Ubutukilo 18:12 - Mukanda Wa Zambi 1970

¹² Kashika Sara yaseha ngwenyi: “Hinabwa kulu kashinakaji, kuma mungwivwa nawa kuwaha ha kusema mwana, nyi? Ni mukwetu lunga neye habwa kashinakaji.”

MUKANDA USANDU WA ZAMBI 1975

¹² Kashika Sara yaseha muchima ngwenyi, Muze hinapwa kashinakaji te mungwivwa kuwaha, ni mwata wami nawa kashinakaji, nyi?

Ubutukilo 18:12 Iomraidhean Croise

Ubutukilo 17:17

Abrahama yafulamana, yabutuka kuseha chikolo ngwenyi: “Kuma lunga chibwe habwa ni miaka 100 masema mwana, nyi? Sara chibwe neye habwa ni miaka 99 mahasa kubwa ni mwana, myi?”

Ubutukilo 18:13

Mba Mwene Zambi yahula Abrahama ngwenyi: “Kuchi mba Sara unasehe? Mumu yika anahamikina ngwenyi: ‘Hinabwa kuli kashinakaji, munguhasa nawa kusema mwana?’

1 MIANANGANA 4:16

Elisha yamwamba ngwenyi: “Mwaka wa kulutwe ha kakweji yono mwene, mwana wa lunga muukakwata mu kondo.” Mwe pwo yakumbulula ngwenyi: “Ahaa! Mwata nalemba, kanda nungwonga chocho. Yenu nuli mutu wa Zambi!”

Miaso (Masamu) 126:2

Cho kuseha, cho kwimba cha uwahililo! Mba mavungu akwo yaamba ngwo: “Mwene Zambi haalingila yuma ya kukomwesa.”

Miaso (Masamu) 45:11

Mwanangana kanakuzange mumu ha ubeme we; kali mwene we, kashika chatamba kumwononokena.

Efesu 5:33

Alioze chinalumbunuka nawa hakutwala kuli yenu: lunga mweswe azange mukwo pwo ngwe chize akulizanga iye mwene, ni pwo meswe ase mukwo lunga vumbi.

1 Petulu 3:6

Sara neye che abwile. Te kakwononokena Abrahama ni kumuvuluka ngwenyi: “Mwata wami.” Yenu mapwo munubwa ana jenyi, nyi munulinga yibema ni kunuchi kwivwa woma ku Chuma nichimwe.

Akwa Kuyula 19:26

Muze hikwacha mwe temena yaya yalimbukila hashi ku chikolo cha mukulwana yoze, muze mwabwile lunga lienyi. Yashimbwila ko ndoo kuvumbuka cha tangwa.