngwami, ha mwaka uze muwiza ho Sara makasema mwana wa lunga.”

MUKANDA USANDU WA ZAMBI 1975

¹⁴ Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

Ubutukilo 18:14 Iomraidhean Croise

Ubutukilo 17:16

Mungumuwahisa, neye makasema mwana wa lunga. Mwe Sara makabwa naye ya mavungu anji. Hakachi ko akwo maakabwa mianangana.”

Ubutukilo 17:21

Alioze mungukolesa Usendo ni mwane Isake, mwana yoze Sara makasema mwaka uze muwiza ho.”

Ubutukilo 18:10

Umwe mutu yamwamba ngwenyi: “Mungukahiluka ha mwaka uze muwize ho, mba mukwenu pwo Sara makasema mwana wa lunga.” Kuma te Sara kanamana kunyima lia chajilo, kanevu yeswe yize te anambe,

Ubutukilo 18:13

Mba Mwene Zambi yahula Abrahama ngwenyi: “Kuchi mba Sara unasehe? Mumu yika anahamikina ngwenyi: ‘Hinabwa kuli kashinakaji, munguhasa nawa kusema mwana?’

Ubutukilo 18:15

Sara yevwa woma mba yalikala ngwenyi: “Chasehele kwami.” Alioze Mwene Zambi ngwenyi: “Ewa, waseha.”

Ubutukilo 21:1

Mwene Zambi yawahisa Sara ngwe chize ambile.

Ubutukilo 21:2

Sara yaka ufumba, yasema mwana wa lunga muze te Abrahama habwa kwenyi kashinakaji. Mwana yasemuka mu kakweji yoze alakenyene Zambi.

1 MIANANGANA 4:16

Elisha yamwamba ngwenyi: “Mwaka wa kulutwe ha kakweji yono mwene, mwana wa lunga muukakwata mu kondo.” Mwe pwo yakumbulula ngwenyi: “Ahaa! Mwata nalemba, kanda nungwonga chocho. Yenu nuli mutu wa Zambi!”

Jobe 36:5

Zambi kali mukwa ndundo jinji! Keshi kulelesa mutu niumwe, kukushi nichimwe chize kanyingikine.

Jobe 42:2

Mwene Zambi ngunanyingika ngwami, yena uli mukwa ndundo jeswe, unahase kulinga yuma yeswe yize unazange.

Miaso (Masamu) 90:13

Aa Mwene Zambi, ndoo tangwa lika muwecha kama kutuvwila ufwatulo? Tuvwile kama keke, yetu tuvumbi twe.

Miaso (Masamu) 93:1

Mwene Zambi kali Mwanangana, hanazala uhenya ngwe mahina, ndundo ngwe muya. Hashi kuhakala mbee, kuhahashile kunyika.

Miaso (Masamu) 95:3

Mumu Mwene Zambi kali Zambi wa ndundo, kanahiana mazambi akwo eswe.

Izaya 50:2

“Mumu yika atu jami kaatayijile ko muze nayile ni kwalamwina? Mumu yika kaangukumbulwile ko muze naatambikile? Kuma tachi jami jili jikepe ja kwakula, nyi? Ngunahase kumisa kalunga lwiji ni liji; ni kwalumuna njiji jibwe puya, hanga yishi waze alimo afwe mumu kunushi meya.

Jeremia 32:17

“Mwene Zambi, yena watangile lilu ni hashi ku ndundo je jahiana; kukushi Chuma nichimwe chize muchikukalila yena.

Jeremia 32:27

“Yami nguli Mwene Zambi, Zambi ya atu eswe. Kukushi nichimwe chize chinangukalila.

Daniel 6:20

Muze haheta ko, yatambika ni kunenganyana ngwenyi: “Daniel, kavumbi ka Zambi ya mwono! Zambi yoze wakulingila matangwa eswe ni mbunge yimuwika hakulamwina kama kuli tambwe, nyi?”

Mika 7:18

Aa Mwene Zambi, kukushi zambi mukwo walifwa ngwe yena. Wakukonekena milonga ya atu je waze asalile ni mwono. Kuushi kutenuka ku miaka yeswe, alioze wakuwahilila ni kutulweza zango lie lize kulishi kuhwa.

Zakaria 8:6

“Chino muchikabwa chikomokeso kuli masalila ja che chifuchi alioze kuli yami hi chikomokeso ko.

Kwalula 11:23

Mwene Zambi yakumbulula ngwenyi: “Kuma kwoko liami hiliahiha, nyi? Ha shimbu likepe muumona nyi chize nambile muchimanunuka nyi ka!”

Mateu 14:31

Hazehene Yesu yolola kwoko, yamukwata, yamwamba ngwenyi: “Ufulielo we ukepe! Kuchi te unayambashana?”

Mateu 19:26

Yesu yaatala nee, yaamba ngwenyi: “Atu kenu maachisa, alioze hi Zambi ko, mumu Zambi kakuhasa yuma yeswe.”

Mateu 3:9

Kanda nunyonga ni kulisamba ngwenu: ‘Abrahama kali kashakulu ketu,’ mumu ngunanwambe ngwami, Zambi mahasa kwalumuna mawe wano ni kwapwisa vungu lia Abrahama

Marku 10:27

Yesu yaatala nee, yaamba ngwenyi: “Atu kenu machisa, alioze hi Zambi ko, mumu Zambi kakuhasa yuma yeswe.”

Luka 1:13

Alioze kangunga ka mwilu yamwamba ngwenyi: “Kanda wivwa woma, Zakaria! Zambi hevwa kuliumba che. Pwo lie, Isabele (Elisabete), kumakasema mwana wa lunga, ukamuluke jina ngwe, Yoano.

Luka 1:18

Zakaria yahula kanganda ka mwilu ngwenyi: “Ngwe kuchi mungunyingika ngwami, chino chili chamwenemwene? Mumu hinabwa kashinakaji, ni pwo liami nawa habwa kashinakaji.”

Luka 1:37

Mumu Zambi nichimwe machisa kenu.”

Luka 8:50

Alioze muze hevwa liji lize, Yesu yambila Jairu ngwenyi: “Kanda wivwa woma. Fuliela lume, mba makahinduka.”

A-ROMA 4:21

Yanyingika pundu ngwenyi, Zambi mahasa kumanununa chilakenyo chenyi.

Efesu 3:20

Zambi mahasa kulinga kuhiana yeswe yize tunechi hanji tunanyongo! Machilinga ni ndundo jize jakulinga muli yetu.

Shimbi 30:3

kachi Mwene Zambi, Zambi yenu, makanuvwila keke. Makanuchiza ku mavungu kuze anumwanginyine, mba makanuwahisa nawa.

Shimbi 7:21

Kashika kanda nuvwila atu wano woma. Mwene Zambi, Zambi yenu, kali hamwe ni yenu, kali Zambi munene, kola woma.

Filipu 3:21

Mwenawo makalumuna mijimba yetu yilelu ha kuyipwisa ngwe mujimba wenyi wa uhenya. Makachilinga ni ndundo jize mahasa kuzeyesa najo yuma yeswe.

Filipu 4:13

Ngunatakama mu yuma yeswe ni tachi ja Kristu, yoze unangutakamisa.

Hebreu 11:19

Abrahama yanyonga ngwenyi, Zambi mahasa kuhindwisa Isake ku kufwa—chili ngwe Abrahama yatambula Isake ku kufwa.

Akwa Kuyula 13:3

Kanganda ka mwilu ka Mwene Zambi yasolokela mwe pwo, yamwamba ngwenyi: “Yena uli mumba alioze ha shimbu likepe muuseseka ufumba, muukasema mwana wa lunga

1 Samuel 14:6

Jonatane yambila lunga yoze te unambata yitwa yenyi ngwenyi: “Tuchiye ku musumba wa yilima wano Afilistia. Hanji Mwene Zambi matukwasa, mumu hi chikalu ko kuli Zambi kulamwina atu, chibwe ni anji chibwe ni akepe.”